طبعا بعد حوووووووسه طويله وعريضه استقرينا على صالون لملجة اخوي والعرس باذن الله وعشان ما تتبهدلون مثلي قررت احط لكم الاسعار مع الاراء ويا ليت الي تعرف بعد تزيد والي تبي الرقم حاظرين
وترا تعبت لين حصلت الارقام والاسعار لان وايد صالونات غيرت ارقامها ومن هالاشياء
بسم الله نبتدي
صالون هستي
طبعا شغلها معروف راااااااااقي وحلو لكن وايد مبالغه في اسعارها
العروس داخل الصالون 5500 وبرع الصالون 10000 وهي الي تسوي طبعا مع الشعر
والبنات برع الصالون هي تسوي
اربع بنات وتحت على 2000 شعر وميكب ومن خمسه وفوق 1800
فالصالون اختها تسوي على 400 والشعر يبدا من 300
صالون يمنى الي احببببببببببببه وايد
ميكب ولا اروع بس شعر كجره
عروس داخل الصالون 2000 مع الشعر
برع الصالون 5000 مع الشعر طبعا
عادي 250 والعادي مالها والله يطلع خباااااال شرات الاسبيشل في صوالين ثانيه
اسبيشل 500
والشعر يبدا من 250
والي تبا تسير عندها تخلي يمنى تحط لها مو التونسيه
صالون شارم والي الكل يمدحه
عادي 150
سبيشل 300
شبيشل عند ميمو او الفرنسيه على 400 والشعر يبدا من 300
صالون ليندا خليفه
عادي 200
اسبيشل 300
واسبيشل عند ليندا خليفه نفسها 500 والشعر يبدا من 250
والعروس عندها على 3000 مع الشعر داخل الصالون و 5000 برع الصالون
صالون ايمان
طبعا زرينا توب بس خقاقه احين ما اتسوي ميكب
عندهم ميكب على 1000
جويل
الصراحه ما يعجبني شغلها ابدا اشوفه فالتلفزيون مش ذاك الي اقول له وااااااااو وايد حريم احسن عنها وارخص بعشر مرات بس عشان تطلع فالتلفزيون رافعه اسهمها
ربيعتي تقول سالت وقالولها عروس على 30000
ريحانه
يمدحونها وايد وانا شفت شغلها حلو بس بعد مش وااااااااااو يعني على قد المدح تخيلته ما ادري كيف بس بشكل عام حلوو
ميكب ب 500
والعروس بس ميكب على 4500 فالفندق
عائشه البحرينيه
وايد بنات مدحوا شغلها بس انا شفته على وحده ومول ما عجبني يعني العروس طلعت موب شي
مورا
هذا سالفته سالفه مره تطلعين حلوه ومره موب شي انتي وحضج
ربيعتي في عرسها طلعت باهته حطوا لها ميكب بنفسجي باهت وسموكي بعد وشفايفها جنه الدم ناشف عنه مع انها حلوه ولما قالت لها تغير الروج ما طاعت اونه هو جذي ما يتغير ليش يعني هو روج ولا تاتو يعني بالمختصر حرام الوحده تتخسف في ليلة العمر
وربيعتي الثانيه طلعت في ملجت اخوها بعد من عند مورا وااااااااو ولما قلت لها هذا الكلام قالت انا يعرفوني اذا عندج حد هناك بيتوصون فيج
الصراحه يودت راسي قلت في خاطري حتى الصوالين اختربت ادفع من بيزاتي وبعد ابا واسطه عشان يعدلوني حلوو
بس الشعر عندهم ما عليه كلام وحده اسمها غاده شغلها مرتب
مشكبار
مول مول مول موب شي
وكم مره اقول للبنات ما يسمعون الكلام واخر شي يطلعون اي شي
امل التونسيه
للشعر وايد حلو واسعارها
العروس من 1000 الى 1500
ملجه من 500 الى 1000
اشبيشل من 350 الى 500
وهاي بعض الصور
وهذا كل الي اذكره لين احين وانتوا ما بتقصرون طبعا
