أحلى الصديقات السوريات بأحلى تجمع لشهر ربيع الثاني اهلا وسهلا***

كاتس حياتي شو يعني خلصتي فطام نقول مبروك عقبال لما بتفطمي اخوها عن قريب خخخخخخخخخخخخ
وبالنسبة للأكل انا ممكن دوء الاكل يلي مابعرفه بس بشرط تكون ريحته بتشجع ومنظروا كمان اما الجمبري فشكله ابدا ماشجعني هههههههههههه
لولية اكيد الشام منورة هلأ وعم تضوي لأنك فيها سلميلي عليها كتير
وبالنسبة للقفل والمفتاح هههههههه والله معك حق لأنه لا اناعاد اتحمل ولا الوضع والحال بيتحملوا بقى دخيلك الله يحميهم ويقدرني ربيهم ترباية حلوة هاد اهم شي

صباح الخيرات على القمرات والله اشتقت لكن كومايات كومايات و شكرا لكل البنات اللي عايدوني و ان شاءالله بينعاد على الجميع بالصحة و العافية يارب .
المهم ما عندي شي جديد غير انه يوم العيد عملنا لمة نحن و اصحابنا و طلعنا تغدينا بمطعم لحتى نحس شوي بجو العيد و بعدها كل مين راح بطريقه و نحن رجعنا عالبيت و بلشوا الناس يجوا لعنا و اهلا و سهلا بالجميع وطبعا ما بيجي غير كل محب بس بيتنا ما عم يفضى و لحد الآن ما طلعنا عايدنا حدا .
بس ما شاءالله عنكن منورين الشات بوجودكن الله يخلي هاللمة الحلوة و يديمها بس مع هيك مونو الها وحشة كتير لأن طلاتها تبقى مميزة ما حدا يزعل مني يا بنات لأن أكيد بعرف انه هذا شعوركن كمان .
ياسمينة عن جد وانا عم اقرأ عن طلعتك للقلعة دمعوا عيوني لأن كل سنة ومن قبل ما انزل اجازة بكون مشتهية على طلعة عالقلعة وما بتزبط معي بتعرفي من ايمتى مو رايحة لها ؟ صار لي شي 12 سنة تقريبا و عن جد مشتهية من كل قلبي على طلعة عليها ان شاءالله تزبط معي هالسنة
كاتس ان شاءالله صرت أحسن هلأ بعد الفطام و ما تزعلي مشان فقر الدم وما دام أكلها كويس و بتلاحقيها بالمغذيات لا تقلقي يمكن يكون عارض بسيط و بيروح و أنا رأي تعملي لها تحليل تاني و بغير مختبر لأن بيصير أخطاء كتير بالمختبرات و على قلبها العافية ان شاءالله
شامية أكيد ملتهية ببنت حماها و بالدورات الله يقويك بس بتعرفي الدورة اجت بوقتها لأن بتطلعي شوي من البيت و من الوجه كمان و بنفس الوقت بس ترجعي بيكون بدك تعملي شي لتاني يوم لهيك مو فاضية لها كتير
دمشقية حبيبة قلبي ان شاءالله على طول بيتك عامر و مادام اختك وزوجها هنن اللي جايين أكيد بيكونوا من اهل البيت و رح تنبسطي معهم لأن ما اغلى من الأخت الا الأخت الله يديمكم لبعض و ان شاءالله بيجوا بالسلامة
سورية الله يتمم لك على خير و متل ما قالوا لك الصبايا ديري بالك على حالك لأن بالنهاية مو رايحة غير عليك يا مسكينة الولد ما بيهمه عم يربى و كل من صحتك و عافيتك الله يخلي لك اياهم يارب و يخليك انت وابوهم فوق راسهم بس كمان متطلبات الحياة صايرة قاسية كتير علينا الله يكون بعون الجميع
لولية ماشاء الله عاملة ابن بطوطة حسيت حالي قدام محمد هنيدي وهو عم يقول أنا نادر سيف الدين احييكم من تورا بورا و الآن جاءكم البيان التالي ههههههههههههه بس صدقيني ما في أحلى منها ان شاءالله بتتهني و اكسبيها فرصة وانت بالشام و حاولي تجيبي لبناتك العرايس جهازاتهم لأن بتبقى أرخص من بيروت و فيها ذوق راقي لأن أنا بعرف ناس كتير قرايبنا بلبنان بينزلوا على سوريا ليتسوقوا بيقولوا لنا انه ارخص وصايرين بنفس المستوى والله يتمم لبناتك بالخير
بنوتة انبسطت كتير لما سمعت بخبر خطبتك الله يتمم لك على خير يارب و ان شاءالله بتنوري بيتك عن قريب و ما يهمك من الناس و حكيهم لأن بهالفترة بيصير كل الناس بتحبك و بدها مصلحتك ( قال يعني ) و هنن بس من باب الفضول أو بدهم يخربوا عليك بشي بقى اعملي حالك طرشة و لاتردي على حدا ابدا و خليك مبسوطة بهالأيام

والي رجعة تانية لما يسافر مديري السفرة الجاية هههههههههههههههه ان شاءالله

يسعد اوقاتكم يارب قلت امسي عليكم والله يديم هالجمعة الحلوة
ومية اهلين ببيرل
الي رجعة لرد على الكل بس سامحوني والله هلأ مالي نفس لشي ,,,زوجي مضيع محفظته وفيها كل البلاوي الاقامة ,,, ورخصة السواقة وكرت الماستر
وكروت البنك والصراف ومفتاح السيارة وماخفي اعظم ومن مبارح ونحنا دايخين السبع دوخات ,, على الله شو نعمل الحمد لله على كل حال
دعواتكم النا

الدمشقية;11756407:
يسعد اوقاتكم يارب قلت امسي عليكم والله يديم هالجمعة الحلوة
ومية اهلين ببيرل
الي رجعة لرد على الكل بس سامحوني والله هلأ مالي نفس لشي ,,,زوجي مضيع محفظته وفيها كل البلاوي الاقامة ,,, ورخصة السواقة وكرت الماستر
وكروت البنك والصراف ومفتاح السيارة وماخفي اعظم ومن مبارح ونحنا دايخين السبع دوخات ,, على الله شو نعمل الحمد لله على كل حال
دعواتكم النا

حبيبتي دمشقية ما عرفت الا ارد عليكي قبل الكل لاني مستعجلة و الله ما بتستاهلو ان شاء الله بتلاقوها عن قريب و يكون شي ابن حلال يلي لاقيها و يرجعها متل ما هي يا رب اهم شي تلغو كرت الماستر و تخبرو عن ضياع الاقامة و ان شاء الله خير و ابقي طمنينا اول باول

الي رجعة ان شاء الله

بنت الشام المعذبه;11751838:
مساء الفل والياسمين ..............كيفيكم ياحلوين من غير شر وبسلامة الموجودين مونو ألها وحشه الله يوفقها

دمشقيه شو هاد شوهاد شايفه الشنتايه اهم من زوجك ههههههه

شاميه الله يعنكم وتتيسر اموركم مابضيق الا الله بيفرجها

كاتس دخيل قلبها هل تالا الله يخليلكياها

سوريه يسلملي لعطول عميغلط الله وفيقلك ولادك ويطلعوا مرضيين

بيرل ولوليه وحشتونا وإن شالله بتكونوا بخير

بنت الشام المعذبه;11751859:
آخر أخباري الحمدلله بس أنتو ضلكم دعولي الله يوفقكم .............بتعرفوا بعد الخطبه انتفخ قلبي كل حدا بيتصل فيني يابيعطيني نصائح يا أما بيحشر حالوا والله هلكت

تسلميلي يا بنوتة و عقبال ما تجيبي احلى بنوتة

و بخصوص هالعالم يلي مطالعين روحك طنشي حبيبتي اذا بدك تحطي في بالك كل واحد حكى ما رح تخلصي ابدا اهم شي انتي شو بريحك و بس و ابقي طمنينا عنك :025:

لولية;11752277:

مسا الخير على أحلى بنوتات
أنقل سلامي إليكم الآن من سوريا الحبيبة وبالظبط من فندق الفور سيزن بدمشق
والله يا حبيباتي امبارح وصلت أنا وابن عمي على بيروت بالليل الساعة 12 ونص واليوم الضهر الساعة 12 ايجينا على دمشق لإنه زوجي عنده شغل وبدو يجيب مهندسين لجميع التخصصات بقى اللي حواليها شي مهندس حابب يروح يشتغل بالسعودية تبعتلي على الخاص
المهم عم اطمن عليكن وحبيباتي اللي بيسألوا عليي والله بنبسط كتير
ياسمينة الحلوة خطبة بنتي بدها قعدة بقى يا إنتي بتيجي على بيروت يا أنا بهالفترة بيصحلي روح على حمص وساعتها بحاول امرق عليكي
كاتس يا عمري يلا منيح اللي الله يسرفطام بنتك والله مو سهلة أبدا ومتل ما بيقول المثل ما بيربى جسد ليفنى جسد بقى ان شاء الله تفرحي فيها وبإخواتها وإخوانها اللي جايين
شامية حبيبتي الله يعينك على بنت حماكي ويلا شو بدك تعملي سيط غنى ولا سيط فقر وان شاء الله الله بيعوضلكن ياها
بنوتة يا بنوتة ألف ألف مبروك يا عمري
دمشقية ايه ان شاء الله كل سنة وهو سالم لابن عمك ويخليه تاج راسم ومنور بيتك يا رب
سورية حبيبتي متل ما اتفقنا يا بدك تصعبي كلمة السر يا بدك تكسري المفتاح وتضيعي القفل هي إنتي متلي ايجوكي 3 بالغلط
هلأ يا حلوين بدي روح نام لإنه هلكانة من شق الصباحات عم اركض واليوم قضيت شي 3 ساعات بسوق الحميدية لإنه أنا أحد نقاط ضعفي النفارش بقى سوق الحميدية ما يحتاج محشى هالأشيا
بقى أمانة حدا بيوصي شي من هون

بدي سميكي لولية ابن بطوطة ما شاء الله عليكي ما عم تهدي :094: هي السفر هيك حلو و مو حلو يعني الواحد بيبقى يغير جو بس يمكن ما بحس بالاستقرار و لا انا غلطانة

و الحمد لله مشيت امورنا انا و تالا و طمنينا شو صار معكن بخصوص بنتك ان شاء الله تفرحي فيها عن قريب

سورية وبفتخر;11755065:
كاتس حياتي شو يعني خلصتي فطام نقول مبروك عقبال لما بتفطمي اخوها عن قريب خخخخخخخخخخخخ
وبالنسبة للأكل انا ممكن دوء الاكل يلي مابعرفه بس بشرط تكون ريحته بتشجع ومنظروا كمان اما الجمبري فشكله ابدا ماشجعني هههههههههههه
لولية اكيد الشام منورة هلأ وعم تضوي لأنك فيها سلميلي عليها كتير
وبالنسبة للقفل والمفتاح هههههههه والله معك حق لأنه لا اناعاد اتحمل ولا الوضع والحال بيتحملوا بقى دخيلك الله يحميهم ويقدرني ربيهم ترباية حلوة هاد اهم شي

لا حبيبتي سورية بدك تقولي نص مبروك لانو ليكنا رح نطبق اسبوع فطام و هي بعدا عم تطلب بس زي ما تقولي بتجرب حظها واكيد اهون من اول بكتييييير الحمدلله
حرام عليكي بعدني ما اخدت نفسي من فطام تالا و الله كل ما بتغلبني اكتر كل ما مددت مدة الاستراحة اكتر :01:و انت تريد وانا اريد والله يفعل ما يريد و الحمدلله على النعمة يلي احنا فيها

سبحان الله العين بتاكل قبل التم بس الشغلة بدها جرئة اكتر و بصراحة لو الجمبري شغلة اساسية بقلك لازم تاكليها بس هيدي شغلة اذواق و انا حسدت حالي نزلت مبارح على المول و جبت كالاماري و جمبري قلت خليني جرب متل ما عم يعملو خصوصي شامية لحتى شجعها بس لما روحت قلت شو يلي عملتو بحالي و ضبيتن و ما بعرف ايمتى تيجيني الجرأة و اعملهن:049:

PEARL2000;11755092:
صباح الخيرات على القمرات والله اشتقت لكن كومايات كومايات و شكرا لكل البنات اللي عايدوني و ان شاءالله بينعاد على الجميع بالصحة و العافية يارب .
المهم ما عندي شي جديد غير انه يوم العيد عملنا لمة نحن و اصحابنا و طلعنا تغدينا بمطعم لحتى نحس شوي بجو العيد و بعدها كل مين راح بطريقه و نحن رجعنا عالبيت و بلشوا الناس يجوا لعنا و اهلا و سهلا بالجميع وطبعا ما بيجي غير كل محب بس بيتنا ما عم يفضى و لحد الآن ما طلعنا عايدنا حدا .
بس ما شاءالله عنكن منورين الشات بوجودكن الله يخلي هاللمة الحلوة و يديمها بس مع هيك مونو الها وحشة كتير لأن طلاتها تبقى مميزة ما حدا يزعل مني يا بنات لأن أكيد بعرف انه هذا شعوركن كمان .
ياسمينة عن جد وانا عم اقرأ عن طلعتك للقلعة دمعوا عيوني لأن كل سنة ومن قبل ما انزل اجازة بكون مشتهية على طلعة عالقلعة وما بتزبط معي بتعرفي من ايمتى مو رايحة لها ؟ صار لي شي 12 سنة تقريبا و عن جد مشتهية من كل قلبي على طلعة عليها ان شاءالله تزبط معي هالسنة
كاتس ان شاءالله صرت أحسن هلأ بعد الفطام و ما تزعلي مشان فقر الدم وما دام أكلها كويس و بتلاحقيها بالمغذيات لا تقلقي يمكن يكون عارض بسيط و بيروح و أنا رأي تعملي لها تحليل تاني و بغير مختبر لأن بيصير أخطاء كتير بالمختبرات و على قلبها العافية ان شاءالله
شامية أكيد ملتهية ببنت حماها و بالدورات الله يقويك بس بتعرفي الدورة اجت بوقتها لأن بتطلعي شوي من البيت و من الوجه كمان و بنفس الوقت بس ترجعي بيكون بدك تعملي شي لتاني يوم لهيك مو فاضية لها كتير
دمشقية حبيبة قلبي ان شاءالله على طول بيتك عامر و مادام اختك وزوجها هنن اللي جايين أكيد بيكونوا من اهل البيت و رح تنبسطي معهم لأن ما اغلى من الأخت الا الأخت الله يديمكم لبعض و ان شاءالله بيجوا بالسلامة
سورية الله يتمم لك على خير و متل ما قالوا لك الصبايا ديري بالك على حالك لأن بالنهاية مو رايحة غير عليك يا مسكينة الولد ما بيهمه عم يربى و كل من صحتك و عافيتك الله يخلي لك اياهم يارب و يخليك انت وابوهم فوق راسهم بس كمان متطلبات الحياة صايرة قاسية كتير علينا الله يكون بعون الجميع
لولية ماشاء الله عاملة ابن بطوطة حسيت حالي قدام محمد هنيدي وهو عم يقول أنا نادر سيف الدين احييكم من تورا بورا و الآن جاءكم البيان التالي ههههههههههههه بس صدقيني ما في أحلى منها ان شاءالله بتتهني و اكسبيها فرصة وانت بالشام و حاولي تجيبي لبناتك العرايس جهازاتهم لأن بتبقى أرخص من بيروت و فيها ذوق راقي لأن أنا بعرف ناس كتير قرايبنا بلبنان بينزلوا على سوريا ليتسوقوا بيقولوا لنا انه ارخص وصايرين بنفس المستوى والله يتمم لبناتك بالخير
بنوتة انبسطت كتير لما سمعت بخبر خطبتك الله يتمم لك على خير يارب و ان شاءالله بتنوري بيتك عن قريب و ما يهمك من الناس و حكيهم لأن بهالفترة بيصير كل الناس بتحبك و بدها مصلحتك ( قال يعني ) و هنن بس من باب الفضول أو بدهم يخربوا عليك بشي بقى اعملي حالك طرشة و لاتردي على حدا ابدا و خليك مبسوطة بهالأيام

