السلام عليكم
بنات بليز شورو علي
عسى ربي يكتب لي الحل على شوركم و ارتاح من الهم النفسي اللي انا فيه
انا متزوجة من ثلاث اشهر تقريبا
يعني عروسة جديدة بس نفسيتي جدا تعبانة و ساكتة
زوجي خطبني عن طريق الاهل و الحمدلله ايامنا الاولى كانت عسل بعدين مع تجهيزاتي و تجهيزاته بدت المشاكل
اهو طبعه عصبي جدا و كتوم
كنت بالقوة اطلع السالفة من حلجه و لا اهو ما يجولي
انا صبرت طول اذيج الفترة و جلت فترة خطوبة و الاعصاب متوترة و ان شاء الله بعد الزواج يستقر
تصورن يوم الملكة المعرس يتصل بالعروس يبارك انا زوجي اتصل فيني بعد الملكة باربع ساعات عشان يهاوشني و يجولي اهلك ما طبخوا عشى كفاية للمعازيم وو انا ما تعشيت
تخيلوا شكلي و انا وسط صديقاتي و ريلي مبروك ما جالها لي
حطيت بخاطري و جلت يا بنت طوفي تراه باكر ليلتي
ليلة زواجنا بكاني لما جالي ما راح تصوري
و انا اجوله مخسرة الشئ الفلاني عشان التصوير اشلون بعدين ما نصور مع بعض و انت واعدني
مع انه بروحنا و ماحد معنا
و لما كتبت له مسج اني موب حاسة نفسي اني عروس لانك كل شوي تهاوشني اتصل يراضي و جال اوكي
يوم الصباحيه نفس الشئ هاوشني عشان جدتي مادري اش جالت له ليما خلاني ابكي و انا نفسيتي كانت داون لانه خلاص طلعت برع بيت اهلي و اليوم الثاني كنت بسافر
حتى جلت له حرام عليك بديت اخاف منك,شنو بتسوي فيني و انا بعيد عن اهلي
في شهر العسل ماشي يوم ما تهاوشنا
حتى صرت اشتاق اني ارجع لاهلي بس لاني تعبت
و لما يدجو اهلي و لا اهله كنت اضحك و ابين لهم انه عادي
بعد ما رجعنا من السفر و التهى كل واحد بداومه بدت تخف المشاكل و بالذات لانه بعيد عني لطبيعة عمله ما اييني غير اخر الاسبوع(الخميس +الجمعة)
بس ابدا ما صرت احس بحنانه و شوقه
يطلع عني بعد ما يوصل بساعة
يمارس سبورت و لما يرجع يجعد ع التي في لبرامج رياضية
و اذا سهر بيسهر مع ربعه
حتى صرت اكره الجماع معه
لانه يجامعني اذا انا بغيت
اذا انا ما طلبت عادي بالنسبة له
كأنه واجب زوجي ثقيل على قلبه
و ينام بقلب بارد و اليوم الثاني يروح عني
و انا مو مجصرة معه بشئ
عطور و كشخة و مكياج حتى معروفة كل نهار خميس لازم بالصالون عشان التسريحة و الميكب
و اسبوع حنى و اسبوع لا
كل هذا عشان ابقى عروس يديدة بعينه
الاسبوع الماضي زاد علي ضغط العمل و صرت ابكي اني ابي اطلع من الدوام نهائيا
جالي هدي بالك و ان شاء الله هالاسبوع اشلك معي
بتاخذي اجازة اسبوع و بتريحي معي
عاد انا استانست من خاطري
بس مع زيادة اهماله طنشته يومين بعدين اتصلت فيه ابكي
و اهو بكل برود جالي اش فيك جلت له ماشي جالي اوكي انا بنام عنك و صكره بويهي
طرشتله مسج طويل
اني موب حاسة نفسي اني متزوجة
و انه لولا طيبة اهلك كان طفشت من البيت
و اني ابي عيال و مستعيلة عليهم لانهم ابيهم يملون الفراغ اللي انت ما قدرت تمليه
اليوم الثاني اتصل فيني يتاسف انه هالاسبوع بتشوفيني واحد ثاني و بتغير عشانك بس حافظي على زواجنا و انا صدجت
لما رجع اخر الاسبوع و لا كأنه صاير شئ
كله برع بسبب تصليح السيارة و المباريات و هالامور
