دجاج بالبرتقال (( ابتكار من مطبخي ))

السلام عليكم ورحمة الله وبركاته



ازيكوا يا احلي بنات :032: النهاردة عملت اوراك فراخ

مخلية بالبرتقال وطلعت وهممممممممية فظيعة

بجد وسهلة اوي وجيت علشان اقوللكوا الطريقة

علي طول وبالصور طبعا ياريت تجربوها وتقولولي رأيكوا ايه

الطريقة :f::f:

طبعا كالعادة بحب اتبل الحاجة من بالليل قبلها بيوم

علشان يبقي الطعم قوي في الاكل وعلشان كمان

اسهل بالنسبالي

طبعا اول حاجة كنت محضرة اوراك دجاج مخلية تماما






واستخدمت في التتبيلة الاتي :





(( ملح وفلفل وجنزبيل باودر وفلفل اسود حصي وسماق ))


ومعاهم :






عصير 2 حبة برتقال بلدي + قشر برتقال مبشور

حوالي معلقتين تلاتة كبار + جنزبيل فريش مقطع شرائح رفيعة

ملحوظة :ok::ok:الوصفة دي افضل نتيجة ليها بالبرتقال البلدي علشان تبقي فيها مزازة ومش مسكرة اوي

المهم بقي خلطت كل المكونات اللي فاتت مع بعضها وبعدين تبلت الفراخ بيها لتاني يوم






الصبح بقي يادوب اخدت الفراخ من التتبيلة بعد ماشلت شوية من قشر البرتقال او شرائح الجنزبيل اللي عليها وحمرتها في السمنة





تحمير بسيط اوي علي الوشين مجرد اخدت لون
مش اكتر لكن ماتستويش وبعدين شلتها من
السمنة ورصيتها في صينية





وفي الوقت دة كنت محضرة بصلة مقطعة جوانح






حطيتها علي الفراخ في الصينية هي والتتبيلة اللي كانت فيها الفراخ تاني








ودخلتها الفرن عشر دقائق تقريبا وبعدين فتحت الشواية عليها دقيقتين لغاية ما الصوص اللي تحت نشف تقريبا وطلعتها



ودة الشكل النهائي






بجد مش عارفة اوصفلكوا كانت حلوة ازاي حتي قشر البرتقال اللي عليها والصوص البسيط اللي تحتها كان طعمه زي الكراميل

اتمني انكوا تجربوها وفي انتظار آرائكم وردودكم الجميلة وتقييماتكم :08: كمان يا قمرات :014::014:









تسعدني زيارتكم لمواضيعي دائما :032::032:

النجرسكو من ايدي بالصور
http://forums.3roos.com/showthread.php?t=514250



دجاج محشي بالكاري من مطبخي


http://forums.3roos.com/showthread.php?t=506332&highlight=%CF%CC%C7%CC+%E3%CD%D4%ED+%C8%C7%E1%DF%C7%D1%ED+%E3%D8%C8%CE%ED



اكلة صيني لذييييييييييذة وخفيفة
http://forums.3roos.com/showthread.php?t=504680