أحلى الصديقات السوريات بأحلى تجمع لشهر ربيع الثاني اهلا وسهلا***

اتفضلوا التحلاية بهالوقت ظريفة لو ما كنت مشرفة بس بساعد الدمشقية شوي مشان تفضى تتفنن بام ام است دخيلك
اتوصيلنا فيهم



ما بعرف اذا انتوا متلي بتحبوا الدراق

حبيبتي مونو كل ما يقرب موعد سفرك بغص قلبي و الله مو متخيلة فوت على الشات وما لاقي ردود منك ان شاء الله تروحي و نرجعي بالسلامة انتي و رورو و اكيد اذا بدي انزل على الشام ما رح اقبل الا اني شوفك بس اعطينا شي لحتى نقدر نوصلك

و ما شاء الله على ضيوفك عن جد حلوة هيك قعدات خصوصي اذا كانت ما فيها برستيج و متل الاخوات عقبالنا يا رب نيجي نزورك و تزورينا

ويعطيكي الف عافية مع كل هالشغل يلي عليكي سيرة الحب عندك عامرة و على طول ان شاء الله صدقيني ابو الشباب عدي اسبوعين بالكتير رح تلاقي حدك في اللاذقية وقتها بدي حلوان هههههههههههه

شفتي على هالدكاترة يمكن ماخدها بالوساطة للشهادة مع انو كشفيتو اغلى من احسن دكتور على شو ما بعرف بس اكلتها رعبة بتسوى الدنيا والحمدلله على كل شي

حبيبتي بعتلك الوصفة الك و للصبايا و يا ريت ما كون نسيت حدا

لولية;11682594:

أول شي كاتس ألف سلامة لبنتك ولي على قلبي كلشي إلا مرض الصغير والله بيحرقلي صمصومة ألبي شو شايفتها هيدي الكلمة صارت اللوغو تبع التشات لا عنجد والله يعينا على هالدكاترة والله أحيانا بيجيبوا الصخة ورا
مونو الله يسرلك يا عمري ويسهل سفرتك وحاولي اتطلطلي علينا لا تقطعينا ها وأمانة عليكي وإنتي مسافرة تدعيلنا
يا بنات هلأ رجعت من مهرجان الجنادرية دمشقية أكيد بتسمعي عنه والله أنا أول مرة بروحله بس والله ما إشبو شي أبدا يعني تغيير شكل وانبسطنا وانتخمنا أكل من الدواقة كل شوي شي عسل شي حلو شعبي من كل بلد شي نقرشة وطبعا أنا رايحة مخصوص كرمال اشتري الكليجة لإنه بيعملوها قدامك وبتطلع سخنة من الفرن بتجنن
بقى راجعة مستوية كرمال هيك بدي قوم نام يلا نايتي نايتي للجميع ولا تنسوا تفرشوا سنانكن وتبوسوا ولاد عمكن قبل ما تناموا

تسلميلي يا لولية و الله لا يفرجيكن شر و لا مرض انتي و بناتك وعقبال ما تفرحي فيهن كلهن

ما شاء الله طلعة حلوة نحنا مرة عملو مهرجان سوري و فعلا متل ما قلتي الواحد بيشبع من العينات يلي بوزعوها و بتزكر اخدت غزل البنات يلي بيجي متل الكرة الصغيرة و لونو ابيض بعملو على ماكينة قدامك مممممممم شو لذيذ والله يهنيكن على طول يا رب و تصبحي على الف خير:087:

حبيباتي حبيباتي حبيباتي .............أنا حابه إلكم إني انخطبت ويارت تدعولي لأني موضوعي شوي ملبك مثلي

مونو حبيبتي الحمدلله للحقتك إن شالله توصلي بالسلامه

CATS_ANGEL;11678160:
صحة و هنا على الغدا و لا يهمك حبيبتي نحنا بنعرف ظروف بعض لهيك ما حدا بيعتب على حدا

و بخصوص القضية شفتك عم تحكي عن اللولب و الحبوب و انا عكس ما قلتي يعني عم باخد حبوب من وقت ما ولدت تالا و لهلأ و ليكني رجع وزني طبيعي و لا عصبية ولا شي و انا بنسى كتير
بس حاطة منبه على تلفوني كل يوم بنفس الوقت و لهلأ الحمدلله ما نسيت ولا حبة:03:

بدك تقوليلي على تعزيل ما بعد الحفلة اي انا بعيد ميلاد تالا حرمت اعمل حفلات بعديها غير انو عندي حوض سمك حسيت السمكات بدهن يلمو عفشاتهن و يرحلو لولا الحوض مسكر :037: يعطيكن الف عافية انتي و سورية ما قصرتو و يخليلك هالاخت شو انها حبابة و مزوئة و تتهني بالبيجاما ان شاء الله

و بصراحة عندنا اي واحد بدو يقهر مرتو بقوللها بدي روح على الشام يعني افهمي لحالك بدي جيبلك ضرة :094: لهيك ما بنطلع رجالنا الا اجرنا على اجرهن ما هيييييييييييييك :057:

تسلميلي والله اكيد نحنا اخوات ومامعتب على بعض وان عتبنا فالعتب نابع من المحبة تؤبشيني :087:
ومنشان الحبوب حلو ماشالله معناها ناسبتك لان والله انا كتييير نسوان بعرفهم بتعملهم الحبوب سمنة وعصبية
ومنشان اللولب فانا كتييير حبيته وطمئنيت اما هلأ فخلاص ان شالله اقرب وقت وفرصة بدي اشيله لان تعبببت من الدورة وهمها وبشوف الحبوب وان شالله تناسبني متلك ماشالله عنك

اما عن الحفلة خليها لله يامواطنة لولا انو ربي مبرد على قلبي شوي كنت انا اللي رحلت مو سمكاتي ههههه
انا عندي حوض سمك هدول ولاد زوجي خخخخخ بحبهم كتييير وانا والله بحب وقت الصفا والهدوء اجلس عندهم وشوفهم واكل شوكولا ههههه ,,, منشان الرواق:014:
وتسلميلي الله يخليلك اخواتك واحبابك واي والله سورية مافي منها تؤبش قلبي

وله له له لعندكم واصل صيتنا والله غريبة ونحنا ولاد البلد مو معبرينا خخخخخخ
بتلاقي البنات مكدسة ببيوت اهاليهم الله يطلق نصيبهم يااارب
معناها معليش كاتس خطية بناتنا بعتيلنا من شبابكم شوي خخخخخخخ منعمل وحدة عربية على الاقل :041:

CATS_ANGEL;11678191:
ما شاء الله الله اكبر شو سفرة بتفتح النفس حتى لو اني شبعانة جعت و بدي منهن كلهن ما عدا حلاوة الجبن ما بحبا لانو بكترو ماء ورد وانا ويمكن تستغربو ما بقدر شم ريحتو مع انو الكل بيحكيلي انو ريحتو بتجنن:02:
بس شووووووووووووو صحن هالتبولة لو يطلعلي من الصورة :013::013:

لك تسلمي لقلبي هذا من ذووقك والله وكل السفرة على حسابك وحلاوة الجبن مافيها ماء ورد فيها ماء زهر ومو كتير واضح الطعم فيها
وما بستغرب ولا شي انا اكره شي على نفسي هو ماء الزهر والهيل تخيلي مابطيق طعمهم ابداااا ,,, بقى طلعنا قراب لبعض هههههه

CATS_ANGEL;11678340:
ايه اجيتي على الوجع يا دمشقية و الله عم حس حالي طول اليوم عم اعمل قهوة و اجلي فناجين قهوة و جبت ماكينة للقهوة بس جوزي ما حبها قال شو ما بتعبي الراس :039: :039:
و الله انا مبارح صحيت تالا عم تفرك بدانها و تبكي و عم يطلع منها شي متل المي البيضا انتو اكبر قدر و صاحبتكن انجنت و حملتها على اقرب دكتور في منطقتنا قال شو احتمال تكون مثقوبة وانا ما عدت شفت قدامي و المشكلة دكتورتها ما بتداوم غير بعد الساعة 4 و انا ما عرفت اقعد و رحتلها على المستشفى يلي بتشتغل فيه بالنهار مع انها اخدت مني ساعة سواقة بس كلو يهون و الحمد لله فحصتها و قالتلي ما فيها شي بس يمكن وانا عم حممها دخلت مي و دايقتها و هلأ عم تطلع لحالها و اعطتها دوا التهاب و الحمد لله ما في غير ساعة ورجعت تالا ما شاء الله عليها شو كان نفسي ارجع على الدكتور و امسح فيه الارض هو و يلي اعطاه شهادة :039::039:
وجودك حبيبتي بالشات هو اكبر تحلاية لالو خجلتيني :040:

لا تقليلي على القهوة والشاي الله وكيلك بجيب كيس قهوة ابو خمسة كيلو والله مابكمل عنا شهرين او يادوب يخلص شهرين على قهوة وقهوة وقهوة لك هي طيبة شو بدنا بالحكي
وسلامة قلبها رورو ماتشوف شر يارب والله اصعب شي وجع الدينين مسكينة
عارفة انا بس ولادي يقلولوا ماما اذنا بتوجعنا على طووول بقشر سنين توم وبقصهم بالنص وبحمسهم شوي بزيت زيتون وبس يبردو بغمس قطنة معقمة بالزيتات وبقطرلهم قطرتين بكل اذا ووالله بفضل الله وهالوصفة بروح الوجع وبخف الالتهاب كتييير والطفل بيرتاح
وحتى انا بعملها الي لما بتوجع منهم ...
وعلى الدكاترة حسبي الله عليهم صايرن جزارين المهم الفلوس بالمقام الاول وعدا هيك ياريت في فهم الا شهادة على الفاضي الله المستعان

ويسلموا كاتس على وصفة كيكة الزعتر عن جد رووووعة ماشالله بتشهي ان شالله بجربها قريب

MONOSTEPS;11680885:
باق
من
الزمن


2


يوم
ان
شاء
الله






مساكم فل وجوري وكادي وسلام مربع للجدعان ودقي يا مزيكا :025:
عن جد رح اشتقلكم والله اتعودت عليكم وبعتبركم متل اخواتي


المهم اليوم كان يومي مشغول اجو عمال وساووا كام تصليحة بالبيت بقى راح كل النهار
وحكتني رفيقتي القطرية اللي هون بدها تجي تودعني اي اجت اهلا وسهلا العصر
قعدت ساعتين وراحت ولو ما عندها مشوار ضروري ما تركتا تروح هههههههه
عن جد بحبها هي وبنتها ومذوقة كتير والبساط احمدي يعني جود من الموجود لا لبكة ولا شي
اي غيرت شكل بجيتها على فكرة بتذكرني بلولية وكمان بنوتتها بعمر بنوتاتات لولية


اي وشو كمان .... كويت الحمدلله وتسلموااااا لقلب قلبي يا مذوقين والله انكم كفو
وضل علي كوي لبكرة يعني ما لحقت الا نصن متل ما قلت لكم كنت ملتهية بس الحمدلله
الشنتة ضبيتا امبارحة بقى خلصت من همها وشنتة رورو ضبيتا من اول الاسبوع الحمدلله
بس ما انسى شي هههههه



اهلين مونو باقي من الزمن يوم ,,,,, اهئ اهئ راح نلولحلك بالشال ونقلك مع السلاااامة ياقمر طللي علينا وماتنسينا وانت اخت غااااالية غااالية على قلبنا والله الشاهد
الله يعطيكم العافية يارب وكويس خلصتي من هم الكوي والنفخ الله يعينك يارب
ومنشان الشنط عديلك جلسة رواء وتذكري الناقص وان شالله مابتنسي شي مهم


هههههههههههههههههههههههههه اي لكن بتجنن وبس بتطير ضبنات العقل
وتسلمي لقلبي الله ييسر للكل وما مشكلة مشان رورو والله اعتبري كانك اخدتيا :087:
خلص اتعودنا وان شاء الله الا ما تكبر وتعقل ههههههههههههه
وبتعرفي والله انا اللي بدي اشتاق الكم وللحكيات والجو الحلو يعني حتى لما بنزل لسوريا
بحكي لاهلي عنكم :086:

وسيرة الحب لا والله عم اطبخ لانه من يوم الاربعاء والخميس والجمعة والسبت قضيناها جاهز
كنا عم ننقل بعدين قلت حرام والله مشان زوجي يعني لاحق على هالاكلات
عملت الاحد سي فود وامبارحة رز ويخني البازيلا واليوم كان بقيان عندي شوية سي فود
وعملت جنبهم لحمة بالصينية بدي خلص هاللحمة البقيانة
وبكرة ان شاء الله ناوية اعمل يخني البطاطا على جاج وهيك بكون خلصت اكلات لهالاسبوع
والبقيان ان شاء الله رح اتركله ياهم بالبراد بيبقى بيسخن بالمايكرويف واصلا يا دوب يبقى شوي
وصحة وهنا على الكبة يمممممم عن جد بحب هالاكلة كتير ولها معزة خاصة

ياعمري يامون الله يقويكي يارب ويخليلك رورو ان شالله وتفرحي فيها
وتشتاقلك مكة يارب اهم شي انتي انتبهي على نفسك وعلى رورو واد ماقدرتي انبسطي واتهني
وهنا وعوافي على الاكل معك حق لاحق جوزك على الاكل الجاهز وانتي الله يقويكي
ماعملتيلك لوك جديد بشعرك او بشكلك بشكل عام قبل لا تنزلي يعني نوع من التغيير
ولا عندكم مابدققوا متل عنا وبيطلعوا على كل شي فينا ههههه

تسلميلي شايفة اهئ اهئ والله جد رح اشتقلكم :033:
وما مشكلة ان شاء الله بس ارجع بعمله تعزيلة وتنضيفة ههههههههههههههههههه


الله يقويكي ياارب بس لا ماتهكلي هم ان شالله البنات بيجو وبعملولوا تعزيلة كل يوم ويثبتوا وجودهم خخخخخخ اااامل ذلك :01:




لا والله الدمشقية كفو واللــــــــه حتى لما بعتت للمشرفة ترشيح الدمشقية قالتلي ونعم الاختيار :094: بقى يالله دمشقية العشم فيكي ههههههههههههههههههههههههههههه


يييييي تسلميلي يااارب خشلتيني هههههه بالخاء :040:
ونحنا من بعدك يامونو
ويسلموا على الدراق والكيكة انا بموووت على الدراق بيجنن سبحان خالقو على هالطعم
ولا يهمك راح حاول وانوع للبنات واحطلهم تسالي ومقالي وغيرو خطية منشان ماينحفوا من بعدك خخخخخخخ

لولية اي سمعت عنه يالله برافو منيح طلعتوا واتمشيتوا وغيرتوا شكل
والله روتين الحياة بملل وحياة ربي والحمد لله على كل حال ومنشان الكليجة كتييير طيبة بالفعل وصحة وعوافي على قلبكم يارب

&&&&&&&&&&&

بنوتة لك مية وردة والف والف والللللللللللللللللللللللللللللللللللف مبروك والله فرحتلك من صماصييييم قلبي (( حلوة هي كاتس صماصيييم ههه))
والله فرحت كتييير الله ياربي يتمملك على خير ويفرح قلبك يااااحق
وبس تفضي حاكينا وقليلنا القصة اذا بتحبي طبعا

صباحو يا بنات
بعرف مليتوا من اعذاري البايخة بس شو بعمل وضعي هيك صاير كتير ضغط بس الحمدلله على كل شي

انبسطت سمعت اخباركن كلها تمام و كلكن بصحة جيدة و هذا أهم شي بس حبيت ادخل على السريع عايد مونو حبيبة قلبي لأن اليوم عيد ميلادها عقبال المية يارب و ان شاءالله هالسنة بتحققي كل أحلامك و آمالك يارب
وان شاءالله اقدر ادخل مرة تانية لأحكي معكن مزبوط لأن عن جد مشتاقة لكن كتير

الله يسعد صباحكم ومسائكم وكل اوقاتكم يارب
(اشتقولي مو هيك ) ايه يخربيت شيطانكم اسالوا عني قولوا وينها غاطة انا عم غيب عشان اعرف غلاتي عندكم مو انا اطفولتكم ورجوني الدلال ( خلصت حصة الردح ) خخخخخخخخ
تؤبشوا قلبي كيفكم والله اشتقتلكم كومايات كومايات وانا ماعم ادخل يابكون نايمة يااما بلتهى بشغل البيت والاولاد وهلأ كمان بلشانة بالمفرش شي بيديق الخلق الحمدلله على كل حال
مون تسلمي لقلبي من غير شر والله راح تتركي فراغ كبير ان شاء الله بترجعي بالسلامة يارب
كاتس صمصومة قلبي ههههههه شلون درجناها للكلمة كيفك وسلامة تالا ان شاء الله والحمدلله يلي اطمنتي عليها والله انك كدعة ماشاء الله عنك يعني اخدتيها ورحتي مااستنيتي جوزك والله انا هلأ عبودي عنده تطعيم وابوه ماكان يفضى وياخدنا خليها على الله
وبالنسبة لحلاوة الجبن هي عشقي انا بمووووووووووووووووووت عليها وبتمنى اكلها من غير تقطيع يعني هيك متل السندويشة ههههههههههههه وبالحفلة كان جوز الدمشقية جايبها الي خص نص الله يجبر بخاطره بيعرفني بحبها بس كرم اخلاق مني طعميتهم منها

شامية حبيبة قلبي وينك من غير شر اكيد ملتهية مع بنت حماكي الله يكون بعونك
لولية الله يسعدك يارب دووم ويفرح قلبك ببناتك ويخترلهم الخظ الابيض ويلي فيه الخير وتبقي انتي وابن عمك زيزون وزيزونة هههههههههههه
بنوتة ان شاء الله الف الف مبروووووووووووووووووووك :087:والله فرحتيني الله يفرح قلبك وييسرلك امورك يارب انا لما جوزي خطبني كنت ادعي وقول يارب اذا كان فيه خير تقربه واذا كان فيه شر تجعله خير وتقربه هههههههههههههههههه
بيرل ربي يكون بعونك ولايهمك ومافي داعي للأعذار نحنا اخوة المهم انك بخير
ومنيح يلي قلتي انه اليوم عيدميلاد مون
مون كل عام وانتي بألف خير وعقبال المية سنة يارب :087:

دمشقية تقبريني عم استناكم يوم الخميس والله البيت رح ينور رح اعمللكم تتبيلة فلافل ولسى باقي كم مخللة عم حافظ عليهم لتجي لعندي هههههههههههههه مناكلهم سوا

اهلين سورية نورتي

اهلين لولية يمكن الكل بدو يقرا و يطلع مو هيك ههههههههههه

صباح الخير يا بنات
ـول شي كاتس هلأ ايجى ابن عمي وعنده شغل يومين بعمان وعم يسألني إذا بروح معي فبدي إسـألك فيها شي عمان سواق مثلا حلوة لإنه هو رح يكون مشغول ورح انزل أنا لوحدي بقى بتنصحيني روح والا لا

يعني أنا بحي هيك الأسواق الشعبية متل سوق الحميدية عنا اللي بالشام بقى في شي عندكن هيك لإنه أنا طالع روحي من المولات
بقى شو رأيك مستاهلة يومين تذكرة السفر إنه ايجي على عمان

هلا لولية

اول شي بتنوري الاردن اذا في اسواق او ما في

تاني شي الاسواق وين ما كان و بيبقى الباقي على زوقك
مثلا انا ساكنة بمنطقة في عمان فيها سوق حلو مع انو مو كبير كتير بس كلو محلات مرتبة صحيح اغلى بشوي من بقية الاسواق لكن كل بضاعتهن حلوة و مرتبة
ووقت ما بتقرري تيجي انا جاهزة و بتشرف فيكي

بنت الشام المعذبه;11683123:
حبيباتي حبيباتي حبيباتي .............أنا حابه إلكم إني انخطبت ويارت تدعولي لأني موضوعي شوي ملبك مثلي

الف الف مبروووووووووووووووووك و ان شاء الله يصير يلي في الخير و نشوفك مبسوطة دايما:065: