:08:سلطة الطماطم بالموتزاريلا:08:
أنا حبيت أقدم لكم طريقة عمل سلطة جديده عشان نغير فى اكلاتنا ونجدد الطماطم بالجبنة الموتزاريلا،
المقادير:
1/2 كيلو طماطم
300 جرام جبنة موتزاريلا
ملعقة نعناع ناشف
ثمرة بصل
ملعقه كمون
ذَرّة ملح وذَرّة فلفل
2 ملعقه ريحان مفروم
2 ملعقه نعناع أخضر مفروم
2 ملعقه زيت زيتون
2 ملعقة كبيرة خلّ
الطريقة:
1- أول حاجة هنجيب الطماطم وهنقطّعها شرائح كبيرة، وبعدين نجيب الجبنة الموتزاريلا، ونقطعها لشرائح، ونحطها على الطماطم ونسيبهم على جنب.
2- هنجيب طبق تاني ونحط فيه الخلّ والنعناع الناشف والكمون والملح والفلفل والزيت، ونجيب البصلة ونبشرها معاهم، وبعدين نحط عليهم النعناع والريحان المفرومين ونخلط ده كله مع بعضه بالملعقة، ونضيفهم على الطماطم والموتزاريلا..
وبالهنا والشفا.
لو عجبكم مشاركاتى ادعولى ربنا يسهل حملى وولادتى ويهديلى زوجى:032: