قائمة تجهيزاتي لشنطة المستشفى

- الملابس الداخلية 6 تقريبا لأن العمر الأول ممكن يوسخون لأن قياس الحفاظات ما يكون مضبوط عليهم ،، انا خذت 10
- الأفورولات حق الاستقبال 3 وحق الليل 3 يعني اقل شي 2 باليوم ،، انا حطيت 10
- الصدريات تقريبا مع كل افرول واحد ،، انا حطيت 6
- قبعات خفيفة قطن يكفي 2 - 3
- كفوف قطن لليد عشان ما يشمخ نفسه 2 - 3
- مهادات قطن تلفين فيها الياهل اسهل بحمله واريح لج وله يكفي 2 بس اذا البيبي كان يزوع وايد بتحتاجين اكثر انا حطيت 4 احتياطا
- فوط صغيرة للرضاعة تمسحين فيها حلجه وتستخدمينها على كتفج عقب الرضاعة عشان اطلعين الهوا في بطنه عشان ما تتوسخين 6 يكفي
- غطاء الرضاعة اذا ما تحبين ترضعين جدام الزوار ( حسب الرغبة ) انا باخذه لأني استحي :040:
- اغراض السبوح حق البيبي لأنه ممكن ما ينظفونه عدل ومب حلو الناس تشوفه بدمه ووسخه ( شامبو - واسفنجة - زيت - كريم - فوطة - عود الأذن - عطر خفيف للملابس )
- بامبرز - وفوطة للتبديل - ومناديل معطرة - مفرش لتبديل البامبرز - كريم التسلخات مثل سودو كريم
- مقراض الأظافر للبيبي والمشط وهالسوالف بشنطة وحدة
- رضاعات ماي او اعشاب او حليب حسب شنو تبين تعطينه (المستشفى يعطونج وحدة) + فرشاة لتنظيفهم ،، مصاصة اصغر حجم اذا تبين
- لبس الخروج للبيبي من المستشفى مع السليب باق او السلة
- تمر لتحنيك الطفل



- لبس استقبال 3
- ولبس الليل للنوم 3 وراعي فتحات الرضاعة او الأزرار
- ملابس داخلية انا بجيب استخدام لمرة واحدة اريح وانظف خصوصا لأيام الأولى + فوط صحية باخذ 3 باكيتات
- للتنظيف مكان الخياطة بعد كل دخول للمرحاض ملح - علبة او ابريق او مغطس تذوبين فيه الملح وتغسلين فيه ،، وللتجفيف كلينكس او محارم نظيفة (غالبا المستشفى يوفر لج وتقدرين تاخذين احتياط اذا المستشفى يهمل التجديد بهالأمور)
- صدريات رضاعة 3- 4 + قطن الصدريات
- نعال خفيف للغرفة وثاني لللحمام
- شيلة خفيفة اذا دش عليج بعض المقربين غير المحارم او الأطباء
- روب تلبسينه وانتي قايمة من السرير ،، اذا فيج تسرب ومنعا للإحراج وبعد ادفى لج
- مفرش السرير + لحاف خفيف اضافي اذا بردتي تحطينه تحت اللحاف الخارجي
- ادوات الاستحمام ( فوطة - شامبو - ليفة - صابون الجسم - بلسم- مطهر شخصي ديتول - عود الأذن - مزيل العرق ) ،، (انا حطيت بعد مسك الجسم لأني ما استغنى عنه عقب الحمام )
- فرشاة اسنان ومعجون ومضمضة
- ادوات الزينة ( ميكب خفيف - مناكير - عطر - منظرة او مرآة - مشط - سشوار - ريش او مشابس حق الشعر - كريم او لوشن للجسم واليد - مقراض اظافر او مبرد ) :054:
- ملطف الجو للغرفة لأن البخور ممنوع
- كاميرا وشاحن للكاميرا وشاحن الموبايل ، وانتبهي اذا ما يدشون بالساكت الكهربا تاخذين لج واحد يناسبهم
- زمزم وتمر و اي اعشاب معينة انتي تشربينها
- سبحة - كتيب الأذكار - قرآن الكتروني ( تسجيل ) اذا ما عندج نزلي على الموبايل - سجادة صلاة للمرافقين
- اذا عندج ادوية معينة تستخدمينها وما تستغنين عنها وما تضرج او البيبي ،، مثلا انا استخدم كريم خارجي حق المفاصل بحمل وبدون حمل ،، وعموما اي ادوية تحتاجينها مثل تحاميل الامساك او حبوب مسكن تطلبينها من النيرسات
- لبس الخروج (شيلة وعباية ونعال مريح وشنطة اليد فيها اوراق المستشفى ولا ننسى النظارة الشمسية اهم شي :cool: خخخخخخخخخ )