زوجي حارمني من الموبايل...

السلام عليكم ورحمة الله وبركاته

ازيكم يا بنات وحشتوني جدا والله يارب تكونوا بخير جميعا ولو اني عارفة ان كل البنات اللي داخلين الركن ده نفسيتهم متدمرة ربنا يخلينا لبعض:04:

يا بنات انااا اعصابي تعبانة جدا ومخنووووقة لابعد حد واحكموا بنفسكم مين الغلطان


من يوم زواجنا-من سنة و7شهور-وانا طلبت من جوزي يغيرلي الموبايل بتاعي لانه له سنين معي وملييييييت منه وهو وعدني يغيرهولي اول مالظروف تسمح لكن انا كنت حاسة ان الموضوع مش في نيته اصلا ومش كده وبس ده كمان قال انه ممكن يبيع تليفونه وده ارخص من تليفوني وبثمنه يشتريلي في مقابل انه ياخد تليفوني.اوكيه؟ انا قلت ماشي رغم اني كنت عايزة ابيع بتاعي لانه اغلى وبثمنه اشتري لكن لما حسيت انه عايز تليفوني ما اترددتش اديهوله باعتبار ما سيكون

لكن الشهووووووور مرت ولا فيه اي نية لتنفيذ وعده مع العلم باني قلتله اني هساهم في الشراء
وكان عاجبني موبايل معين من اكتر من سنة وانا مصبرة نفسي مع خوفي انه يخلص من السوق
وانا الحمد لله ماشاء الله لاقوة الا بالله عندي ذهب كتير ومش بلبس منه الا حاجات معينة ففكرت ابيع منه خاتم قديم وصغير كان هو اشتراهولي مع الشبكه واني اكمل ع ثمنه بمصاريفي اللي محوشاها من والدي وماكنتش هكلفه هو غير 200 ج تقريبا

اول ما قلتله كده راح مزعق فيا وقالي : طبعا لأ ازاي تبيعي دهبك عشان حاجة متستاهلش..الخ
وبطريقة فظيعة فضل يعلي صوته فغصب عني قفلت التليفون في وشه؟؟لانه:

1-استفززززني جدا بطريقته ولانه مش مديني اي فرصة اشرحله

2- لان يوجد مشروع اني ابيع كل دهبي وبطلب منه من اجل شراء شقة تمليك بدل الايحار وانا كنت موافقة .....طيب اشمعنى كان موافق ع كده

3- لانه لم يقدر اهمية اني هسيبله تليفوني اللي ممكن تمنه يوفرلي شوية

4- لانه اتعامل مع مروءتي وكرمي معاه على اساس انها حاجة عادية مع ان كان مفروض هو اللي يشتريهولي من غير ما ابيع دهب ولا غيره يعني كمان انا اللي عايزة ابيع ومش عاجبه


معلش يا بنات طوووووولت عليكم ودوشتكم بس مش لاقية حد يسمعني او افضفضله زي ما اتعودت منكم
وانا دلوقتي مش عارفة اعمل ايه اتخنقت بجد منه حاسة اني اتخدعت فيه وانه طلع وصولي وانتهازي واناني مش عارفة ابيع تليفوني بس تمنه مش هيجيب تمن الجهاز اللي عاجبني من اكتر من سنة وحتى لو كملت عليه برضه مش هيكفي

اتصرف ازاي معاه

ياريت تنوروني بردودكم وارائكم


:L:مع حبي:L: