بموت من القهر قهرتني الله يسامحها

بنات انا اول ما سجلت في المنتدى كنت كاتبة مشكلتي وهاي الرابط
http://forums.3roos.com/showthread.php?t=497975
المهم اغلب البنات نصحوني اني ابتعد عن رفيجتي دام كلامها يضايقني وهذا بالفعل اللي سويته اهي حست بالتغير كل مره تقولي ليش ما تساليين عن الياهل وما ادري شنو وانا وقت اللي تقول جذي اقوم اسال واسوي روحي عادي يعني ما احسسها بشي انا اللحين الحمد لله حامل بس للحين عندي خوف ان حملي ما يستمر مثل حملاتي اللي قبل وهالشي متعب نفسيتي زيادة احاول اكون متفائلة قد ما اقدر عشان بعد الياهل ما يتاثر بهالنفسيه الزفته وما ابي افكر واطالع غيري مو حسد يا ناس والله العظييم مو حسد عمري ما فكرت احسد احد بس يذكرني باشياء ما ابي اذكرها ويخليني افكر باشياء ما ابيها اتيي على بالي المهم رفيجتي اللحين زعلانه وما ترد على اتصالاتي طرشت لها جم مره اراضيها واهي ما ترد المهم عقب ردت تقولي انتي يوم كنتي حامل قبل كنت دائما اسال عنج وعن اخبار الياهل شمعنى اللحين يوم تزوجت وحملت انتي ما تساليين طبعا رفيجتي للحين ما تدري اني حامل حاليا فطرشت لها مسج وقلت لها (صج يوم كنت حامل كنتي تسألين بس وضعج غير عني بالعربي الموضوع يضايقني وهالشي غصب عني مو بيدي اني اتحكم فيه بس ما ابي اقولج رغم انج عارفه بس يمكن فر حتج مخليتج متجاهله غيرج وهالشي من حقج ولو انا مكانج بكون نفسج بس هالشي فوق طاقتي رغم اني مستانسه واتمنى لج الخير بس ما يعرف وضعي غير رب العالميين ومايعرف باللي احس فيه غير رب العالميين ماكنت حابه اقول هالكلام لان باختصار تعرفينه ومن حقج تعاتبيين ويمكن اكون غلطانه بس غصب عني)بذمتكم يا ناس في شي كلامي؟ما تخيلت ردها ما تخيلت رفيجة عمري ترد علي بهلاسلوب ردت علي تقولي(عالعموم الله يرزقج ان شاء الله ويحفظ اللي ببطني من شر هالمقاريد ولو ان اكو(فلانه) تقصد بنت اختي بالعكس تحبينها وما تحقديين عليها ) عيل انا حقوده ومقروده معقوله رفيجه تقول لرفيجتها واختها بنفس الوقت هالكلام والله اني اموت من الخوف لو تقولي ان ينزل عليها دم او ان فيها اي شي وفي الاخير اطلع حقوده ومقروده ردييت عليها(شر هالمقارييد = انا اوكي مشكوره وعيب تقوليين كلمت حقد الحمد لله ما احقد عليج ولاعلى غيرج في فرق بين الحقد وان هالشي يضايقج ويذكرج باشياء صعب علييج تذكرينها ) سامحوني قاعد اكتب لكم المسجات اللي صارت بينا لاني مو عارفه اوصل المشكله ميته من القهر بحياتي محد قالي هالكلمه واللي تقولها لي في الاخير صديقة عمري وعلى وضع اهي عارفته زين وعارفة شكثر عانييت ولو سمحتو بنات اللي عندها كلمه زينه تقولها تقولها لحد يضايقني بكلام ماله داعي اكثر من ما انا مضايقه نفس الموضوع القبلي اللي تقول شلون يتعالج وتحمليين واللي ما ادري شتقول وحطي روحج مكاني تخيلي عندج ياهل واسم الله عليه راح من بيد ايدينج وعندج صديقه عندها ياهل بعمره مو بكل ما تشوفينه بتذكرينه وبتشتاقين له وبتموتيين الف مره وانتي تذكريين اللي صار هذا بالضبط اللي احس فيه ما ابي اذكر ضناي اللي فقدته انا ما فقدت واحد ولا اثنين فقدت اربعه وصعب علي صراحه واحس محد فاهم كل من نفسي نفسي والله العظييم لا قراده ولا حقد ولاحسد قسما بالله عمري ما فكرت احقد او احسد احد عساني الموت ان مر في بالي هالتفكير اني احسدها او احقد عليها او حتى على غيرها والله العظيييم عمري عمري ما فكرت بهالتفكير على هالسالفه او غيرها لان باختصار ايماني برب العالميين قوي وما سوه هالشي إلا في صلاح لي