أحلى الصديقات السوريات بأحلى تجمع لشهر ربيع الثاني اهلا وسهلا***

الدمشقية;11804023:
واحلى كاتس وكاتس احلى وبيض الله وجهوووو هههه ويسعد صباحك ومساكي وكل اوقاتك ياقمر,, كويس اللي ربك سهلها وخلصتي من اوراق السيارة صحيح كاتي شو نوع سيارتك ياقمر ؟
وقولتك لازم التحئ بدورة انكليزي بس هالشي صعب ومااعتقد اقدر اولادي وحماتي والبيت
مابعرف بدري الموضوع وعلى الله وبالفعل هلأ هالوقت اللي نابيعرف انكليزي وكمبيوتر فهو امي
الله يعلمنا قولي امين :01:
اما عن شامو اي والله طالعة قوية واحسن من امها كمان خخخخخ بتعجبني شخصيتها ماشالله عنها اشجع من محمود ,,, وتسلمي لقلبي وعقبال عند تالا كمان

ويتهنى زوجك بالعطور عنا في عطور واصلية مية مية بس كتير بتكون غالية يعني اقل عطر حلو وابن عالم وناس بحدود 250 ,, 290 ريال وفي اقل طبعا بس مرة زوجي كان بدبي قللي ان العطور هناك ارخص وخصوصي بمنطقة جبل علي ,,,فعشان هيك سئلتك فكرت زوجك بيشتريها
وهي زوج بيرل طلع قريب لزواجنا ههههه

وبخصوص اختي الله يسلمك يارب ويسعدك ويفرح قلبك باحبابك ياقمر:087:

لولية;11805701:

يسعد مساكن يا حلوات شو أخباركن الحلوة
أول شي يا عمري يا عمري بيرل مبارك ما إيجاكن وفعلا بادرة حلوة من أخوكي يسمي البنوتة على اسمك بس ليكي لو ما كنتي بنت احمى طيبة ومافي متلك والله ما كانت رضيت مرته بقى ألف مبروك
شامية تؤبشيني والله حاسة فيكي بس شو بدك تعملي يلا هي كم يوم وبتقوليلها بيتك بيتك في ناس سبحان الله ما بيلبقلهن الدلال وبعدها نصيحة اعملي إدن من طين والتانية من عجين وشو ما سمعتي حكي طنشي والله يمضيلك هالكم يوم على خير وسلامة
سورية حبيبتي سلمتلك على الشام بس قالتلي إنه والله مشتاقتلكن وناطرتكن بقى لا تطولوا الغيبة عليها والله بلادنا بتجنن
دمشقية ليكي يا عمري الأنكليزي ما إله حل تتعلمي غير بالدورات وبالممارسة وبجدة مليان هيك شي خديلك شي دورة فترة الصبح وقت ولادك بيكونوا بالمدرسة ليه لا حبيتبي
كاتس شايفة هي ضريبة اللي بيكون عنده سيارة بيصير كلشي هو بيعمله والله أحيانا بتندم على اليوم اللي اتعلمت فيه السواقة وكرمال هيك لما بروح على الرياض برتاح خي ما أحلاها السواق بياخدني وبيجيبني وأنا بكسب الفرصة وبعمل ختمة قرآن بالمشاوير لإنه بتعرفوا المسافات عنا بالرياض طويلة
سمورة يا عمري والله اشتقتلك وبتعرفي لهلأ ما صحلي زور العصفورة أد ماني مشغولة بس ان شاء الله بكرة بيصحلي مر عليها
أخباري إنه يوم السبت جاي لعندي أم العريس اللي بدو يخطب بنتي الكبيرة بقى يمكن هلأ حاسستها أسهل من أول مرة لإنه قال يعني صار عندي خبرة بقى ادعوا لبنتي الله يقدملها اللي فيه الخير يا رب
وهلأ بدي إلكن نايتي نايتي لإنه هلكت من الصبح

سورية وبفتخر;11810917:
الله يسعد صباحكم ومسئكم وكل اوقاتكم يارب
كاتس العسل الحمدلله يلي خلصتي من اوراق السيارة والله انك كدعة انا مابظن انه عندي الجرأة اني سوق سيارة بس والله نفسي وبخصوص اصابيعي فهم حصريا لجوزي خخخخخخخخ
بيرل الله يسعدك يارب والف مبروك :087:جوجو الصغيرة ربي يحميها وتطلع شبهك بحلاوتها وطيبة قلبها وربي يجعلها من مواليد السعادة يارب
شامية يبعتلي حمة عليك والله حاسة فيك بس معلش اصبري مابعد الضيق الا الفرج وبنت حماكي في رب يمهل ولايهمل والله يعديلك هالكم يوم على خير والله يفرجها عليكي وعلى جميع خلقه
لولية الله يسلملي قلبك ومتل ماقلتي بلادنا حلوة الله يعمرها يارب
ويالله الله يختار لبنوتك يلي فيه الخير ويجعل حظها ابيض
دمشقية حبيبتي انتي عم بمزح شبنا مابتلقى مزح جاييتك اليوم ولايهمك
سمورة وبنوتة العرايس وينكم

سورية وبفتخر;11810932:
اما عن اخباري مبارح عزلت المطبخ وهلكت تماما ورجلييي ماعاد حسيت فيهم بس الحمدلله خلصت من همه والله يستر ما اولد عالسابع من بعد هالتعب هههههههه الحمدلله على كل حال

CATS_ANGEL;11811859:
:015: :015: :015: :015: يا صباح الخيرات و الليرات و الضيوف يلي جايين اليوم فرحتو دمشقية و يلي بفرح دمشقية بفرحنا

ايه الحمدلله خلصت من الاوراق ومن هون للسنة الجاية الله يحيينا و سيارتي هوندا 2003 لون فضي :01:
و بصراحة ما رح تعرفي تتعلمي بدون دورة او على الاقل شوفيلك معلمة تيجي على البيت ساعتين بعد ما الاولاد يروحو للمدرسة و ابو الشباب يتسهل على شغلو او تكون الدورة بنفس الوقت واكيد في مراكز عارفين اوضلع ستات البيوت وانا كمان عم دور على شي مركز او معهد لاخد دورات انجليزي لانو الواحد عم ينسى من كتر قعدة البيت:042:
و يسعدلي اللي قد حالو يا رب لكان خالتها سورية وامها دمشقية شو بدها تكون :ok:

و بخصوص العطر انا سألتلك زوجي فقال انو اخو بياخدها بالسعر التكلفة من المصنع يعني رخيصة و لولا في ناس بييجو و بجيبوها لكان بياخدو جمرك على نقلها قد حقها اضعاف و نحنا عنا اسعار العطر الاصلي متلكن بس نادرا ما تلاقي اصلي مية بالمية وكلام بيرل صح حتى زوجي كل فترة بغير موديل نضارتو الشمسية قال شو بمل منها بسرعة و غير هيك بدو انا كمان ضل غير وانا من النوع يلي ما كتير بهتم بهيك امور عن جد انو الامور انقلبت و زوجي من النوع يلي بحب ينزل على السوق و يتفرج و مو مقصر بحالو ابدا لولا وقتو ما بسمحلو ولا كان بدي غرفة لاغراضو ازواج اخر زمن ما هيك :094: