عرفت ان الهنا لحظه عرفت ان الشقا انسان
عرفت ان اجمل احساس الشقا عنوان مافيني
عرفت اني بلا فرحه بلا ذكرى بلاعنوان
عرفت ان الوهم دربي ولا به من يقديني
عرفت ان الوفا دمعه حزينه كلها وجدان
عرفت ان العيون الي بكت لي جت تبكيني
عرفت اعانق اهاتي واجسد لوعة الحرمان
عرفت ان الهموم استوطنت في كل تكويني
عرفت ابكي من الفرحه عرفت اضحك من الاحزان
عرفت ان الدموع ارحم واصدق من يواسيني
عرفت الانتظار اصعب عرفت ان الوعد خوان
عرفتى اني معك لامن بغيت انسانك تغريني
عرفت ان الام حاله غريبه تشبه البركان
عرفت انك مثل حلمي هويته لاجل يشقيني
عرفت ان اللقا مثل السراب يناظر العطشان
عرفت ان الوداع اخر حدث بين المحبيني
عرفت ا ساير الواقع واسامر بالوهم خلان
من اول مابدا نزفي يترجم غربه سنيني
عرفت اشيا ء كثير ه من صغر سني الين الان
عرفت ا نك كبير بالغلا بس طحت من عيني
عرفتك مع ضروف الوقت وتمنيتك تكون انسان
ويشهد كل عرق يحتضر باقصى بشريايني
عرفت انك مجرد حلم وعرفت ان الغلا ماكان
عرفت ابني لك احساس حتى هدمتني
وش اكتب عن نهايه قصه مضمونها النسيان
نسيتك من سنه و انسى اذا فعلا تحبيني
عزاي اني كتبتك بالقوافي اعذب الالحان
وعرفت ان القصيد الي كتبته مايعزيني
