قبل لا تدخلين موضوع اي عضوه لو سمحتي ......تعالي هنا

السلام عليكم ورحمة الله


بنات انا وايد الاحظ ان من تدخل وحده من الخوات وعندها مشكله مع زوجها نسبة كبيره تشجعها على عصيان الزوج ولا اطلبي الطلاق ولا روحي بيت اهلج او خلي اهلج يتفاهمون معاه او من هالردود

والي تقول هذا حقير هذا خايس خليج منه وما ادري شوو

حتى لو كان حقير ما ارضى ان اي وحده فهالدنيا لو كانت امي تقول عن ابو عيالي حقير حتى لو انفصلت عنه وما عدت على اسمه

هانت العشره كلها خلاص

يعني بعمرج كله معاه ما شفتي ولا يوم حلوو


يا خوات الي عندها كلمه زينه تقولها و الي ما عندها تدعليلها او تسكت احسن

اما غير كذا لو سمحتوا لا تشيشون احد ضد اي احد

ترا كله ولا خربان بيوت الناس لان في بنات الله يهديهم يسمعون من الناس ويتاثرون يعني مالهم راي او موقف محدد في حياتهم ولما اتجين انتي تنصحينها بخراب البيوت تصدق وتهدم بيتها

وترا عقب ذنبها في رقبتج

وايد ازواج خانوا بس تابوا توبه نصوحه وهم فالاخير بشر

لازم نعطي فرصه للزوج وللصديقه وللاهل ولكل الي حولنا

ولا ليش الله عطانا عقل نقدر نحل به اي معضله

وترا هي لما تحكي مشكلتها تراها من طرف واحد يعني ما سمعنا الطرف الثاني الي اكيد له اسبابه ودوافعه او حتى منظور مختلف للقصه


زبدة كلامي
انصحوها وارشدوها لاساليب تعدل فيها من حياتها واسلوبها فالتعامل او علاقتها بزوجها او صاب الخلاف مش نعطيعا طريقه للخلاص من الشخص


سامحوني اذا كلامي ما عجب اي احد بس كلمة في خاطري وحبيت اقولها