اخوتي ساعدوني الي في بريطانيا ولندن خاصة

ان شاءالله تحصلي مين يساعدج
اما بالنسبه للحجاب فخليكي قويه والبسي حجابك كامل
وانصري الاسلام والمسلمين بتمسكك بحجابك

انا بدرس في لندن
امممم مررره عادي اذا الوحده تغطت في لندن لاانه كثيررين العرب والمسلميين في عندنا الهايد بارك اكبر بارك في العالم وعندنا ريجنت بارك جميللله مررره وعندنا الهارودز سوق كبيرر وفخم و سيلفردج نفس الهارودز كل الماراكات الغاليه عندهم

في بيغ بين ولندن اي ومدام توسو متحف للمشاهير مسوينهم بالشمع وويست فيلد دا مول كبير زي الي عندنا في السعوديه وشارع الاكسفورد زي التحليه بس طبعآ هنا اكبررر وبس تقزريباا

وتروحي بالسلامه يارب :)

حياج الله اختي والجو الحين حلو يعني درجة الحرارة بالنهار توصل 11 اما بالليل توصل 3 يعني شوي برد طبعا العباية والنقاب شي عادي وانا شفت كثير منقبين خصوصا في لندن ويعني لبسي ملابسك العادية الشتوية وجيبي معاك جاكيت واحد او معطف يكفي واذا حابة تشترين من اهني عندنا محل اسمه بريمارك وايد حلو للملابس الداخلية والمعاطف ورخيص كثير ووايد خليجيين يشترون منه
هارودز حلو بس غالي كثير بس حلو تزورينه لانه ديكوره روعه لا يفوتج
طبعا الاخت ذكرت متحف مدام توسو والحدايق حبيت اضيف متحف جديد للديناصورات في اكسفورد ستريت ومتحف صدق او لا تصدق اعتقد في شبرد بوش لي الحين مارحت له ومتحف الاشياء الصغيرة في اكسفورد ستريت.
مطاعم ومحلات عربية تحصلينها في اجورد رود
واذا تبين ملاهي في ملاهي اسمها ثورب بارك وهذا اسمها ممكن تدخلين غوغل وتبحثين عنها عندهم موقع http://go.3roos.com/6F7OksdhsVd

وملاهي اخرى بعد التون تاورز وهذا موقعهم http://go.3roos.com/fCT8Zbmpg5i

وعندج الاكواريوم -حوض السمك جنب لندن اي بالضبط
وهاذي اهم المناطق في لندن


ان شاءالله تستانسين وتقضين اجازة حلوة

الله يسعدكم ويوفقكم ويحققلكم كل الي تتمنونة طمنتوني الله يطمنكم بس بسأل انا بكون لوحدى فترة طويلة زوجي بيكون في العمل عادي اخرج لوحدي واتمشى خاصة ان اللغة مش هداك الزود ولا فية خوف اجلس في الفندق