اللي اتقول حملت بالغلط وندمانة ؟؟ دخلي شوي

مشكوره حبيبتي على الموضوع
بس ما اعتقد فيه وحده ممكن تفكر تجهض ضناها بس لانها حملت بدون قصد
ممكن تتضايق انها حملت وتو الناس وطفلها لسه صغير ويرضع
بس مستحيل تفكر تسقط
لان التسقييييييط بروحه عذاب مثل الولاده والام مستحيل يهون عليها تقتل جنينها
انا مجربته .. وانشا الله محد يجربه
جزاك الله خير حبيبتي عالتنبيه والله يهديها اللي تفكر بهالطريقه

كل وحدة فينا تتمنى وتدعي ربها يرزقها الذرية الصالحة واذا حملنا ندعي الله يثبت حملنا لان الاجهاض كثر هالايام بدون قصد من الام وانا اجهضت قبل اكثر من تسع اشهر توقف نبض الجنين مدري ليه لكن "الخيرة فيما اختاره الله" يمكن كان مشوه او فيه شي والحمدلله على كل حال
والحين ادعي ربي يثبت حملي يااااااارب
اما اللي تفكر تتعمد تجهض بس هاتوها لي وانا اوريها شغلها
خالي صار له متزوج من اكثر من18 سنة نفسه يجيه عيال هو وزوجته المسكينة
اخوي 9 سنين متزوج وللحين ماحملت زوجته
الله يرزق كل محروم بالذرية الصالحة
ويرزقنا اجمعين

جزاج الله الف خير...
جعله الله في ميزان أعمالج يارب..
أختي الغاليه\\\\
هذي نعمة غاليه و الناس قامت ترفس النعمه و تعتبرها نقمه :035::035:

:'(:'(:'(:'(:'(

يا مقلب القلوب... ثبت قلبي على دينك...

هالأشكال هذي... فيهم ضعف إيمااااان و وازع ديني...
:thumbs_down::thumbs_down::thumbs_down:
مو متكلين على الله ...
ولايحمدون ربهم في السراء و الضراء...

الله لا يجعلنا منهم إن شاء الله..

مشكورين خواتي ع المرور
في ميزان حسناتكم ان شاءالله

جزاك الله خير

وجعل الله ماكتبتي في موازين حسناتك

والله نعمة الامومه ما يحس فيها عدل غير المحروم فيها ما اقصد الكل بس استغرب من الحريم اللي مثل ما قلتي تفكر تجهض الياهل لمجرد ان حملت بالغلط او ما تبي تحمل طبعا مو الكل انا قلت كلمة في بداية زواجي وبتم طول عمري ندمانه عليها واتوقع رب العالميين قاعد يعاقبني عليها اول حمل لي كان باول شهر من زواجي وكنت في الجامعه مو مستعده نفسيا ولا جسديا يوم درييت اني حامل صحت وقلت ما ابي وابي انزله تم تقريبا شهر ونزل الحمل حزتهاااااااااااا حسيت شكثر غلطانه حزتهااااااااااا حسيت بغلاة الضنا والله يعوضني في حملي هذا..
بعد في شغله ثانيه اللي تولد وتقول خلاص انا ما بييب إلا عقب عشر سنين هذا إذا يبت كفايه اللي شفته من تعب في الحمل والولاده مره سمعت قصة وحده قالت جذي وعقب ما كبر ولدها شوي اشتاقت لياهل وحاولت وحاولت وحاولت الله ما كتب وللحين تذكر كلمتها وندمانه عليها..
الله يهدينا صج بني آدم ما يملي عينا غير التراب ان حصل ما شكر وان انحرم قنط
ومشكوره اختي على الموضوع المهم وياريت البنات يتعضون

مافي ووحدة تحب تجهض جنينها حتى لو سبحان الله ماكان ع بالها هالحمل يمكن صح تقول تعب بس في النهاية راح تفرح بشي اللي قاعد يكبر في بطنها وفي اخر شي راح يكون روح تحس فية وتفرح بشوفة وتخافة عليه من النسمة الطايرة ....والحمدلله على عطا الرحمان(( ربي لا تذرني فردا وانت خير الوارثين))

