الختان

بصراحة انتي غلطانه تخليه لهالعمر

انا ولدي شهر ونص وان شاء الله بكرة راح اوديه اطهره

وكان ودي اخليه من اول اسبوع بس لان وزنه قليل

حبيبتي الطفل الصغير ينام اكثر وحركته اقل .. عشان كذا الناس تفضل اول اسبوعين

اما 9 شهور بصراحة كبير وحركي اكثر وراح يتعبج شوي

توكلي على الله ووديه في اقرب فرصة

لان كلما كبر ما راح يستفيد غير يتعور اكثر

وبصراحة الحين وايد ناس اذا تعدى الياهل سنتين يسوون له بنج كامل

فانتي توكلي على الله

وهذا شرع الله ومحد يعرف السر

وطبعا اذا تحاتين صياح اهو راح يصيح عاجلا ام اجلا

يا سلام عليكي يا قمر معقوله
كلنا بنموت في اولادنا
هي حاجه بسيطه جدا كلنا خفنا بس في الاخر طهرناهم
ما تخافي وقوي قلبك وتوكلي على الله والجو توه احسن جو للطهور لابرد ولا حر

الله يهديك انا اولادي اطهرهم الاسبوع الاول والله ماحسو بشي بس ابني الثالث طهرته وعمره شهرين والله تبهذلت بس وديته مشتشفي خاص واعطوني تحاميل ونقط من يحطون التحاميل والنقط ينام والايحس بشي كل ماشفته يصيح حطيت ويسكت بس يومين ثلاثه وخلاص الله يسلمه لك والاتشوفين فيه شر وطهرينه علي خير وسلامه

توكلي على الله

ولا تخافين

اختي لو ختنتيه قبل ارتاح اما الحين كبر ومافي مجال للتأخير
كلنا امهات و مانتحمل نشوف اولادنا يبكون لكن هذا لصالحهم
اتمنى تتوكلي على الله وتطهريه بيصيح يوم يومين وبيرتاح لان كل ماكبر تتجمع له الاوساخ
والطهارة تمنع الامراض الخبيثة لهذي المنطقة

أختي نصيحه طهريه قبل لا يكبر اكثر من جذي

لانه مو من صالحج ولا من صالحه لانه كل ماكبر راح يتأذى ويتعذب اكثر انتي غلطانه لو انج مطهرته واهو عمره شهر او اقل لان بتكون حركته قليله وبيشفى على طول بس الحين لا تخلينه نصيحه ومهما كان عاجلآ او اجلآ راح يتطهر

وان شاء الله تطهرينه ومايعذبج ولا يتعذب ويقوم بالسلامه ...

انتي جذي صعبتينها على الولد

اولادي من اول اسبوع ولادة، لأنه اسهل لهم ..


احجزي له موعد بأقرب وقت و خلاص طهروه .

مسامحه اختي .. بس انتي غلطانه
لان الطفل كل ما يكبر يزيد عنده الاحساس بالالم
يعني كل ماكان صغير .. مايحس بالالام كثر ما وهو كبير

بس بسرعه وديه يطهروونه
لاصج تعذبينه

الله يهديك بس !!!!

تدرين ان كل ماكبر الطفل بيحس اكثر !! انا ولدي طهرته وهو عمره يومين بس !!!!!!

وكل مابكرتي بالطهور كان احسن لك وللولد وللجرح ، لا تتأخرين كثير والله بتندمين مع كل تأخير

باااااااااااااااال واجد طولتي عليه المفروض اصغر عشان الجرح اسرع يبرى والالم اخف عليه

اني بعد ام بكريه طهرت علوي وعمره 14 يوم كنا ناوين يوم 8 من ولادته بس الدكتور ما رضى بسبب ابو صفار
كل ما يصيح اصيح وياه مع اني بعدي كنت عند امي طول الليل ما نمنه كل ما يصيح اصيح وياه عور قلبي

واااااااااااااااااااااااايد طولتي علية ... انا ثلاثة اسابيع نطرت وقلت يمكن كبير لانة كان ناقص وفي الشيشة .. وللحين الحلقة ما طاحات اليوم 12 وللحين على الحافة وان شاء اليوم تطيح يارب ..

يالله عليش جذي صعبتيها عليش عليه

ولدي طهرته 20 يوم عمره كان

توكلي علي الله واحجزي اقرب موعد وطهريه

أنا بعد ام بكرية بس ما طولت على ولدي انتظرت يوم صار عمره عشرين يوم..كان ودي قبل بعد بس لأنه وزنه قليل وكان فيه ابوصفار وطول وياه
اول وثاني يوم كانو متعبين بس بعدين عادي ..انتي انتظرتي عليه واايد اشلون سكت ابوه واهلج عليج كل ما كان صغير كان افضل لانه حركته قليلة ...الله يهديج بس والله يسهل عليه....

الماسه ظفار;11522050:

حبيبتي شهرزاد توكلي على الله وختنيه اي وقت تحبي ويطمن قلبك وتحسي بامان وترتاحي نفسيا بس مو لمى يوصل لعمر السنتين فما فوق نحن عندنا الحين بس صاروا يختنوا الاولاد في سن الاسابيع الاوالى اول كنا نختن الاولاد يوم يوصل سنه واربع سنوات والحمدلله بصحه وعافيه وكاهم رجال ماشاء الله عليهم و اعرف ناس ختنوا اولادهم الي عمره سنه والي سنتين والي3 بس كل ما كان الولد اصغر كل ما التام الجرح اسرع توكلي على الله وريحي قلبك كلها لا عضه صغير وتزول بعد اسبوع وربي يحميه من كل شر

تسلمين اختي طمنتيني الله يبارك فيكي يا رب

غريبة والله للحين ماطهرتوه ..

اعلمي ان كل ماكبر الطفل راح يكبر الجزء الي بيشيلوه

يعني لالم بيصير اكثر

المشكلة يا اخواتي انة جالة ابو صفار من كان بعدة اول اسبوع و دخل مستشفى و انا صحتي كانت كثير تعبانة يعني صار عندي كثير مشاكل في جرح الولادة و غيرها و انا بعد بعيدة عن اهلي وحدي و زوجي دايما عندة دوام و هو طبيب و عندة خفارات مو فاضي لي و ما اعرف ايش اسوي ردت اطهرة عند اهلي و رفضو لانة كم يوم و ارجع و احتمال يتاذى بالسفر و انا عن جد حايرة و ما اعرف ايش اسوي و لا حتى كيف اعتني بية وحدي؟؟

[SIZE="5"]ت[وكلي على الله وطهريه ومايشوف شر

احنا هنا بالمستشفى اذا كتب الدكتور للام خروج طهروه وططلع مع امه/SIZE]