والي رجعة تانية لما يسافر مديري السفرة الجاية هههههههههههههههه ان شاءالله

ما عم صدق عيوني معقول هيدي بيرل:047::047::047: يا مية اهلا وسهلا

حلوة لمة العيد يلي عملتوها و الواحد اذا ما غير جو بهالمناسبات ايمتى بدو يغير و ا شاء الله على طول مبسوطة و كل ايامك اعياد

بخصوص تالا صدقيني اكتر من واحد حكولي نفس الحكي اني عيد الفحص و صرت فكر انو ممكن يكون في غلط بس يلي مو مشجعني سحب الدم والله لما سحبو منها اول مرة كنت رح طق من الزعل عليها خصوصي انو بياخدوها من الوريد وانا مو حابة عيد التجربة و الاحتمال الاكبر انو ضل عم اعطيها فيتامينات و ما رح يضرها اذا ما نفعها و الحمد لله على كل شي

الله يكتر سفرات مديرك لنشوفك دايما بركي راح ورشة عمل شي سنة زمان هههههههههههههههههه

مونو حبيبة قلبي عم تخطري في بالي دايما خصوصي اني بستفقد ايميلاتك كل ما افتح ايميلي ان شاء الله تكوني مبسوطة و يا ريت لو تقدري تفوتي نطمن عليكي

دمشقية او سورية طمنونا شو صار لقيتو المحفظة الله يهونها عليكم يا رب

اسفة كاتس شغلتلك بالك
لا والله مالقينا المحفظة على طوول مبارح بالليل وقفنا كرت الماستر ويوم السبت ان شالله بدو يلف زوجي ياعلي السبع
لفات منشان الاقامة ورخصة السواقة هدول اهم شي وعلى الله
تسلميلي يارب كاتس كلك ذوووق والحمد لله على كل حال

الدمشقية;11759993:
اسفة كاتس شغلتلك بالك
لا والله مالقينا المحفظة على طوول مبارح بالليل وقفنا كرت الماستر ويوم السبت ان شالله بدو يلف زوجي ياعلي السبع
لفات منشان الاقامة ورخصة السواقة هدول اهم شي وعلى الله
تسلميلي يارب كاتس كلك ذوووق والحمد لله على كل حال

ولا يهمك حبيبتي نحنا لبعض ولو
و الحمد لله على كل شي و اهم شي صحتكم لانو كل شي بتعوض الا الصحة والعافية والله يهونها عليكم يا رب بس عن جد لا تزعلي حبيبتي انتي

السلام عليكم ورحمة الله وبركاته
وجمعة مباركة على الجميييع يااارب ,,,,
كاتس حياتي الله يسعدك يارب والحمد لله على كل حال شو نعمل نصيبك بصيبك ,,, ياعلي من وين اجتنا هالقصة مابعرف
والمشكلة انو ماهو عارف وين رايحة منه شوي بقللي واقعة من جيبته عند البيت والله اعلم او انها بالبيت وانا والله نكتت البيت كلو راسا على عقب
ومااافي شي واذا واقعة برا فهون ماحدا بيقلك وينك واصلا فيها كرت زوجي وارقامه بس مين بدو يرجعها وخصوصي ان الاقامة ببيعوها وبزوروها كمان
فالله يبعد عنا البلاوي والمصايب من ورا هالشغلة ,, اللهم انا لا نسئلك رد القضاء ولكن نسئلك اللطف فيه

منرجع الكم حبيباتي
كاتس طبعا زوجي ابدى ولوووو بس وقت شريت الشنطة وفلست بعدها كنت متاملة يقبض زوجي بكير وبالتالي يعطيني مصروفي هههه
فعشان هيك اشتريت الشنطة وماترددت ... واجت قصة المحفظة بقى لا احتفلت فيه ولا جبت هدية بس باذن الله بعوضلوا ياها.. والله سورية وزوجها جابلو هدية الله يخليلي ياهم يارب ويفرج همهم وانا لاء اهئ اهئ ,,, منعوضها ان شالله
انتي كيفك كاتس وشو اخبار تالاوالفطام ؟ ووين قضيتي اليوم ومبارح وشو عملتي

********

سمورة الله يوفقك يارب ويكتبلك الخير وتطلعي احلى عروووسة ويارب ... وبس انتي تتحمسي بتعملي البدايع بفرحك بقى شدي حيلك واهتمي وفكري
بالموضوع منيييح اذا حابة تغيري الروتين

**********

بيرل اهلا وسهلا نورتينا بهالطلة الحلوة واكيد نحنا عازرين بس منشتاقلك داااائما
وعيدكم مبارك يارب منيح ماشالله قضيتو اوقات حلوة وعيدتو تمام ,,, ينعاد عليكم يااارب واكيد بعد العيد واللمة ركضتي على الشغل والتعتير داخلا وخارجا ههههه الله يقويكي يااارب ,, وتسلميلي ياعسسل ويجعل بيتك كمان عامر يارب بالفرح والمسرات
واي والله الاخت غالية كتير الله يخليلي اخواتي لانهم نور عيوني ويخليكم الي كمان لانكم كمان اخواتي ربي يسعدك بيرل ويسعد بافي البنات

********************
شامية اهلين حبيبتي الله يعينك على ضيفك وخصوصي اذا هالضيف تقيل دم وماتزعلي مني يعني ,,,
والحمد لله انبسطتلك على المعهد برافو ماقصرتي وان شالله تنبسطي فيه وتتعلمي وتكسبي خبرات ,,, وتبقي طللي علينا
حاولي يعني تسرقي الكمبيوتر قبل لا تجلس هي خخخخ
والله يعينكم ويعينا ماحدا مرتاح والمهم الصحة والعافية الله لا يحرمنها ياها يارب

**********
بنوتة مية اهلا وسهلا واعملي اذن من طين واذن من عجين ولا تسمعي لحدا ابداااا
وربي يتمم فرحتك على خير ياااارب

*********
لولية ماشالله عنك ربي يسعدك انتي وزوجك واللي سماكي ابن بطوطة ماكذب خخخخخ الله يهنيكم يااارب
وسلامي للشام قليلها ام محمود بتسلم عليكي وقولي الله يعمرك ياشاااام

اتفضلوا مافي شي من واجبكم بس بلكي منروء شوي وبيتحسن مزاجنا





واحلى فناجين كوبتشينو لاحلى صحبة اتفضلوا

مساء الورد ...........والله كثير انزعجت عليكي يادمشقية اقري سورة الضحى والله كل مابقراها بمشي الحال


شاميه برافوا عليكي انك سجلتي بالمعهد انا كثير بحب الوحدة لعندها أراده وبتمنى كون هيك

لوليتى حبيبتي الله يخليلك زوجك

كاتس بتعرفي شفقانه على تالا بالفطام

بيرل الله يكثر سفرات مديرك خلينه نطمن عنك والله يبارك فيك
عروستنا الحلوه ياسمنتنا اشتقنالك

سوريه كيفك ياحلوه

يسعد صباحكم يااارب

اهلين بنوتة ستي الحمد لله شو نعمل اللي مكتوب على الجبين بتشوفه العين وحسبي الله ونعم الوكيل ,,, والله قرئتها كتير وللاسف مالقيناها
وهي زوجي من الصبح عم يركض منشان الاجراءات والله المستعان

*****
كيف الغايبين وحشتونا وسلامي لكم جميعا
مونو وبيرل وكاتس وشامية ولولية وسمورة وسورية وبنوتة كمان ,,, رايحة انام نعساانة