لاحووول ولاقوة الا بالله
الله يرزقني الذريه الصالحه عاجل عير اجل انا وكل من يتمنى هذي النعمه
ياررررررررررررب

انا كنت بفكر اني لو حصل اني حملت بالغلط بتكون نهاية العالم بالنسبة لي ..
بس لما حان الوقت وفكرت اني اجيب بيبي ثاني ولي اكثر من 6 شهور الان بحاول ... وبعدها طلعت لي مشكلة التكيسات ندمت على اي لحظة فكرت فيها هذا التفكير الغبي وبدأت احس انها عقاب من الله
بس ايماني بالله كبير واعرف في قرارة نفسي انها حتتسهل

موضوعك حلو كثير

جزاك الله خير على كل كلمه قلتيها ... والله انك صدقتي !!

والله يهدي كل ام تعتقد ان حملها جاي بالغلط ماتدري يمكن خيره لها ( وعسى ان تكرهوا شيئاً وهو خير لكم )
والله يرزقك كل محرومه بالذرية الصالحه المعافاة ان شاء الله

سلمت يمناك وماخطته
والله يعطيك العافيه أن شاء الله

المشكله مو هنا
حتى لو حملت من دون تخطيط ماتلفظ عباره حملت بالغلط <<< لانه كلمة غلط بحد ذاتها كلمه مشينه
تقول أي كلمه حملت من دون قصد أو حملت من ون تخطيط او حمل غير متوقع حدوث لانه سوينا موانع بس ماضبط وماتدري انو ارداة رب العالمين فوق كل شي ..........................!!!!


وكلامك كله صحيح لناس حملوا من دون تخطيط خلاصة كلامهم نفس ماذكرتي

وشغله ثانيه
أنو بعض المتأخرين بالحمل لما يدخلون على مثل هالمواضيع والله تجيهم الكأبه ولا تجي وحده تقول مايدخلون
لا يدخلون ويتفرجون على بعض المواضيع وهي متأخره لها أكثر من 5 سنين وهي تحاول تجرب أي طريقه تعطيها الدكتوره أمل بالانجاب
ولربما كان أكثر
وتشوف مثل هالموضوع شنو تصير نفسيتها ....؟؟

انا ما أقول كل المتأخرين بس البعض منهم يغير جو ويتصفح ببعض الآقسام


الله يهدينا الى الصواب يارب ياكريم

كلامج في الصميم
الله يجزاج خير

مشكورين ع المرور الطيب
في ميزان حسناتكم ان شاءالله
عسى ربي يوفقكم

:091:


الله يكون في العون

انا كل مره احمل بدون تخطيط لكن ولا مره قلت بالغلط

ولاحاولت اجهض نفسي اعوذ بالله


المشكله مو بالحمل ولا بالولاده التعب كله بالتربيه لكن الله كريم ويسهل علي وعلى امثالي ويرزق المحروم

مرحبا

البنات الي قالوا ما في وحده تفكر تجهض نفسها هذا لأنكم على نياتكم و مستحيل تفكرون في هالشي

توني سامعه سالفة وحده حملت بالأول من غير تخطيط و تمت كل تضرب فيه و تعامله بقسوه و المره الثانيه حملت و هي وزوجها يحاولون ينزلون الجنين بأي طريقه

تخيلوا ان زوجها يقعد على ظهرها علشان يسقطها !!!!

و الأفضع ان الي نقلت لي هالخبر وحده مسكينه صار لها سنين ما انجبت و ما ضل قرض ولا جمعيه الا وصرفوها في العلاج و لا في نتيجه و هالناس اصدقائهم تخيلوا شلون نفسيتهم و هم يسمعون منهم هالكلام

و المشكله انهم عايشين في بيئه مؤمنه

هاي أي أمي اللي اتسوي جي وماتخاف ربه الله على الظالم
وهالريال اللي قعد ع ظهر الحرمته مايخاف ربه صراحة هالريال مينون كلمة مينون شويه عليه
يوم انه مش ما زواج ليش يتزوج
استعفر الله من هالناس

الله يرزقك الجميع
ولايحرمنا من رزقة