عملت امبارح تورته نصفها فواكه والنصف التانى شيكولاته وطلعت تحفففففففففه بجد
المقادير
5 بيضات
3 كوب دقيق
2كوب سكر
ربع كوب زيت
1 كوب لبن
قطعتين شيكولاته خام
و 3 معالق كاكاو خام
وموزتين وشويا فراوله
ومكسرات ( حسب ما انتى عايزا)
وكيس فانيليا وكيس بكينج بودره
الطريقه:
اولا اضرب ال 5 بيضات وعليهم شويا فانيليا ( او كيس فانيليا)
اضربهم كويس اووى لغايه مايوصلوا للفليوم دا
وبعدين اضيف السكر
وبعدين اضيف الزيت
واضرب كويس اووووووووووووووووى لغايه ما السكر يدوب او يبقا خلاص
احط بقا الدقيق وعليه البيكنج بودر
وبعدين اخط اللبن
واعجن بسيط اووى لغايه ما يتجانسوا سوا
واجيب صينيه وادهنها زيت
وبعدين احط فيها نصف كميه الخليط ايلي عملناه ( واخلى النصف التانى من الخليط علشان هاحط عليه الكاكاو علشان تكون كيكه الشيكولاته)
وبعدين ادخلها الفرن لغايه ما تنضج
وبعدين لما تخرج اشيلها من الصينيه واحطها في الثلاجه تبرد
وبعدين في نفس الصينيه ( علشان لازم المقاس يكون واحد)
احطلها زيت تانى وبعين احط معلتقين كاكاو على باقى الخليط واقلبها بايدى تقلبتين وبس
وبعدين احط الخليط في صينيه وفي الفرن
( معلش نسيت اصور الخطوه دى)
وادى شكل الكيكتين لما طلعوا
واكون مجهزا ربع كيلوا كريم شانيه وعليه كوبايتن لبن
واقسم كميا ابيض عادى والباقى احط عليه معلقه كاكاو
وابد ا بقا في التزين ::
الا هاقسم كل كيكه نصفين
واسقيهم بالشيره ( الشربات)
كوب ونصف سكر على كوبايتين ميا واخليه خفيف اووووووووووى
احط بقا اول طبقه من الكيكا البيضا وعليه طبقه كريم شانيه ابيض ( نسيت اصور دى)
وبعدين تانى طبقه تكون الكيك الشيكولاته وعليه برضو طبقه كريم شانيه شيكولاته
وبعدين تالت طبقا تكون من الكيك الابيض واحطلها طبعا طبقه كريم شانتيه ابيض
احط اخر طبقا بقا وهيا الكيك الشيكولاته
وبعدين اقسم الكيكه نصفين بالظبط
احط بقا نصف منهم عليه الكريم شانتيه الابيض بالجوانب وكلو
والجز التانى احط الكريم شانتيه الشيكولا والجوانب كمان
احط بقا الفاكهه على الجانب الابيض ( وتحطى اى فاكهه عندك)
اسيح الشيكولاته في حمام ميا سخن وبعدين ازود عليا شويا لبن
واحط بقا على الجزء الشيكولاته اغطيها شيكولاته
وبعدين احط المسكرات المطحونه على الجوانب كها
احط كريم شانتيه ابيض في النصف كدا خفيف وعلى الفاكهه
ودا شكلها النهائى
دا شكلها من جوا ( وااااااااااااو تحفه)
قطعتين ليكو بقا :)
بالهنا والشفاااااااااااااا :083:
