تعبت نفسياً..مليت من حياتي..لا من القريب ولا من البعيد شسوي بحالي..

ن

نور البحرين

عروس مشاركة

14-03-2010 | 01:16 PM

السلام عليكم..

اكتب لكم هالموضوع بعد صبر وتحمل دام سنتين وشوي..

تمللت لاعت جبدي متاذيه من كل الناس..

قمت اخلي بيتنا وانام في بيت عمي..

اختي تاذيني من صوب تشتغل وكل يوم اولادها من الصبح في بيتنا..

قمت اجي بيت عمي..وبعد ما استفدت و مو مرتاحه لحد الحين منها..

واحاتي امتحان الوزارة و مو محصله وقت ارتاح فيه..

وحتى في بيت عمي متاذيه حدي و مو مرتاحه

عايشه في حجره وحمام..

وازعاج احيانا ومشاكل خفيف..

وحتى حماتي_اخت زوجي_ واللي كانت اعز صديقة عندي ساعدتها ووقفت وياها وجمعت بينا احلى ايام الصداقة

والحين عقب ما اتزوجت تنكرت لهالشي وتغيرت عليي لكن اني مو مهتمه مالت عليها هي الخسرانه..

بس كل يوم ونطت علينا في بيت عمي وكانه ما عندها بيت رغم ان بيتهم بعيد عنا

بس تجي يوم الخميس مثلا تنام والجمعة وتقعد للسبت في الليل..

واحيانا لا.. تروح يوم الخميس وتجي يوم الجمعة تنام والسبت تقعد لليل..

وكل بين يوم ويوم جايتنا بيت عمي..واحيانا اسمع اصواتهم كلهم برى بس اني وخطيبي بالغرفه اتضايق حتى بالقعده وياهم

واني اذا هي موجوده ما اشتهي اقعد وياهم كلش..رغم ان عمتي ما فيه احسن منها ..

بس هي خربت علاقتي في عمتي شوي..بس بعد لحد الحين عمتي اتحبني..لكن

ما اسامحها على ايام الخطوبه لان اني انخطبت لاخوها قبل لا تنخطب..

وضايقتني وااااجد..وخلتني اخرب احلى ايام الخطوبه وخاصه بالبدايه تجي تلصق لصقه

وحتى بالجامعة ما اقدر ارجع واخليها تكسر خاطري وحتى مره اني خلصت قبلها بساعه وزوجي طلع من الشغل عشان انروح نتغدى بمطعم

كسرت خاطري قلت له الحين بتقول تغيرت عليها..المهم اتصلت وخبرتها..

راحت لغت المحاضرة وجت معانا وانقهرت وقالي خطيبي تحنين تبغين تطلعين وعقب ما تعرفين تتصرفين وياها..

وغيرها من المواقف..

المهم وعقب ما انخطبت تصدقون انقلبت قلاب قامت ترجع بيت عمها واني اقدر ان بيت عمها قريب للجامعة و اني انتظر خطيبي..

بس تصدقون حتى لو ترجع بيتهم_اللي هو بيت عمي_ارجع اكتشف ان رجلها جا ياخذها وحتى اتصال ما تتصل تسالني اذا برجع وياهم او لا..

رغم ان اني مو لصقه وما بقول ليها على طول اي برجع..

والحين تزوجت وحتى في زواجها ما كلفت على عمرها تقول لي عزمي اللي تبين عمتي هي اللي قالت ليي عزمي صديقاتش..

ويوم اللي تقول انتين مو محتاجه عزيمه لانش مثل اختي..لكن هذا كلام..لان حتى الحمل ما خبرتني عمتي خبرت خطيبي وخطيبي خبرني..

ويوم تخاصمنا اني وهي عمتي زعلت عليي رغم ان مو مني..بس شقول

ولكن اني اللي بادرت وراضيتها عشان خاطر عمتي..

ولكن على كثر المحبه اللي حبيتها الحين اكرهااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا حدي..

لكن رغم الكره ساعات تعور قلبي ويوم تتزوج قعدت ويا عمتي اساعدها لما يجون الناس يباركون..

وحتى لما تولد قريب اقول بعد بقعد بساعد عمتي بس مو عشانها عشان عمتي..

اسمحولي على الاطاله وادعوا لي ان ربي يسهل عليي واقدر اطلع بشقه عقب شهر الى شهرين

ومسامحه لان كتبت الموضوع في لحظة حزن وانفعال وما رتبت افكاري..
:091:

ف

فوفو و سوسو

عروس متألقة

14-03-2010 | 01:24 PM

يا حبيبتي مو عارفه شو احكيلك بس الله يحقق الي فبالك ويريحك ويوفقك يااااااااااااااااااااا رب

ز

زوآيـا آلـورد

عروس جديدة

14-03-2010 | 01:28 PM

هلا وغلا..
انتي قلتيها
ومسامحه لان كتبت الموضوع في لحظة حزن وانفعال وما رتبت افكاري..

محتااجة لسااعة هدوء في حيااتج

حتى بعيد عن خطيبج..
ليش ماتسافري يومين العمرة او لزيارة النبي

تريحي نفسياا

طيب اقعدي في الهواء الطلق..

رووحي حدايق هنااك الجو غير حتى النفسية تتغير
اما بخصوص اولاد اختج

انتي خالتهم..
العبي معااهم شوي وقولي لهم يسكتوا .. الدنياا يااجماااااااااااااااعة سياااسة
صيري لهم خالتهم الي يحبونهاا
مو تطفشي وتروحي تنامي عند بيت خطيبج.. حتى وان كان بيت عمج

ومشكلتج مع حماتج عديها مشكلة بين صديقات.. وبتصلح الاموور
بس كل شي بوقته يحلى

ولا تحملي نفسج اكثر من طاقتهاا

وموفقة

أ

أميرة في قلب حبيبي

مشرفة سابقة

14-03-2010 | 03:16 PM

الله يعينك

D

DarkStar

عروس ذهبية

14-03-2010 | 03:36 PM

اختي شلكلش حاملة وايد على صديقتش
صلي على محمد وآل محمد وتركي عنش الزعل ماتسوى الدنيا مها كان كانت عندكم ايام حلوة حاولي تتقربين ليها ليش كل وحدة اتعاند وعلشان عمتش وزوجش مو حلو اصير المكان اذا في احد متخاصمين يمكن لمى تولد تتغير انتي اصير احسن منها واذا ولدت بسلامة روحي لها بتقدر هذا الشي اما عن كل يوم في بيت عمش مو هذا بيت ابوها شي طبيعي الوحدة مالها الا بيت اهلها وزوجها ههههههههههههه ليش مضايقة من هل الموضوع
الله يسعدش ويهنيش

ا

اصغر عروسة

عروس جديدة

14-03-2010 | 05:36 PM

الله يسهل عليش حبوبة ويهدي حماتش

صيري احسن منها عشان خطيبش وعمتش

وبتكونين كبيرة في عيونهم

ن

نور البحرين

عروس مشاركة

14-03-2010 | 05:53 PM

بس والله انها ما تستاهل ..

ولا تستحي على وجها..

حتى لو وقفت وياها..

وانا حاليا مو متزاعله معاها لكن هي بعيد وانا بعيد..

ومو مثل ايام قبل لما كنا صديقات بالمدرسة وبالجامعة..

وحتى لو اسوي اي شي فيه مبادره هي ما تقدر..

حتى ايام اللي جات تقعد ويايي عشان نتصالح كلمتها عن قبل وايام وياها..

تقول ما جبرتج تسوين كل هالاشياء عشاني..

واقول لها مو انا المتغيره لا انت المتغير تقول اي انا تغيرت مو مثل قبل..

خلها تولي هي من طريق وانا من طريق..

بس بخلي علاقتي فيها زينه من بعيد لبعيد..

واكيد بروح لها لما تولد وبودي هديه..

لان انا بنت اصول مو ياهل مثلها هالسوالف مالت ناس مراهقات..

وانشاء الله بعد فتره بنطلع وبنعيش لحالنا في شقة بعيد عن بيت عمي..

واكيد بمشي كل الامور على خير ..

وادعولي بتيسير اموري للزواج..

S

Soft Touch female

عروس ماسية

15-03-2010 | 02:16 AM

اختتتي لا تهتميين لها لززمي معاها الصصمت او اهم شي تكونين على قدر من الاحتراام والادب ..وانتي الي بتكسبيين ويارب قريييب اتحصلييين شقة

م

ملكة الصمت

عروس مبدعة

15-03-2010 | 07:11 PM

السلام عليكم.. اسمحي لي.. بكلامك بصراحة.. انتِ متضايقة نفسيا من الجو العام و بالتحديد من صديقتك.. وثاني شئ سويتي شئ انك تركتي بيت ابوك ورحتي بيت عمك.. مهما صار بتظلي غريبة في بيتهم .. اولاد اختك مو مصدر ازعاج انتي نفسك متضايقة فكل شئ عندك مساحة ضيقة وحتى لو سكنتي في قصر..

الحل:

تقربي الى الله ريحي نفسك من هم والغم بالتوسل الى الله..
ارتاحي في بيتكم وتركي فرصة او ساعات لخطيبك يشتاق لك وهو بالمثل.. وهني فكري في كيف تسوي حركات حلوة تسعدينه مثل رسالة ايميل حلوة.. صنع كعكة.. قراءة كتاب ثقافي عن الحياة الزوجية.

دخلي في دورات تعليمية وثقفي نفسك.. واذ ما عندك ميزانية الانترنت مليان اهل خبرة والدورات على بلاش.

تقربي من امك واختك لانهم هم السند لك .. في كل وقت من الزواج الى وقت الولادة ويكفي انهم اهلك..

صديقتك مهما سوت كل يعمل على اصله.. فلا تتوقعي ان كل الناس تتصرف مثلك وتعلمي درس بانك تكوني متوازنة يعني لا تكن لينا فتعصر ولا صلبا فتكسر.. كوني وسطية و وازني بين مصلحتك وعلاقاتك الشخصية

مهما صار من ضيق وهم لا تبينيه لخطيبك زوجك و الرجل بطبعه يحب المراة المرحه الفرحة.. ترى الموضوع وما فيه انك تعبانة نفسيا ومحتاجة لتغير جو ليس الا .. وانشاء الله ما في ولا مشكلة..

ه

هدوء المطر

عروس متألقة

15-03-2010 | 08:18 PM

اهم شي عمتك وزوجك وربي يكون في عونك

ر

راااحتي ب سجودي

عروس نشيطة

16-03-2010 | 10:13 AM

الله يفرج همك..حبيبتي فالدنيا ناس تعطيهم اكثر من حجمهم وفعلا تنصدمين ..فيهم..تحملي دام هي عمتك

ا

الاميرة73

عروس مشاركة

16-03-2010 | 10:28 AM

تعوزي من الشيطان وهدي اعصابك وما يصير الا الخير وربي يهديها ويفتح عليك

!

!!Me!!

عروس نشيطة

16-03-2010 | 11:31 AM

الله يفرج هميج ويوسع عليج
وتتزوجين وترتاحين في المكان اللي انتي تبينه ..

حبيبتي لا تتضايقين من كلامي (( بس اتاكدي اني ما بقولج كلام يعور قلبج الا ابيج تشوفين الحقيقة بنظرة ثانيه )) فلاتتضايقن مني اذا كلامي عور قلبج

اول شي اختج وحماتج يروحون بيت ابوتهم .. مايروحون بيوت ناس غريبين
وشي طبيعي الوحده تروح بيت ابوها كل يوم .. عيل انتي اذا تزوجتي ما بتروحين بتزورين امج كل يوم ..
عيل شتقولين .. انه وخواتي كلهم كل يوم انروح بيت ابوي من ظهر الى الليل !!
نسوان اخواني بالعكس يفروحون لان يصير تجمع
انتي طلعي وقعدي وياهم واستانسي ..
وعيال اختج يسوون فوضى لانهم يهال .. وشي طبيعي بيسوون فوضى ،، لان يعتبرون المكان مكانهم ..
وانتي لازم تتعودين على هالفوضى لان بيون يهال .. والحبسه والكتمه للياهل مب زين
واذا انتي ما خليته يطلع طاقته في المكان اللي يحسه مكانه بطلع طاقته في مكان انتي ما تشوفينه .. وبعدين ماتعرفين شنو بيسوي ..
يمكن اتقولين هذه دخلت في مواضيع مالها لازمه .. بس اقولج لها لزمة ..
لان اذا ما تعودتي على فوضة اليهال من الحين ما بتخلين ولدج يطلع طاقته يمكن ..
وحماتج ماعليج منها ..
المثل يقول سوي خير وقطه بحر
واللي سويتيه لها خليه على الله وخلج انتي الزينه ..
وطلعي بروحج تمشي ع البحر وفي الحديقة ..
وفضفي من صديقتج العزيزه .. وخلي ريلج بعيد عن هالسوالف ..
ولاتضايقين روحج ترى الدنيا ما تسوى

واتمنى ما ضايقتج بكلامي .. وسوري طولت عليج

ن

نور البحرين

عروس مشاركة

16-03-2010 | 06:58 PM

شكرا لكل وحده ردتي علي..

واختي احيانا تصير بيني وبينها سوالف بس لان احنا خوات كل شي يرجع لطبيعته..

اما حماتي تعرفون شنو يعني انها كانت صديقتي مو اي صديقه هي اكثر من اخت بالنسبة لي..

حبيتها حب كبير ولحد اذا وحده فينا تمرض على طول الثانيه تمرض وراها..

بيت اختي قريب من بيت عمي_وقبل لا انخطب_كانت حماتي_اخت زوجي_على طول تجيني

بيت اختي لان اختي كان زوجها يسافر بالشهرين وانا اقعد معاها في بيتهم ..

وكانت حماتي على طول عندي قبل لما كنا صديقات كانت تحبني بجنوووووووووووووون من اول اعدادي الى الجامعة..

وحتى تنام معاي في بيت اختي من كثر قوت علاقتنا..

واول ما انخطبت لاخوها كنت اسعد وحده بالدنيا..

لاني كنت احبه وهي كانت اعز صديقاتي وبنجتمع في بيت وااحد..

وشوي شوي عكرت لي حياتي دوووم زعل وخصام وكل تقول انتي مشغوله..

ابين لها ظروفي واشكي لها بحكم قوة صداقتنا..

لاني توني مخطوبه لازم بنشغل وفوق كل هذا الحمدلله مستواي في الجامعة ممتاز ..

فما عندي وقت ودووم عندي اشغال للجامعه وباقي الوقت لخطيبي اتعرف عليه اكثر..

وكنت رغم هالشي اخصص لها وقت عشان لا تقول اني تغيرت عليها..

كنا نروح المسجد نصلي..او اطلع وياها برى في بيت عمي لما تطبخ او اقعد معاها اذا خطيبي نايم وانا فاضيه واوصيه لو احتاجت شي ان نوديها السوق

ونخصص وقت لطلعت الحديقة كلنا خواتي وخوات خطيبي..

وبكل تجهيزاتي للحطوبه اخذتتها ويايي حتى عشان الذهب قالت ما بتجي قلت لها ما اروح بدونج..

ولان بيت ابوي كل ازعاج وما عندي مكان للمذاكرة اروح بيت خطيبي واقعد بحجرتي اذاكر..

ولما يطلع خطيبي اقعد استغل الوقت واسوي اشغال الجامعة..

وتجي تطق الباب وياويلي لو ما افتحه او ما اسوي لها مسكول لما خطيبي يطلع يسوي اشغال..تزعل وتعاتبني..انا بعد لي حق

انظم اموري واقعد لحالي..

ولو يوم كنت اصلي او اسبح او اي شي وتجي تطق الباب وما ارد تسوي لي تحقيق..

ولو يصير خلاف اخبر خطيبي وندخل بدوامه لانها صارت تزعجنا بدون وعي..حتى عمتي_ام زوجي_تقول لا تطقين عليهم الباب

بروحهم ما يحبونج..هالشي مو صحيح لكن حتى خطيبي قام يتضايق من اخته وعلاقتي فيها وحركاتها وانها خربت احلى ايام خطوبتنا في البدايه

وحتى هو قام احيانا ما يكلمها ويزعل منها وهي تعتقد انه يتدخل بيني وبينه ولكن هو مسكين تاذى وانا اشكي له عن خلافتنا عشان يساعدني

ونتصالح وحتى لما ادخل البيت لو عندي مصاص تقول تبغي اشيله من بوزي_حلجي_واعطيها ايام من زود المحبه..

توقعوا شلون ردت لي كل هذا..

عقب سنة من خطوبتي تقريبا هي انخطبت..

وتغيرت عليي..

صارت تروح السوق تجهز لخطوبتها مع عمتها وتخليني اولي ولا تهتم واقول لها انتي حتى ما تقولين حياج ويانا تسكتين عني ولا كاني موجوده

وقدامي تتصلين بعمتج تجهز نفسها وتخليني ولا تكلفين على عمرج ان تقولين لي تعالي ويانا..

تقول كلمت اخوي_اللي هو خطيبي_وقال لا بس مره وحده بخليها تروح وياج..

لكن انا اعرف ان هو مو قاصد كلامه 100%..

قلت لها انزين جان خبرتيني وانا بتفاهم وياه تروحين تكلمينه ولا تهتمين تقولين لي وانا بتكفل بالموضوع وبقنعه..

تشوف ان ما عندها كلام تقول لا خفت يهاوشج..اي يهاوشني هو خطيبي وانا اعرف اتصرف وياها..

المهم انخطبت وتكشخت لها ..

ومضيت الامور على احسن ما يرام..

كانت تهاوشني على انشغالي صارت ما تدري عني..ولا تتصل..

وانا لو اروح مطعم او اشتري اي شي خلني بس ما اعلمها تزعل وتعاتب وتتحلطم\..

صارت تروح تجهز لشقتها ولا ادري عنها بشي وقبل اعرف امورها اكثر من اي احد

صارت توصلني اخبارها من امها..

قبل حتى حلاوه وجبس وكاكاو على طول اعطيها..

وكل تجيب وياها هالشغلات ولا مره كلفت على عمرها تمد يدها بشي..

وخطيبي اللي هو اخوها وقف معاها وقفه كانوا صديقين مو بس اخوان..

حتى يوم ملجتها اوصي عمتها عليها ويوم الخطوبه قلت حق خطيبها تحمل فيها وكل يوم هي عندنا تحمل ما تجيبها لنا البيت..

وبيوم الملجه مسوين حلاوه يوم ثاني رحت عشان يحطون لي منه قعدت تحط لي..

الا تقول عاد خلاص عشان لا يخلص لخواني وابويي بعد يعني للبيت لانهم ما كلوا..

انزين انا مو بخيله ومربيه على السنع ولاني رزيله نفس..انحرجت بس فوت الموضوع..

لاني حتى بثلاجه بيت عمي ما امد ايدي..وصار لي وياهم سنتين ونص..

وقبل تاذيني لما اذاكر بحجرتي في بيت عمي لان ما عندي مكان في بيت ابوي صارت هي

تروح شقتها تذاكر..تقول اريح لها..

رغم ان في بيت عمي مافيه يهال وهدوء وكلهم اكبار..اكتشفت اشكثر هي انانيه لها الشغلات غفور رحيم وحقي شديد العقاب..

سافرت عمتي الحج شلت البيت شيل قبل لا امرض بالحمى..

ويوم اللي ردت عمتي انا تاخرت بالجامعة ونطرت اختي ترجعني وياها..

لان في الجامعه العيد الوطني والمحاضرات ملغيه..

رجعت بيت عمي الا هي قاعده..تخيلوا عمتي مسكينه..

تقول جان رجعتي ويا حماتج..انا سكت..ورجعت كررت علي هالشي..

قلت لها لا هي ما خبرتني فما ادري لان انا اكمل قبل حماتي وامشي مع اختي دووم..

لكن هالمره هي كملت قبل اختي ورجعت ولا كلفت على عمرها حتى تتصل..

ساءت علاقتنا وتدهورت صرت اكرررررررررررررررررررررررررررهااااااااااااااااااااااااا..

وفي البدايه حتى كنت اصيح لان قبل هي سندي في بيت عمي واستانس وياها لكن اذتني وتحسفت على كل شي سويته عشانها..

وهي ما تستاهل..واذيت خطيبي بالكلام عنها وان انا اكرها واحيانا حتى بكلام الخير قام اقول لي خلاص لا تجيبين طاريها..

عيشي حياتج وخلاص صداقتكم ما بترجع مثل قبل مشي كل شي مثل ما هو..

وحتى لما اتزوجت وقفت وياها وتكشخت وقابلت الناس اللي يجون يباركون لها..

بس مو عشانها عشان عمتي..

قامت عمتي تزعل من هواشنا وتخليها ما تكلمها تكلمني انا وتقولي ترى بزعل عليج وبحقد عليج..وانتي افهم منها..

وتكلموا مع بعض والله هي تحبج..واذا كلمت بنتها تكلمها بهدوء وراحه وتقول لها اي كلمت مرت اخوج وكانت عندنا محاضره..تقصد كلامها ويايي..

حتى مره كنت راجعه من الجامعة ايام الصيفي..وقاعده اتغدى لان هم تغدوا قبلي ..قامت عمتي تسولف معاي وخلاص تصالحوا..

قلت لها اي مهما اسوي ما بتحبيني كثر ما تحبين بناتج..المهم..لكن قلت لها ما عليه بنتصالح وفي نفس اليوم..

رتبوا حق قعدتنا وتصالحنا بس بعد مو مثل قبل..

جرحتني على كل اللي سويته وما اقول هالشي عشان المن لا ..

تقول لي انا ما جبرتج تسوين هالشي عشاني..

مستحيل اقدر انسى اللي سوته حقي استانست بخطوبتها..ومحد نغص عليها واذتني واااايد..

والحين قريب بتولد..

وبهالفترات بنحاول نعدل اوضاعنا للزواج ويارب بعد ما يسونا لنا خلاف..

لان احتمال نتزوج ونطلع بالاجار..ويمكن تكون هي بلنفاس..لكن تعبنا من التنقل والشحططه..ويارب عمتي ما تحط بخاطرها علينا..

ورغم ان حماتي ما اهتمت لي بس يعن علي ان اتزوج وهي ما تحظر..

لكن اذا الله كتب ويسر امورنا بنتزوج وبحاول ارتاح ويا زوجي تعبت واااايد من الشغلات اللي مرت في حياتي..ويارب ارتاح..

وادعوا لي ان الله ييسر اموري ويحقق لي اللي في بالي..

واعتذر على الاطاله..

بس شكيت همي لكم وفضفت..

واتمنى لكم ولي السعادة ..

وشكرا لك اللي واساني ورفع معنوياتي..

ف

فهدونه

عروس رائعة

16-03-2010 | 09:30 PM

الصراحة أنتي امغربلة عمرج آنة عمري ما سمعت أن وحدة أذا تضايقت أتروح بيت عمها حتى لو بيت خطيبها يعني أنتي تهربين من الواقع بكرة أذا عرستي و صادفتج مشكلة أو ضيق من اليهال وين بتروحين ؟الزوج ما يحب يبتدي حياتة مشاكل و سامحيني أذا قلتلج أنج أبتديتي حياتج الزوجية غلط لأن العروس أتروح بيت ريلها و الكل ينتظرها مب طول الوقت معاهم و بعدين تتزوج أشلون أيصير ؟ الصراحة مادري الأوضاع مب مرتبة آنصحج أرجعي بيت أبوج و خلج أمعززة رافعة راسج بأهلج و عزوتج و محد أيدوم لج الا الأهل و أشرطي علية أيوفر لج شقة على قدكم و تزوجي و طلعي معاة بدون ما تحتكين وايد بأهلة و خلج معاهم في علاقة طيبة بدون تدخلات في حياتهم و كثرة القيل و القال و أيبين من كتابتج أنج حساسة و تفكرين وايد في كلشي عيشي حياتج وستانسي والله أيوفقج:f:

س

سموكة لذوذة

عروس متألقة

17-03-2010 | 04:41 AM

ربنا يسعد ويهنيكى

ن

نور البحرين

عروس مشاركة

02-04-2010 | 12:11 PM

السلام شكرا لكل اللي ردوا علي في مسالة اهل زوجي وحماتي(اخت زوجي)

واليوم تصدقون انكسر خاطري..:091:

جا عمي (ابو زوجي) يخبرنا ان حماتي ولدت وجابت بنت واستانست حدي..وخاصه

انها الحفيده الاولى في بيت عمي..

وفرحت لها وااااجد ..وقال لي زوجي يالله خلنا انروح لها بس عقب كلم عمي بالتلفون..

وقال له لا الحين تعبانه شوي روحوا لها العصر احسن..

وفي طلعتنا من البيت كان عمي وعمتي راجعين من المستشفى ..

فباركت لعمتي لانها الاهم عندي..:087:

وقالت لنا اذا بتروحون ما بدخلونكم بس بتشوفكم من ورا زجاج لكنها بخير..

او اتصلوا لها..

وصدق كنت بتصل لكن عقب تراجعت لانها ما تستاهل بس قلت بمسك نفسي شوي وبشوف..:01:

لان حماتي لصغيره قالت ان هي بتطرش مسج لي ولزوجي ولكل الاهل وصديقاتها..

تصدقون انكسر خاااااااااااااااااااااااااااااااااااااااااااااااااااااااااااطري طرشت مسج لزوجي وخلتني اولي ولا اهتمت تطرش لي مسج عديمة الذوق..:057:

ما ابي تعاملني ان انا صديقتها واختها الروح بالروح مثل قبل..

بس ابغي تعاملني اني زوجت اخوها وترسل لي مسج حالي حال الغير..

صج صج عورني قلبي وانقهرت وصج انكسر خاطري من قلب..:033:

وهذي مو اول مره انا من قبل قلت لكم انها ما تستاهل..حتى عزمتنا مره في شقتهم..

واتصلت لاخوها وقالت له وخلتني اولي بس قالت له عاد جيب معاك زوجتك..

وانا قلت مو كل مره زعل قلت اطرش لها مسج اذا تبي اي مساعده او شي عشان اساعدها..:065:

الا تقول طول عمرج ما تقصرين ومشكوره وعدت المساله..

وحتى لما كانت اتجهز توزيعات البيبي هي واختها الصغيره دخلت البيت تصدقون..

عمتي وحماتي الصغيره يقولون لي تعالي وتفضلي سوي معانا وهي ساكته ومنجبه ..

قمت اخفف دم معاها واقول لهم لا المفروض هي اللي تقول مو انتوا :014:الا تقول ما يحتاج اقول تعالي ومدي يدج..

وعدت واخذت الموضوع عادي..

بس والله عيب عليها ..لان انا احط نفسي مكانها لو انا ولدت الحين معقوله ما بستحي لا وجهي..

وبطرش مسج بس حق اخوي وبخلي مرت اخوي تولي بدون ما اطرش لها مسج بالعكس لان بتكون مرت اخوي بحسبت خواتي كلش مو حلوه بحقها ما ارسل لها..

وتصدقون هالايام عندنا امتحان بالوزارة ..ومدام هي ولدت صدقوني ما امدح نفسي بس انا اللي بوقف مع عمتي وباساعدها وما بقصر معاها مثل ما كان هالشي في زواجها ..

والله ما امدح نفسي بس صدقوني قهر :039:حطوا روحكم مكاني ياناس يا عالم كنت احبها حب ..

والحين صرت اكرهااااااااااااااااااااااااااااااااااااااااااااااااااااااااااااااا وبجنون بعد..

وبعدين يبغينا زوجي انروح لها مو قادره حتى اروح او ابارك لها عديمة الذوق..

واذا رحت حدي ابارك وامشي ..

والله كنت اتمنى اوقف معاها بكل لحظات حياتها بس عقب اللي صار منها وشلون تغيرت علي

صعب هالشي والله صعب.. الله ياخذ حقي منها بعد هالاستهانه فيني..
:091:

ر

رٍوٍـــآنٍ

عروس رائعة

02-04-2010 | 03:38 PM

الله يكون في عونج ان شاء الله

v

vanilla cake

عروس ماسية

09-04-2010 | 08:33 AM

حبيبتي هذي الدنيا محد يتم على حاله واذا اهي تغيرت مب معناتها انها عدوتج خليها بحالها وانتي عليج من ريلج بس كسبيه بتكسبين الكل وصدقيني سعادتج مب بيدها يعني لا تتوقعين لي رديتووو حق بعض بتصيرين مستانسه صدقيني أختي ترى محد بينفعج الا هلج وريلج الاوادم تركيهم عنج ولا تشيلين همهم وريحي مخج منها ومن غيرها

*

**توتة**

عروس مبدعة

09-04-2010 | 06:04 PM

خليها عنش ولا تفكرين فيها خلاص...ركزي على حياتش ويه زوجش ولا كأنش تجوفينها

خلي علاقتش فيها السلام عليكم السلام وبس..

اني كانت عندي صديقة أكثر من اخت..هي تحبني واني أحبها وكنه على طول مع بعض في الجامعة وفي البيت وفي كل شي

طلعاتنا ويه بعض وحتى لما ما نكون مع بعض نقعد على المسن نتكلم مع بعض..

حتى يوم انتقلنا من جامعة لجامعة انتقلنا مع بعض..

لين ما جه يوم وتغيرت عدددددددددل عليي صارت تهاوشني وتقط كلام مو في الصوب..
ديك الأيام صياح كنت أصيح مستواي الدراسي صار ززززززززززززفت..

كل شي في حياتي تغير قمت أحس اني وحيدة في الحياة معني الحمد لله عندي أهلي واختي وبنات خالي وكل الناس يحبوني وحواليي الحمدلله

لكن بسبب تعلقي فيها كنت ما أقدر أتحمل أعيش بدونها..

لين ما جه اليوم اللي امي نصحتني فيه وقالت ليي ركزي على حياتش وانسيها خلاص واعتبري نفسش ما قط عرفتينها...

الحمد لله انخطبت وبعدين تزوجت والحين اكمل دراستي ونسيت كل الأيام اللي مضت..

أفضل حل حق ترتاحين هو انه بس تنسينها وتنسين كل اللي كان بينكم وتخلين العلاقة سطحية لأبعد الحدود..

خلي إهتمامش وتركيزش بس على زوجش ودراستش وبعدين ان شاء الله بيرزقكم بعيال حزتها بتنسين كل شي وبترتاحين..

تجاهلي اي تصرف يبذر منها...يعني اي حركة تسويها اعتبريها حركة أطفال وتجاهليها اهني هي بتنقهر لأنها بتحس روحها تافهة وتصرفاتها ما تناسب سنها..

الله يريحش ويهدي بالش

صلي على النبي وريحي نفسش لأنش في نعمة دام عمتش و زوجش يحبونش يعني لا تعطين اي اهتمام لأي شي ثاني عشان تعيشين حياة سعيدة..