و لما طلعني طلعني بالقوة اخر الليل الساعة 11 و حاجة لانه بهالوقت رجع من مشاويره
رحت بيت اهلي اودي لهم حاجة و جلت له خلينا نطلع ع البحر
تخيلوا اجوله اليوم 19\3 ذكرى خطوبتنا يجولي الساعة بتصير 12 خلينا نروح باكر معك دوام و ابي انام
كرهت الطلعة بكبرها و دشيت السيارة مبوزة
صار طول الدرب يجولي انتي موب عايبك شئ
انا اركض طول اليوم عشانك و انتي ما تشكري
انا مجهز لك احسن هوتيل عشان تيين عندي و انتي مو مهتمه
انا و انا و انا
ليما صرخت و جلت له بس راسي عورني من انا
سكت و سكتت معه
تعشى بقلب بارد و لا جالي تبي عشى و نمت و لا كانه مسوي شئ
داومت و اهو اخذ اجازة لاني يبي يخلص شغل لسيارته
و لما رجعت الظهر من الدوام كنت ماخذة بخاطري
فاول ما جالي احبك
جلت له متاكد؟؟؟لانه افعالك عكس كذية
ضاج خلجه و جالي جهزي شنطتي انا رايح عنك العصر
راح العصر بقلب بارد و انا ابكي و لا كلف خاطره يسالني اش فيك
طرشت له رسالة الحمدلله ع السلامة,ابي اكون بروحي عشان ارتاح فلا ترسل و لا تتصل
ما اتصل و لا طرش
و اليوم عزمت اروح بيت اهلي لاني متعودة اذا راح اروح بيت ابوي بس ارجع قبل نهاية الاسبوع
الظهر طرشتله:بعد المغرب بروح بيت اهلي بجعد هناك
رد علي خلي مفاتيح الغرف في البيت
انا فهمت منه انه حاط في راسه اني: برجع و لا بحصلك بس ما راح يهمني
صرت ابكي من رسالته
و ماعرف شأسوي
افكر اروح بيت اهلي و لا ارجع الا اذا راضاني هناك
و اخاف اطول بيت اهلي و يسالوني اهلي اش فيك و انا ابدا ما تعودت اشكي منه ابدا و كانه ما بيينا مشاكل لانه اهلي جدا يحترموه و يحبوه
حاطه براسي انه الرحلة و الاجازة مالت الاستجمام اللي وعدني فيها من باكر الاثنين بتروح عني
بس كرامتي بعد فوق كل شئ
شورو علي شأسوي؟؟
اخبر اهلي و لا اخلي الموضوع سكاتي ليما ينحل بسرية بروحه او ينكشف بروحه؟؟؟
انا متاكدة انه ابوه اذا شافني مو موجودة بغدى الخميس بيتصل فيني يسال وينك
لاني بحسبت بنته و اكثر و كذالك امه لانهم جدا حبوبين
هل اجولهم و لا شو؟؟
اسئلة وايد ادور براسي حتى موب قادرة انجز اي حاجة في شغلي؟؟؟
لا تجولي جعدي معه جعدة صفا تتفاهمو
تعبت منه و الله
ياما جعدت
و ياما صرخت
و ياما زعلت
و ياما تدلعت
و اخر مرة حطيت كتاب يتكلم عن الحب و المشاكل الزوجيه و حلها
حطيته بوسادته
طالعه دجيجة و صكر الكتاب و كانه مو مهتم باللي مكتوب
شورو علي شأسوي لانه التفكير ذبحني
3 اشهر زواج و انا تعيسة
يا ليتني مقصرة
ماديا و معنويا مو مقصرة معه و لا اهو بينكر هالشئ
بس احسه مزاجي و ما عدت اطيج هالمزاجيه لانها تعبت نفسيتي و اهو غير مبالي
حتى الحمل صرت احس نفسي اني بتاخر سنين لو صار يجامعني مرة بالاسبوع او مرتين فقط و كأنه متزوج من 20 سنة
سألت عنه اهله كيف طبعه قبل الزاوج جالولي هادي بس في فترة مراهقته كان منطوي جدا على نفسه و حابس نفسه بالغرفة و كله على البلاي ستيشن و دراسته و بس
بعد العمل بدى يطلع و فكر بسرعة بالزواج و تزوج
هل عشان طبعه يعاملني كذية
و هل هذا يعطيه الحق انه يعاملني و كاني موب زوجة او انسانه جدامه
بنات بليز شورو علي
عسى ربي يكتب لي الحل على شوركم و ارتاح من الهم النفسي اللي انا فيه
انا متزوجة من ثلاث اشهر تقريبا
يعني عروسة جديدة بس نفسيتي جدا تعبانة و ساكتة
زوجي خطبني عن طريق الاهل و الحمدلله ايامنا الاولى كانت عسل بعدين مع تجهيزاتي و تجهيزاته بدت المشاكل
اهو طبعه عصبي جدا و كتوم
كنت بالقوة اطلع السالفة من حلجه و لا اهو ما يجولي
انا صبرت طول اذيج الفترة و جلت فترة خطوبة و الاعصاب متوترة و ان شاء الله بعد الزواج يستقر
تصورن يوم الملكة المعرس يتصل بالعروس يبارك انا زوجي اتصل فيني بعد الملكة باربع ساعات عشان يهاوشني و يجولي اهلك ما طبخوا عشى كفاية للمعازيم وو انا ما تعشيت
تخيلوا شكلي و انا وسط صديقاتي و ريلي مبروك ما جالها لي
حطيت بخاطري و جلت يا بنت طوفي تراه باكر ليلتي
ليلة زواجنا بكاني لما جالي ما راح تصوري
و انا اجوله مخسرة الشئ الفلاني عشان التصوير اشلون بعدين ما نصور مع بعض و انت واعدني
مع انه بروحنا و ماحد معنا
و لما كتبت له مسج اني موب حاسة نفسي اني عروس لانك كل شوي تهاوشني اتصل يراضي و جال اوكي
يوم الصباحيه نفس الشئ هاوشني عشان جدتي مادري اش جالت له ليما خلاني ابكي و انا نفسيتي كانت داون لانه خلاص طلعت برع بيت اهلي و اليوم الثاني كنت بسافر
حتى جلت له حرام عليك بديت اخاف منك,شنو بتسوي فيني و انا بعيد عن اهلي
في شهر العسل ماشي يوم ما تهاوشنا
حتى صرت اشتاق اني ارجع لاهلي بس لاني تعبت
و لما يدجو اهلي و لا اهله كنت اضحك و ابين لهم انه عادي
بعد ما رجعنا من السفر و التهى كل واحد بداومه بدت تخف المشاكل و بالذات لانه بعيد عني لطبيعة عمله ما اييني غير اخر الاسبوع(الخميس +الجمعة)
بس ابدا ما صرت احس بحنانه و شوقه
يطلع عني بعد ما يوصل بساعة
يمارس سبورت و لما يرجع يجعد ع التي في لبرامج رياضية
و اذا سهر بيسهر مع ربعه
حتى صرت اكره الجماع معه
لانه يجامعني اذا انا بغيت
اذا انا ما طلبت عادي بالنسبة له
كأنه واجب زوجي ثقيل على قلبه
و ينام بقلب بارد و اليوم الثاني يروح عني
و انا مو مجصرة معه بشئ
عطور و كشخة و مكياج حتى معروفة كل نهار خميس لازم بالصالون عشان التسريحة و الميكب
و اسبوع حنى و اسبوع لا
كل هذا عشان ابقى عروس يديدة بعينه
الاسبوع الماضي زاد علي ضغط العمل و صرت ابكي اني ابي اطلع من الدوام نهائيا
جالي هدي بالك و ان شاء الله هالاسبوع اشلك معي
بتاخذي اجازة اسبوع و بتريحي معي
عاد انا استانست من خاطري
بس مع زيادة اهماله طنشته يومين بعدين اتصلت فيه ابكي
و اهو بكل برود جالي اش فيك جلت له ماشي جالي اوكي انا بنام عنك و صكره بويهي
طرشتله مسج طويل
اني موب حاسة نفسي اني متزوجة
و انه لولا طيبة اهلك كان طفشت من البيت
و اني ابي عيال و مستعيلة عليهم لانهم ابيهم يملون الفراغ اللي انت ما قدرت تمليه
اليوم الثاني اتصل فيني يتاسف انه هالاسبوع بتشوفيني واحد ثاني و بتغير عشانك بس حافظي على زواجنا و انا صدجت
لما رجع اخر الاسبوع و لا كأنه صاير شئ
كله برع بسبب تصليح السيارة و المباريات و هالامور
و لما طلعني طلعني بالقوة اخر الليل الساعة 11 و حاجة لانه بهالوقت رجع من مشاويره
رحت بيت اهلي اودي لهم حاجة و جلت له خلينا نطلع ع البحر
تخيلوا اجوله اليوم 19\3 ذكرى خطوبتنا يجولي الساعة بتصير 12 خلينا نروح باكر معك دوام و ابي انام
كرهت الطلعة بكبرها و دشيت السيارة مبوزة
صار طول الدرب يجولي انتي موب عايبك شئ
انا اركض طول اليوم عشانك و انتي ما تشكري
انا مجهز لك احسن هوتيل عشان تيين عندي و انتي مو مهتمه
انا و انا و انا
ليما صرخت و جلت له بس راسي عورني من انا
سكت و سكتت معه
تعشى بقلب بارد و لا جالي تبي عشى و نمت و لا كانه مسوي شئ
داومت و اهو اخذ اجازة لاني يبي يخلص شغل لسيارته
و لما رجعت الظهر من الدوام كنت ماخذة بخاطري
فاول ما جالي احبك
جلت له متاكد؟؟؟لانه افعالك عكس كذية
ضاج خلجه و جالي جهزي شنطتي انا رايح عنك العصر
راح العصر بقلب بارد و انا ابكي و لا كلف خاطره يسالني اش فيك
طرشت له رسالة الحمدلله ع السلامة,ابي اكون بروحي عشان ارتاح فلا ترسل و لا تتصل
ما اتصل و لا طرش
و اليوم عزمت اروح بيت اهلي لاني متعودة اذا راح اروح بيت ابوي بس ارجع قبل نهاية الاسبوع
الظهر طرشتله:بعد المغرب بروح بيت اهلي بجعد هناك
رد علي خلي مفاتيح الغرف في البيت
انا فهمت منه انه حاط في راسه اني: برجع و لا بحصلك بس ما راح يهمني
صرت ابكي من رسالته
و ماعرف شأسوي
افكر اروح بيت اهلي و لا ارجع الا اذا راضاني هناك
و اخاف اطول بيت اهلي و يسالوني اهلي اش فيك و انا ابدا ما تعودت اشكي منه ابدا و كانه ما بيينا مشاكل لانه اهلي جدا يحترموه و يحبوه
حاطه براسي انه الرحلة و الاجازة مالت الاستجمام اللي وعدني فيها من باكر الاثنين بتروح عني
بس كرامتي بعد فوق كل شئ
شورو علي شأسوي؟؟
اخبر اهلي و لا اخلي الموضوع سكاتي ليما ينحل بسرية بروحه او ينكشف بروحه؟؟؟
انا متاكدة انه ابوه اذا شافني مو موجودة بغدى الخميس بيتصل فيني يسال وينك
لاني بحسبت بنته و اكثر و كذالك امه لانهم جدا حبوبين
هل اجولهم و لا شو؟؟
اسئلة وايد ادور براسي حتى موب قادرة انجز اي حاجة في شغلي؟؟؟
لا تجولي جعدي معه جعدة صفا تتفاهمو
تعبت منه و الله
ياما جعدت
و ياما صرخت
و ياما زعلت
و ياما تدلعت
و اخر مرة حطيت كتاب يتكلم عن الحب و المشاكل الزوجيه و حلها
حطيته بوسادته
طالعه دجيجة و صكر الكتاب و كانه مو مهتم باللي مكتوب
شورو علي شأسوي لانه التفكير ذبحني
3 اشهر زواج و انا تعيسة
يا ليتني مقصرة
ماديا و معنويا مو مقصرة معه و لا اهو بينكر هالشئ
بس احسه مزاجي و ما عدت اطيج هالمزاجيه لانها تعبت نفسيتي و اهو غير مبالي
حتى الحمل صرت احس نفسي اني بتاخر سنين لو صار يجامعني مرة بالاسبوع او مرتين فقط و كأنه متزوج من 20 سنة
سألت عنه اهله كيف طبعه قبل الزاوج جالولي هادي بس في فترة مراهقته كان منطوي جدا على نفسه و حابس نفسه بالغرفة و كله على البلاي ستيشن و دراسته و بس
بعد العمل بدى يطلع و فكر بسرعة بالزواج و تزوج
هل عشان طبعه يعاملني كذية
و هل هذا يعطيه الحق انه يعاملني و كاني موب زوجة او انسانه جدامه