كاتس حبيبة قلبي وبنوتة العسل ابشركم حبيباتي لقينا المحفظة
لقيتها بغرفتي ومحطوطة بقلب درج ملابسي ,,, ووالله العظيم اننا ماخلينا مكان الا دورنا فيه بس سبحان الله يمكن لما القلب بينعمى العيون
كمان بتبطل تشوف والحمد لله ربنا كملها معنا وعلى اساس بكرا يبدو بالمعاملات الجديدة فلا دفعنا فلوس ولا غرامات اللهم كرت الماستر راح علينا
بس مو مهم دخيلكم...
يارب لك الحمد والشكر حبيت اطمنكم وياريت سورية تفوت على النت هلأ وتقرأ
حبيبتي سورية والله مامعي رصييد وبتعرفي اليوم زوجي بطول ليجي على البيت بدي بشرك قبل الكل بس ماكوو رصيد
وشو كمان اليوم من الصبح رحت على مدرسة محمود وسجلنا شام بكرا ان شالله اول يوم دوام رسمي ومحمود اليوم داوم اول ابتدائي
فخلصنا معالمة تسجيلهم اتنينهم وجبنا الكتب وشي مخيف الله يعيني انا مع شام خصوصي لانها بييييضة يعني مخها فاضي هههه
وبس ,,,, ووحشتوني لكم طللو علينا

الف الف و مليووووووووووووووووووووون مبروك حياتي يا دمشقية عن جد فرحتلك من صمصومة قلبي والله ما بدو يضركم الحمد لله على كل شي والله انتي طيبة و بتستاهلي كل خير
يسعدلي الابيض يلي بدو يفوت المدرسة الله يحميلك شام و محمود يا رب و عقبال ما تسجليهم بالجامعة و تفرحي فيهن هيك رح يفضى عليكي البيت في النهار من غير شر و رح تناااااااااااااااااااامي ( مو حسد ابدا هههههههههه)

بخصوص تالا متل ما قلت لسورية بعدها عم تجرب حظها و تطلب رضاعة و اكتر شي بالليل يعني مبارح بالليل نتفت شعري و هي عم تطلب و معصبة كأنو عم افطمها اول يوم و بقينا سهرانين بقية الليل لنمنا حتى الساعة ستة ونص الصبح و بصراحة كتير استغربت لانو الها اسبوع وما بعرف ليش رجعت تطلب بهالقوة الله يعيني الليلة اذا صار نفس الشي وانا يلي فكرت حالي اني خلصت فطام
و اليوم هو يوم الزيارة الرسمية لاهلي صحيح اني ما بقصر بقية الاسبوع بس يوم السبت بتكون اختي الكبيرة لهيك بكو يوم التجمع و عملنا ورق عنب و محاشي و شيخ المحشي و عن جد احلى يوم بكون السبت غير انو الي اخت عمرها 4سنين ( لا تقولو كيف على قولة سورية غلطة ههههههه) و بنت اختي نفس العمر و صارو مع تالا الثلاثي المرح و اذا حد فينا بدو يجيب شغلة لبنتو بدو يحسب حساب التنتين الباقيات وصرت احس اني مخلفة تلاتة بدل وحدة بس حلوة الشغلة هههههه
و هيدا ملخصي على السريع ورح نعتبر قوال الجاتو حلوان انكم لاقيتو المحفظة و عن جد الواحد لما يدور بكون مش شايف قدامو لازم حد تاني يدور بدالو بكون اروق من صاحب الشغلة وكمان الف مبروك وهلا عوضي ابو الشباب عن عيد ميلادو و عن الخوفة يلي خافها بهاليومين

بنت الشام المعذبه;11767419:
مساء الورد ...........والله كثير انزعجت عليكي يادمشقية اقري سورة الضحى والله كل مابقراها بمشي الحال


شاميه برافوا عليكي انك سجلتي بالمعهد انا كثير بحب الوحدة لعندها أراده وبتمنى كون هيك

لوليتى حبيبتي الله يخليلك زوجك

كاتس بتعرفي شفقانه على تالا بالفطام

بيرل الله يكثر سفرات مديرك خلينه نطمن عنك والله يبارك فيك
عروستنا الحلوه ياسمنتنا اشتقنالك

سوريه كيفك ياحلوه

يا هلا بنوتة نورتي و الله وانا كمان كل يوم بزعل على تالا اكتر من يلي قبلو و في يوم صرت ابكي انا و هي مع بعض :01: الحمدلله فترة ولازم نمر فيها الواحد فكر انو الولادة اصعب شي طلع في شغلات كتير صعبة ان شاء الله بتتزوجي و نسمع منك متل هيك قصص :095: