@@(في أطهر أرضٍ قلبي قد طاف و لبى الله..ونسيت متاعب دربي في مكة إي والله)@@
صباح الورد يا أحلى عرايس..اليوم إنشاء الله بنزل لكم تقرير كامل عن رحلتي لبيت الله الحرام...لمكة المكرمة, بكل التفاصيل من رحلة طيران و فنادق و مطاعم و أسواق و الأهم من هذه كله شعوري حين زيارة بيت الله الحرام..أسأل الله أن يعطي الكل هذه اللذه
وبإسم الله نبدأ
وبإسم الله نبدأ
في تاريخ 10/02/2010 كنت متوجهه أنا وعائلتي إلي البحرين أولاً وفي اليوم الثاني من البحرين إلا السعودية, الرحلة كانت على طيران البحرين, الصراحة طائرة جيده جداً للرحلات القصيرة مثل البحرين و السعودية و قطر..يعني الدول القريبة, و أسعارهم جيده أيضاً.
هذا داخل الطيارة قبل الإقلاع
وهذا تقريباً يوم قربنا نوصل...منظر البحر من الجو
وهذه ولدي الله يحفظه, وللعلم تراني خذيت ولدي معايه العمره و تقريباً عمره 3 سنين و نص, وتعرفون إن الأطفال في سنة يحبون يلعبون و يتحركون, فبقول لكم السر إلي خلاني أسيطر عليه في السفره:085:
و تقريباً السفرة طولت ساعة إلا ربع, سافرنا الساعة 10 و نصف بتوقيت الإمارات و وصلنا تقرباً 11 إلا ربع بتوقيت البحرين, والفرق في التوقيت بينا و بين البحرين ساعة بس, و الحمدالله السفره كانت خفيفه جداً.
وهذه هو دوار المطار أول ما طلعنا من مطار البحرين.
وهذه هو دوار المطار أول ما طلعنا من مطار البحرين.
والسبب حبايبي إني سافرة أولاً البحرين عشان أهلي هناكي و ماشاء الله فوق ال40 شخص مسافرين مع بعض, فحبيت إني أكون معاهم:03:
وأول ما صلنا حبايبي على طووووووول رحنا المستشفى هناكي عشان التطعيم, ما أعرف الصراحه مال شو بس أعرف إن إيدي يومي كانت إتعورني من الإبره و كان هالشي طبيعي..والحمدالله هالإبرة عطتنا مناعة أثناء العمره..وللعلم و لدي ما طاعو يعطونه التطعيم..بس الأطفال في سن ال5 و مافوق.
طبعاً إغتنمنا الفرصه دامنا في بحرين الحبيبه, ودرنا شوي و رحنا بالليل السيتي سنتر, الصراحة الستي سنتر مالهم وااااايد حلو و محلاتهم كثيره و بعضهم مش موجوده عندنا, فدرنا شوي و لعبنا ولدي و تعشينا في مطعم (Jasmes)...يابنات هذه مطعم Fast food بس موجود في البحرين و صناعه محليييييييييييييييه...والله يا حظهم, وأكلهم روووووعه, أتمنى إن في يوم من الأيام يفتحون فرع عندنا في دبي.
في اليوم الثاني من الصبح ناشين...وسافرنا للسعودية و كانت الرحلة وااايد ممتعة خاصه بوجود الأهل, وطبعاً متوضئين و طاهرين و لابسين ملابس الإحرام, وأول ماوصلنا الميقات خبرونا عشان خلاص نحرم, ونمسك نفسنا عن مبطلات الإحرام إلي الكل يعرفها (من حك..و قتل أي حشرة أو حيوان...وعدم التعمد في إسقاط الشهر..الخ)..وهذه الأشياء لازم تعرفونها من قبل..يعني إشتروا كتيبات عن العمره و ما أكثرها...وبعدين بدينا في التلبية..طبعاً النساء يلبون بينهم و بين بعظهم..يعني إلي جنبج بس إلي تسمعج, والرجال يحاولون كثر مايقدرون يشدون في التلبيه و يرفعون أصواتهم..وبحمد من الله وصلنا الظهر إلى السعودية.
ومن بعيد و نحن نترقب شوفة الحرم..وهذه صورة من بعيد..والله شوفته تشرح الصدر..طبعاً إلي تشوفونه هو أعمال هدم لجميع المباني إلي حول الحرم للتوسعة..
أول شي بس نزلنا الشنط في الفندق, وكان الفندق(زمزم)...ماشاء الله لايعلى عليه من حيث الموقع...والمبنى الراقي..والمعاملة الحسنه..إنشاء الله بفصل لكم بعد شوي...
بعدها على طول رحنا عشان نعتمر, الحمد الله كل شي كان ميسر جداً...هذا هو مدخل الحرم
بعدها على طول رحنا عشان نعتمر, الحمد الله كل شي كان ميسر جداً...هذا هو مدخل الحرم
ودخلنا من باب الملك عبدا لعزيز, وهذه الباب إلي دوووووم كنا ندخل و نطلع منه عشانه مقابل الفندق على طووووول, وهو الباب رقم (1)
هذا باب من أبواب الحرم المزخرفه... ماشاء الله
و بدينا أول الشي بالطواف كلن مع محرمه...و ما أقدر أوصف لكم شعوري يوم شفت بيت الله..كنت و الله مومصدقه إن بيني و بين الكعبه أمتار محدوده و إن الدعاء في هذه المكان المطهر مستجاب..
وعلى فكره يا بنات ترى كان واااااااااااااااااااااااايد زحمه مثل الحج...سبحان الله صادف إجازة نصف السنة للمملكة و الدول المجاوره أيضاً مثل البحرين وقطر و كان واااايد زحمة بس أغلبيتهم خليجيين.
وعلى فكره يا بنات ترى كان واااااااااااااااااااااااايد زحمه مثل الحج...سبحان الله صادف إجازة نصف السنة للمملكة و الدول المجاوره أيضاً مثل البحرين وقطر و كان واااايد زحمة بس أغلبيتهم خليجيين.
وبعدين صلينا ركعتين خلف مقام إبراهيم..والحمدالله رب العالمين الله كتبلي و شفت المقام عن جريب..وشفت آثار رجله الشريفه عليه السلام..شوفوا الصوره
و رحنا نسعي في الصفا و المروى, طبعاً في الصوره إلي تحت يكون واضح لكم خط(الهرولة) إلي هو الخط الأخضر, و يستحب للرجال الهرولة من بين هذه الخطين بسرعة..
وهذه كانت آخر المناسك..يعني بس باقي حلق الشعر للرجال و التقصير للنساء...
و شوفو هذا مخرج الملك عبد العزيز أيضاً من داخل الحرم
و شوفو هذا مخرج الملك عبد العزيز أيضاً من داخل الحرم
بعض الطرائف الحلوه إلي كانت تواجهنا هناك إن ولدي كل ماشاف ماي زمزم راح و خذله قلاص و شرب..كل ماشاف...حتى لو توه شااارب:085:...مستانس على البزازه مالت الماي..شوفو هذه صورته بالإحرام..الله يحفظه يارب..كل ما أحد يدوس علي الإحرام ماله يتبطل :D
فديته تعب هاكي اليوم
فديته تعب هاكي اليوم
طبعاً نحن النساء كلنا رحنا الفندق عشان نقصر هناكي..و مثل ماقلت لكم الفندق وااااايد عجبني...
هذه هو المدخل
هذه هو المدخل
وهذه هو الإستقبال و اللوبي...تراه واااايد حلو وفخم بس ماقدرت أصوره أكثر عشان واايد كان زحمه و إستحيحت
وهذه هو المصعد, وعندهم مصاعد خاااصه للفندق, يعني التحرك بين طوابق الفندق و الغرف...و مصاعد خاصه للمركز...لأن في برج زمزم في مركز تسوق حلو واايد..ومحلاته رااائعه و أسعارهم جيده جداً.
و مثل ما شفتوا هذه مقهى (حديقة الشاي) المقهى ممتاز و راقي جداً و أحياناً أنا و زوجي كنا ننزل فيه و نتريق.
و مثل ما شفتوا هذه مقهى (حديقة الشاي) المقهى ممتاز و راقي جداً و أحياناً أنا و زوجي كنا ننزل فيه و نتريق.
وهذه هي بعض المقتطفات من المول
وهذا هو محل القرشي..وماشاء الله مكثره في المراكز و الشوارع...في كل مركز فاتح محلين أو أكثر...عسى الله يزيده و يبارك لك..وعطور القرشي لا يعلى عليها...
بخصوص الغرف بعد حلوه واااايد و رااقيه..والحلو فيها إن السماعات إلي توصل صوت أذان الحرم و الصلاة موجوده بالغرف...يعني وااااايد كان حلو خصوصاً في الأيام إلي كنت أنجبر أجلس مع ولدي في الفندق كنت أصلي مع الإمام في الفندق .
هذه مقتطفات من الغرفه..
هذه مقتطفات من الغرفه..
والحمدلله رب العالمين على كل صلاة كنت نتوضأ في الفندق و قبل الأذان بنصف ساعة نروح الحرم عشان نحصل مكان للصلاة..عشاني مثل ماقلت لكم كان واااااايد زحمه...
في اليوم الثالث سبحان الله كان الجو مغيم...في الأيام العاديه كان الجو حلو بس بدون غيوم..بس في تاريخ 13-02-2010 سبحان الله إنقلب الجو وهذا كان العصر..في بداية تجمع الغيوم...وهذه هي الساعة الكبيرة المشهورة في ساحة الحرم...طبعاً كانت دائماً نقطة تجمعنا.
وهني المغرب..شوفو كيف زادت الغيوم...
وماأقدر أوصف لكم الجو شو صال له بعدها..بدى النفاف من صلاة المغرب إلى صلاة العشاء و بعد صلاة العشاء نزل صبيب و برق ورعد..سبحان الله و كانوا الناس على الرغم من هذه أشوفهم يطوفون حول الكعبه و مستانسين بالمطر...يوم ما أقدر أنساه طول حياتي من روعته...رحمة من الله...
وماأقدر أوصف لكم الجو شو صال له بعدها..بدى النفاف من صلاة المغرب إلى صلاة العشاء و بعد صلاة العشاء نزل صبيب و برق ورعد..سبحان الله و كانوا الناس على الرغم من هذه أشوفهم يطوفون حول الكعبه و مستانسين بالمطر...يوم ما أقدر أنساه طول حياتي من روعته...رحمة من الله...
بخصوص أسواقهم تراها وااايد حلوه..وكلها حوالين برج زمزم...يعني كنا نروح مشي بعد ما نطلع من الصلاة..والأشاء الحلوه إلي هناك و إلي نقدر نشتريها كصوغة و هدايا هي السجادات إلي في منها أنواع و أشكال حلللوه...في إلي مزخرفه..وفي إلي مثل الشنطه..وفي الجلد للرحلات...و أيضاً المسابيح...طبعاً المسابيح الزينه تنباع بأسعار غاليه و تستاهل..وفي أيضاً مسابيح حلوه وااايد و تنفع للهدايا...و الأسواق كانت في الأبراج...وبرج صفوة
جنب برج زمزم تتجمع الطيور..وولدي تخبل عليهم...كان يركض وراهم من مكان لي مكان...وفي حريم يبيعون الحبوب مالهم
وشوفو ولدي كان يركض وراهم...وأنا وراه:085:
مثل ما تشوفون بهذه الحزام كنت أسيطر على ولدي في العمره...كان عباره عن حزام ينربط حول الصدر و البطن عشان ما يأذي الطفل و حزام أربطه في إيدي مثل الحلقه..وكان كله قطن و نااااعم ما يتعب...عند الصلاة كنت أربط الحزام و أمسك طرفه, وولدي في بعض الأحيان كان يصلي معايه..وأحياناً كان يشوف الأطفال فكان يلعب معاهم..فماكان يقدر يروح لبعيد عشاني رابطته...وواااااااااااايد كان مفيد..إتعرفون إن زحمه وااايد هناك ووايد أطفال كانو يضيعون من أمهاتهم...بس كنت أفكه في الفندق:094:
والحين حبايبي أخليكم مع بعض الصور إلي صورتها في الحرم..ومهما كنت أصور والله ما أشبع من روعة المكان و طهارته
شوفو حبايبي هذه الساعه موجود في أرجاء الحرم...وفيها ينعرض موعد الأذان لكل الصلوات بالعربي و بالإنجليزي
وهذا هو الطابق السفلي في الحرم للنساء..أحياناً كني نجي متأخر فكانوا يحولونا على هذا المكان..الصراحه المكان جديد و حلو أيضاً ..يعني تاخذين راحتج بعيد عن الزحمه و صياح الأطفال.
تقرباً يلسنا أربعة أيام في مكة و ثلاثة أيام في المدينة, بس للأسف ما صورت أي شي في المدينة عشان التصوير ممنوع في المسجد النبوي وبالتحديد في قسم النساء, بس إذا شافو كاميرا أو موبايل لازم أروح أوديهم الفندق و أرجع...فالسموحه ماصورت مع أن المكان كان رووووووعه و سبحان الله ..بس لو تشوفون المظلات إلي في الخارج...والله رووووعه..غير عن التصميم من الداخل...بس ساعات كان واايد زحمة و مثلاً إذا شريت لعبه شي حق ولدي ممنوع أدخله..فكنت أصلي برع..وحبيت الصلاة في الهواء الطلق و السمى من فوقي...وللعلم ترى أسواق المدينة وااايد حلوه..أحلى من مكه من وجهة نظري و كانت ممتدة على طول الحرم...
في النهايه أسأل الله أن لا يحرمكم رؤية هذه البقعة الطاهره...الصراحه الإنسان يحتاج دااائماً لتجديد إيمانه و التقرب من الله من خلال هذه المناسك ...وعلى فكره يا بنات....والله تراني مانسيتكم من الدعاء...إختصيت بالدعاء لجميع بنات عروس وسألت الله إن يعطيكم كلن بإلي في قلبه...إلي كانت تبا تحمل دعيت لها بالذريه الصالحه..وإلي كانت عندها مشاكل عسى الله يفرج عنها و دعيت بالسعاده للجميع...فإلي رايح لبيت الله لا تنسوني من دعاويكم الحلوه:072: