ولدي جنني يااااااااااااااارب ارحمني

الله يعيينك حبيبتي لاتضربيه لانه حيزيد بالعناد حاولي تتكلمي معاه بهدوء او انك تقوليله انا زعلانه منك لاتكلمني واغريه بالحلويات والشكولاته والله يهديه يارب احتسبي الاجر حبيبتي

لازم يخاف منك ..ولو ما يخاف منك عالاقل لازم يخاف من ابوه
يمكن انتي لما هو كان صغير كنتي تسمحيلو بالغلط وتسايري كثير عكل شي يسوي ,وهدا غلط .
الصراخ والضرب معاه ما رح ينفع لان الطفل ذكي ..وهو فهم انو انتي كلمتك مو مسموعة عندو ,حاولي تخلي ابوه هو الحل بانك تخوف فيه .

الله يعينك

عادي كل الجهال يعاندون طبيعي بس اهم شيء مو على كل سبب تضربينة لانة ما يفيد الظرب خير شر .. الصبر وياه .. وشوي شوي بيتعلم

لالالا انصحج ماتضربينه ترى مرت اخوي عندها بنت عمرها خمس سنين بالضبط وهي توها حامل عليها والله انها تعصب عليها وتضربها قلنا يمكن بس فتره الحمل وبعدين تهون ماتطقها بس اهي قبل لاتحمل على طول تطقها اقسم لج بالله انها لبنيه قامت تبول حتى وهي نايمه وتتحكم في نفسها ارجووووج لاتطقينه انتي قولي في نفسج فترى وتعدي حرام مهمايكون هاذولي اطفااااال ورحمتهم تحتنا احنا نلبس نوكل نشرب كلللشي يعني اهم مثل البه في ايدنا خلنا نحاول انه احنا نتقن تربيتهم هونيها وتهون اذا شفتي نفسج صبتي مو قادره على طول اسغفري ربج صرخي عليه بس لاتطقيه والله يساعدج

الله يعينك اختي

انا لما بنتي تصيح كانت تروح في غرفتي وتصيح

وطبعا انا ماكنت اروح اراضيها لان تزيد في لعناد

وطبعا انا من الاول لما تصيح اقول لها روحي الغرفة وصيحي لين ماتشبعين

وعلى طول تروح وتضرب الباب بقوة >>خخخخ

واذا خلصت تطلع وتقول لي مااكلمك ماما وعلى طول اروح اراضيها لانها وقفت صياح

واسفة على الاطالة والله يهدي ولدج يارب

يعطيكم الف عافيه
من جد كلامكم ريحني وانا احااول معاه باطيب ماينفع بالصراخ ماينفع

والطق ماينفع يعني يصيححححح
مايسكت

اقوله روح مكان وصيح لما تشبع
بس لاورااااااااااااااي ويصيح تعبت والله

وانا مابي اضربه اقول حرام
بس يجبرني بأسلوبه
يااااااااااااااااااااااااااااااااااااااااااااااااااااااااااااارب صبرني
ويعطيكم الف عافيه خواتي
ويهدي لكم اولادكم يااااااااااااااارب

لدينا مما لديكم
بنوتتي 4 سنوات ومن شهرين ماأدري ويش الا استجد عندها عاااااااااااااااااادي اتصارخ ساعة الا ربع او ساعة والله الشاهد ماأكذب وكلها حجج ومحاولات لفت نظر للعلم اني ماعندي غيرها ولا انا حامل
واتخيلي اذا ابوها نايم اتروح جنب باب الغرفة اتصيح علشان تزعجه ويطلع منزعج منها ويعصب عليها وأنا حتى راسي بعض الأحيان أحس بألم شديد الظاهر بوادر الضغط هههههههههههههه
بس انا أقول شكلها فترة واتعدي يعني كل اللي في سنها صايرين مثلها
كنت في البداية اصرخ واحاول ماأضرب بس هذا كله عايد على صحتي انا اللي انضغط وبعد ماتسكت اتقول لي ماما انا اصيح لأن أمس ولد عمتي الصغير( سنتين ) ضربني:039: ياربي ساعة الا ربع وتالي على هالسالفة
يعني كل يوم قصة وكل يوم حجه لكن أنا صرت لما اتصارخ وهذا اسلوب استخدمته معاها وهي صغيرة فترة :042:أقول لها اتعوذي من ابليس هذا يلعب عليش يبغاش تضربين أمش علشان يفرح لما تدخلين النار تصارخ اشوي اشوي وانا اكمل وهو دايماً إلاحقنا علشان يبغانا نصرخ ونزعج اهلنا لكن حبيبتي خلينا نقهره وانقول اله روووووووووووح مانبيك روح ياشيطان وأقرأ معاها المعوذات واشوي اشوي انصير حبايب:086: يعني اقصها لها مثل القصة وحتى لو تصارخ اكمل وتندمج اشوي اشوي وتهدأ

جربيها مع ابنك لأنهم في هالسن يفهمون وحتى لو ماسمع كلامج اول شئ مع تكرار الكلام بيسمع وبيندمج

طولت عليج لكن والله ارتحت مو بس انا عندي المشكلة هذي مشكلة الاولاد في هذا السن

مسائج ورد خيو ..

أنا فكرة الفاطمية أسويهااا .. وتجيب نتيجة حلوة .. طبعا عمره 3 و10 شهور .. أقوله هذا بليز يقولك سو الخطأ عشاان يضحك عليك .. ويقول ألااااااي في وااحد بيدخل وياي النار هههههه .. وفعلا يتراجع ويقوله بليس أنا ما بسمع كلامك ..

بس ولدي صااير يدلع بزياادة حتى في الكلااام .. يتكلم مثل اليهااال .. أو يقلد لهجات الناس اي شي يناسب لو ما يناسب ..

ي

هههههههه عندنا وعنكم خيرر , الا كل الخير بعد,,

بنتي نفس الحاله عمرها 4 سنوات وشوي,, نفس الحاله ,, عنييييدة ومن تكلمينها تقعد تصاررخ,,
يعني على اقل شي تعصب وتصارخ,, (( من اجي أأكلها قالت مااااابي يعني ماااااابي لاتعورين راسي))) هذي عبارتها..

اذا قلت لها يالله ماما قومي نامي قال(مو على كيفش على كيفي خليني على راحتي,, مابي انام ))

هذي على طول عباراتها,, خليني على كيفي وعلى راحتي ولاتعورين راسي,,

بس تعرفين الطفل لازم يحصل احد يخااف منه,, اهي ماتخاف من ابوها ومني احيانا تسوي روحها تخاف واحيانا تتجاهلني ولاتهتم لكلامي’’ بس عندها خالها اللي اهو اخوي تخااف منه ,, من تسوي غلط وتعاندني ,, اقول لها بتصل في خالج وباقول له عن اللي تسوينه,,تتراجع عن اللي في بالها..

وبعد احاول اشجعها بلوحه النجووم اللي عندها وتكلمنا عنها قبل,, حاطه لها لووحه وكلما سوت شي صح وسمعت كلامي,, حطيت لها نجمه او وجه ضاحك,, والعكس كلما سوت شي غلط,, وعاندتني حطيت لها وجه عابس يصيح ,, او نقطه سووده..
واتعامل معاها بنظام الثوااب والعقاب,, كلما سوت شي صح عطيتها هدية او حلاوة,, واذا سوت غلط وعاندت,,حرمتها من طلعه مثلا من الالعاب اقول لها ماابنروح هالاسبووع الالعاب ,,او مابنروح بيت بابا عوود..

يعني شوي شوي يبي لهم صبر,, احيانا صح اعصب واصارخ واستغفر الله احس نفس اكفر,, اقول لها انتي هم انتي عذاب وياريتني ماجبتج ومن هالكلام ,, بس استغفر ربي عن اللي اقوولة ,, مهما يكون هذول نعمه من رب العالمين ,,

الله المعين عليهم,, شنسوي بنصبر نفس مااهالينا صبرو علينا وتحملونا ,,

الحمدلله ع كل حال,,

سااااااااااااامحونا على الاطااااااااالة ههههههههه انسمتنا في الكلام,,

ياااااااااااااااااااااحبي لكم والله يابنات عروس وربي انكم ونعم الاخوات
ماشاء الله ريحتوني مررره بكلامكم وبتبع نصايحكم والله يصبرنا

بجرب كل شي معاااه
مع انو اخوه الي اصغر منه اعقل منه
بس اليوم الحمد الله هذأ شوي

الله يهدي ولادنا يااارب ويجعلهم من الصالحين
والله الوحده لما تقرا ردودكم وتعرف انو كل الاطفال نفس الحاله تهون عليها المشكله