نصايح قبل استخدام اي خلطه .. لنتائج افضل

[.. السلام عليكم .. حبايب قلبي ..

اليوم بقولكم نصايح من تجربتي ومن اختي وبنات خلاتي وبنات عمي<< من الي شافته عيني بختصار واااايد مفيده

اولا : نوعية الشامبو ..

لازم تستخدمين الشامبو المرطب والخفيف على فروه الرأس والشعر ولاتكثر من الشامبو الا وقت الحاجه ..
ومن تجربتي افضل شامبو جونسون الايطالي او دوف + عسل..

وهذا موضوعي وتجربتي مع الشامبو بلعسل
[.. الي تبي شعرها ما يتساقط&#9643;&#9642;&#8362;&#9642;&#9643; تتفضل&#9643;&#9642;
http://forums.3roos.com/showthread.php?t=515733


ثانيا : الخلطات الجاهزه الي من عند العطار ..
انا لا انصح بزيوت الجاهزه الي غير من صنع يدج لان ما تعرفين شنو مكوناتها شنو مهببين فيه بذات الي عند العطار لان اكثرهم مغشوشين واغلبهم فيهم مواد كيميائيه ممكن تكون نتايجها حلوه وسريعه لكن تضر في المستقبل وتكون نتايجها عكسيه .. فبتعدي عنها بيكون احسن ..


ثالثا : الخلطه..
الخلطه لزم تكون مجموعة زيوت + سدر او نبات الاس او محلب او حلبه .....ألخ
وهذي نوعيه من الخلطه تنحط بشعر لاتقل من 4ساعات الى 6 ساعات ولا تزيد من 8 ساعات
لان كل شي يزيد عن حده ينقلب ضده ..


رابعا : المنقوع ..
المنقووع وااايد مفيد لشعر .. اذا مافي مواضيع عن المنقوع في ذي المنتدى خبروني وبزله لكم


خامسا : الحمام زيت .. او الماسك
معروووف بأنه مغذي للشعر ..ينصح به وبقوه .. سواء كان حمام زيت جاهز مثل فاشكول او انتي تسوينه في البيت
وكل واحد له حريه الاختيار .. ويفضل استخدام فوطه مبلله بماء ساخن ويوضع على الشعر لنتائج افضل واسرع ..

وتوضع على الشعر من 15 دقيقه الى نص ساعه [ للحمام الزيت القوي ] وبعضها تنحط على الرأس من نص ساعه الى ساعتين .. ولا تطولين اكثر من جي



سادسا : الاصرار والعزيمه .. والصبر ..
لازم تحطين لج هدف ولاتخلين الكسل يتغلب عليج .. والصبر مفتاح الفرج ..ولا تخلين المتطفلين او الي شغلتهم التحطيم وما يبون يشوفون حد احسن منهم يخربون عليج البرنام الي بديتي فيه شيليم من قاموسج ومب كل الناس سوى في شعورهم .. لان بعضهم الله لا يبلينا صابتهم عين او صلع وراثي .. الله يبعد عنا ويكافينا شره ..


سابعا : اهم شي ولازم تبدين فيه برنامجج..
مفييد واااايد ونتايجه رووووعه شنو روعه الا اكثر من روعه :03:
الاستغفار وا ادراك ما الاستغفار ..
وكثر من الدعاء ..



ملحوضه :- لا تنامين بأي خلطه لانها تسكر مسامات الرأس بذات ليلا لان ننام لفتره طويله بعد .. اما المنقوع حسب علمي عادي لانه يكون مااي (ماء) وينشف ولا يترك طبقه على الشعر


الموضوع مب منقول من مجهودي الشخصي ولو حبيتي تنقلينه ياليت تذكرين المصدر
لاني لا احل نقله الا بذكر نكي :ولهانه عليك .. واسم المنتدى : منتدى عروس :087:

واذا عجبكم الموضوع قيموني .. واذا شفت ردود حلوه تفتح النفس بخبركم على خلطات من تجربتي ومن مصادر موثوقه .. والله عصرت مخي وطلع المعلومات الي عندي واحاول اتذكر اي شي يفيدكم لان بصراحه فادتني وايد ..