طلابنا الحلوين ،، يومياتهم ،، صعوباتهم ،،، مشاكلهم ،،، وان شاء الله الحلول

موضوع حلوووووووو ...

مفيد جدا وممكن تتشارك الامهات بتجاربها مع العيال ...

اشوف الموضوع شاغل بالك كثير يا بسومة ... اكيييييييد الموضوع يحتاج له صبر

وانا اعرف بنوتك شاطرة بس انتي طولي بالك

انا ماعندي احد في المدرسة بس عندي بنت اختي صف الرابع وعمرها 9سنوات ووسبع شهور معانا في البيت اشوف وايد المواد صعبة وخصوصا العلوم والرياضيات من يوم غيروهم حطوا مواضيع الدروس صعبة وايد احنا على ايامنا عطونا اياه في الثانوي واهو من صف الرابع حرام عليهم بس انا استانس على الانجليزي وايد حلو وممتع والمواد الباقية الحمد الله زينة مو صعبة وايد وعن البحوث والانشطة تقريبا يوميا وغير انشطة التقانة والفن وغير الاختبارات الي يعطونهم 3 الى 4 في اليوم الواحد والله يعينهم وغير عن الطلبات الي ماتخلص يوم يبون خلق وادوات الخياطة واشياء وايد ماتعد ولاتحصى الله يعين كل طالب وكل طالبة والامهات اجمعين والله يساعد الي عنده اكثرمن طفل في المدراس وعندي ملحوظة انا اشوف بنت اختي من افتحت المدارس شهر نوفمبر الماضي الى هاي اليوم استهلكت 3 شنطات هل هاي الشي طبيعي عند كل الطلاب او ان الكتب وايد والشنطة ماتستحمل او ان بنت اختي اشوي مهملة من ناحية الشنطة والله يوفق كل الطلاب ان شاء الله
ونصيحة لكل الطلاب والطالبات لاتاجل عمل اليوم للغد وان اذا رجعتوا من المدرسة اخذو راحة بعد وجبة الغداء سوو فيها اي شي طالعو التي في او قعدوا على الكنبيوتر او اي شي ثاني تقريبا لمدة ساعة الى ساعة ونص وبعدين درسوا ليكون بالكم مفرفش واذا عطوكم درس ارجعوا البيت ادرسوا اول باول لعدم تراكم الدروس عليك في ايام الامتحانات

موضوع حلو بسومة

انا عندي سؤال يشغلني كثير وهو الكتابة ثم الكتابة ؟كيف طرقكم في تعليم اطفالكم الكتابة ؟

خوش موضوع يا بسومة جا في وقتة

انا عندي اختي اخر العنقود في صف الاول ومشيبتنا كلش مو طالعة علينا احنا هاديين انا واختي:087: هذي شر ومشاغبة :041:

هي بصراحة شاطرة بس ملولة لدرجة ما تتصورونها بالموت امي تقعدها وتحل معاها الواجبات وهالايام متعلمة تخلي جم كتاب في درج طاولتها بالمدرسة وامي هددتها :039: ما بتسوي لها عيد ميلاد بما انة قريب عسى تنظبط :085:

تستاهلين التقييم بسومة بس ميزانش رافض عجزت

متاابعة للموضوع

موضوووع حلووو و مفيد كالعاادة ياا بسوووم

و تستاااهلي التقييم

بنتي في صف ثااني ابتداائي

و اليووم مريضة ماا دااومت !!

و ولدي بالرووضة و عليه وااجب و املااء بكرة بعد و للحين ماا سووى شي

مشيّب راااسي !!

و متاابعة ان شااء الله معااكم الموضووع

و لي عووودة ،،

بسومه

آه جيتي ع الجرح

كنت بفتح موضوع عن ولدي بس سبقتيني كعادتش ما تطوفين موضوع ما شاء الله عليش

ولدي في الروضه مستوى أول ومحيرني حيره ما أدري شنو المفروض أتوقع منه في هالمستوى؟؟

منهجهم حروف و أرقام عربي و انجليزي غير الدين

بس مو حاسه انه مستفيد شي من الروضه لما اجي ادرسه احس اني مبتديه وياه من الصفر كأن واحد مو داخل الروضه و كأن الي أقوله شي جديد عليه ا

وما أدري هل العيب فيه أو في الروضه ؟؟؟؟

رحت لمعلمته كذا مره و كل مره تأكد إنه شاطر ومتميز بس مو قادره أصدقها و أني الي أدرسه في البيت حاولت وياه بكل الطرق جبت له سي دي تعليمي كتيبات بطاقات علشان اسويه له مثل الألعاب يمكن يتشجع ومسابقات ما في فايده أحسه لو يعرف كان جاوب من شكله يبين شلون متشوق للشي الي وعدته به بس مو عارف يجاوب أحس يبي له تعليم من أول وجديد


في الدين أشوفه حفظ سورتين قصار وبعض الأدعيه أوكي بس الباقي!!!!!!!!!!!!!!!!

يعني صراحه الروضه سمعتها أوكي ويمدحونها بس مو شرط إن المعلمه تكون أوكي ويمكن بعد هو الي عنده المشكله

بس كتاب الإنجليزي اليوم جايبنه عنده فيه واجب تخيلوا هي ثاني مره يجيبه من بدت الدراسه داك الكورس يعني شلون بعرف مستواه!!!!!

غير العربي ظلوا نص الكورس الأول في أ و ب بس و تالي الحروف الباقي على بعض ولما قلت للمعلمه قالت لا الحين هم عندهم القدره يتعلمون أكثر من حرفين مره وحده

و الرياضيات مثل الشي عطتهم اياهم كلهم ورى بعض هذا الكورس

قلت الحل الوحيد اني بروح للمديره وبكلمها بس فالحين ياخدون فلوس ع الفاضي و في روضات واجد ارخص منهم

صار هذا الموضوع هاجسي أفكر فيه ليل نهار و خايفه على ولدي يطلع ما يفهم والا شي

يا ريت تساعدوني بحل و يا ريت تخبروني شنو يعلمونهم في المستوى الثاني علشان اعرف شلون اعده على الأقل بنفسي امري لله

حبيبتي مسز عادل ولدج في اي روضة شوفي انا بنتي في الروضة في مستوى اول عمرها 3سنوات و10 شهورما شاء الله عليها الحمد الله زينة بس في البيت الين اقعد معاها اسوي روحها ماتعرف شي طلع السبب مني انا لان مرة كنت تعبانة وكنت ادرسها ورفعت صوتي عليها ومن ذاك اليوم واهي في البيت اسوي روحها ماتعرف شي ورحت لمعلمتها وقلت لها السالفة قالتلي مع الوقت بتغير واحين الحمد الله شوي شوي تتحسن في دراسة البيت بس انا ما اظغط عليها وايد يعني اذا عندهم تقاويم ما ادرسها اخليها على معلومات الي عندها والحمد الله مستواها زين بس لا ظغطين عليه وايد ترى بيعاند بس احس وايد متأخرين في المنهج ممكن اتقوليلي العربي والرياضيات والانج الين وين اوصلو وانتي تكلمتي عن الرسوم هل اهيه غالية وايد يعني وشكرا
ولدج مواليد جم مسز عادل؟
انا بنتي مواليد 29 ابريل 2006

انا عندي مشكلة صغيرة مع بنتي وسبق وذكرت ان بنتي مستوى اول روضة من بدت الروضة الحمد الله قعدة الصبح جيدة مافي اصياح وعناد بعض الاحيان اذا ماشبعت نوم بس هاي الشهر وايد احسها اتصيح وتعاند اتقولي ماابي اقوم تعبانة واراضيها باي شي وتقوم والبسها و تنزل لجدتها تحت تتكلم معاها جدتها وتفرفش اشوي وتروح عادي بس اذا ارجعت من الروضة اتكون تعبانة حدها دايخة للاخر درجة تكسر خاطري واخليها ترقد ساعة وحدة واخلي لها غدا والين اقعدت اغديها وبعض الامهات بيقولولي ليش اتخلينها ترقد لان اذا مارقدت تقعد على الغدا كله اصياح ومايعجبها شي ولاتاكل شي بس اذا ارقدت واقعدت بعدين اغديها احسها يوعانة وتاكل اكثر من اهي نعبانة ومصيحة ممكن اتقولولي هل اهي اتعبت من روحة الروضة او ماتشبع نوماو مادري شنو الحل انا احسها مسالة عادية بس قلت اطرحها واشوف ردودكم علي وشكرا

بسوومة موضوعش يجنن مثلش

مسز عادل يمكن الخلل في المدرسة ساعات الروضة زينة بس المدرسة ما تكوون على مستووى
وعلى فكرة لاحظت هالشي في كل الروضات اذا الجاهل ما يعرف شي المدرسة تقول عندي شاطر وممتاز وتمدحه رغم انه في الواقع ام يعرف ولا شي وكل هذا لانهم في الشهادة بيحطون اليه ممتاز في كل شي فلازم المدرسة يكون كلامها جدي
وهذا اكبر غلط المفرروض يتعاونون وية الام وخاصة اذا الام مهتمة عشان مصلحة الجاهل
وعن مستوى ثاني يعطونهم الحروف العربية والانكلينزي كلهاا والارقام من 1 الى 20 بالعربي والانكلينزي وتحليل وتركيب وتجريد الحرف ومواقع الحروف يعني شكل الحرف في الوسط والبداية والنهاية
والانكلينزي يعطونهم الحروف الصغيرة والكبيرة وبعض الكلمات لكل حرف والالوان والاشكال
وفي الرياضيات يعطونهم الجمع والطرح

لي عودة ان شاء الله

حبيبة جيمي مو كأنه إلي قلتينه يعطونهم وياه في المستوى الثالث طبعا أني ما عندي الخبرة الكافية لأني للحين ما دخلت بنتي الروضة بس حبيت أتأكد قلت يمكن غلطانة

بسومة ذكري الصعوبات إلي تواجهينها في تدريس بنتش يمكن تلاقين الحلول المناسبة
بنات بسألك بالنسبة للي عيالهم في مدارس حكومية شلون راح تقوون عيالكم في اللغة الانجليزية يعني بتعتمدون بس على المدرسة لو راح تلحقونهم بالمعاهد لأن بصراحة أني هذا هاجسي دائما أفكر بين المدرسة الحكومية والخاصة في الواقع ما ني مقتنعة بالمدرسة الخاصة لأن لو وديتها خاصة لازم بعدين بنقلها حكومي حزتها أخاف تتبهدل في الدراسة لكن في نفس الوقت ما أبيها تكون ضعيفة في اللغة الإنجليزيةغير أن فيه ناس أعرفهم عيالهم في مدارس خاصة يقولون بأن عيالهم يعانون من ضعف في اللغة العربية وأحس نفسي في حيرة من أمري

يارب يتخطون كل المشاكل
وتشوفونهم متخرجين من المدارس والجامعات وبأحسن الوظايف

موضوع حلو كالعادة

متابعة...

يا ريت مشرفاتنا يثبتوه..

بسومه

خوش موضوع حبابه والله ظربتين على الوتر

كل وحده عندها اصبى مليون فى المئه نفس المعاناه المللللللللللل ولدى مللول حده ومزاجى يعنى اذا مو متملل ماشاء الله عليه احل واجباته ابسرعه من غير حتى ما اقول ليه واذا المزاج متعكر بلاعيمى اطيح من لصراخ وله فيه فايده

ولدى بصف الاول الابتدائي وماشاء الله امشي فى الدراسه والفضل يرجع الى الروضه لانه منهجهم قوى ومكثف وااجد استفاد عدل والمدرسات ادققون على كل حركه بس جاب نتيجه والحمد الله

اعذرونى كلامى مووو امرتب وله عارفه اكتب من زنه ابرارووو:039:

احلى تقيم لج خيتووو

ام نور

نفس وجهه نظرى فى المدارس الخاصه صح بكون قوى فى اللغه الانكليزية لكن على احساب لغته العربيه لانه بكون الطفل ميح فى العربى وغير انه المدارس الحكوميه المناهج العربيه قويه ومكثفه خاصه الحين المنهج التكاملى

ولدى بالمعهد الدينى الجعفري ودراستهم اوكى وهالكورس راح اسجله فى معهد برتش كونسل وان شاء الله يستفيد وتكون لغته الانكليزيه اقوى :03: وبجذى سويت توازن مابين الغتين

مسزز عادل

خيتوو ترى ولدج بعده اصغير وتوه مستوى اول لازم اتراعين سنه يعنى مو بين يوم وليله تبغينه

يحفظ كل شي لااااااا اصبري عليه لانه ولدج فى هالمرحله مخه يخزن كل شي يعنى صاير مخه

يتلقى ويخزن بس يعنى عقب فتره وعلى نهايه السنه بتلاقينه وااجد اتغير وتحسن وبتلاحظين

هالشي وتحملي بالكتكوت وله تجبرينه احل واااجباته خليه على راحته حررام توه 3 سنوات

عقب بيكره الدراسه لانه للحين مايستوعب ولا اتقارنينه ابغيره من الاطفال لانهم قدرات

منار نفس تفكيري بالضبط أني بعد أفكر أدخل بنتي حكومي ومن الصف الأول أدخلها البرتش كنسل بس بعد أحيانا أحس روحي في حيرة
المعهد الجعفري تقصدين فيه المدرسة الجعفرية

ام نور

اى حبابه المدرسة الجعفريه

امممممم فى شنو متحيرة خيوو ؟

مسوزة لا تعورين قلبش مثل ما قالت الأخت منار ولدش بعده صغير يعني يمكن 75% من إلي عيالهم قد ولدش للحين ما دخلوا الروضة بس أنتي شوفي طبيعة ولدش يعني من النوع إلي يركز ويستوعب بسرعة لو استيعابه بطيئ إذا كان من النوع إلي يركز ويستوعب وحسيتيه مو مستفيد شي السنة الجاية غيري الروضة أو لا تخلينه عند نفس المدرسة إلي قاعدة تدرسه في هالسنة وإذا كان تركيزه بطيئ فعليش تشدين معاه شوي وتغيرين في اسلوب التدريس يعني ممكن حتى تلعبين معاه على أنه الأستاد وأنتي الطالب يمكن يطلع ابداعاته