ياأهل الذوق ساعدوا عروسة في غمرتها ..

كيفكم ياحلوات ..

حبيباتي أنا عروس وحابة أعمل ليلة حنا حتكون بعد خمس شهور بإذن الله بس حابة اجهز لها من دحين لأني تخرج ومرة مضغوطة وماعندي وقت ..

شوفوا ياعزيزاتي هي حتكون في قاعة ومن ضمن الخدمات اللي تقدمها القاعة ديجي مرة حلو وواضح بس أنا نفسي في دقاقة دفوف بس لأني احس لمن تكون دقاقة يتحمسوا الحريم للرقص وكمان ماابغى انزف على شريط ابغى الدقاقة هي تزفني مادري اش رايكم لأني محتارة أحيان اقول ال3000الاف احطها في شي ثاني ينفعني واحيان اقول ماتحلو الغمرة من دون دقاقة ..

الشي الثاني محتارة في اللبس لاتقولوا هندي لاني مااحبه واحسه مكرر ولا بدوي لأني اول شي حلبس لبسنا الثوب البدوي لكن فستان الغمرة محتارة فيه وفي اللون ماابغى احمر وازرق وعودي وذي الألوان لأنها مكررة نفسي في لون غريب وحلو اش رايكم او تعرفوا وحدة تأجر غمرة حلوه بجدة ..

الشي الثالث بويات القاعة لونها موف يعني لو ابغى اغير مفارش الطاولات احط المفارش على لون ثوب الغمرة حتى لو كان بعيد عن اللون الموف ولا احط مفارش لون ابيض او سكري او ذهبي لأنها تجي على كل الالوان ..

والتوزيعات والمدخل ابغى افكار شعبية اش رايكم يابنات ..

ادري كلامي كثيييييييير مررررة بس والله محتارة يابنات ومحتاجة اذواقكم وارئكم تكفون ساعدوني ويمكن يستفيدوا العرايس الباقين يلا ياحلوين في انتظاركم ..