شخباركم عروساااااات :025:
اممممم بدون مقدمات هذه قصة ولادتي :037:
آخر دورة كانت في
20 \ 5 \ 2009
موعد الولادة الاصلي كان في
24 \ 2 \ 2010
موعد الولادة حسب الالتراساوند كان في
21 \ 2 \ 2010
انا تعودت من خلال تجاربي السابقة مع الحمل الولادة اني ما اوصل لموعد الولادة الاصلي ابدااا فحطيت في بالي اني هالمرة مستحيل بعد اوصل لموعدي واني اكيد بولد قبل ..
وصلنا لتاريخ 21 \ 2 اللي هو موعد الولادة حسب الالتراساوند ولا في شي وكان يومها عندي موعد عند الدكتورة وقالت لي خلاص الجنين نزل في الحوض وترقبي الولادة ..
وعدى اليوم ولا في شي واليوم اللي وراه واللي وراه بدون بوادر ولادة بس التعب والثقل زايدين ..
نسيت اقول ان انا لما دخلت الشهر التاسع ابتديت احس بالطلق الكاذب بس الامور الثانية كانت كلها طبيعية ..
اييي نسيت بعد
في تاريخ 20 \ 2 لاحظت ان ما في حركة للجنين او يا دوب حركة بسيطة ولما رحت يوم ثاني موعدي خبرت الدكتورة وجيكت نبضات قلبه طلعت طبيعية وقالت لي اروح اسوي تخطيط واذا طلع طبيعي اصبر الى تاريخ 24 \ 2 اللي هو موعد الولادة الاصلي وابتدي اروح اسوي تخطيط بشكل يومي لكني يوم خبرت الاهل كلهم قالوا لي اطنش هههههههههه وقالوا يوم ما يجي الطلق وبتولدين روحي لهم ..
وصلنا لتاريخ 24 \ 2 وكل شي اوكى اول ما قعدت من النوم كنت طبيعية ولا عندي اي بوادر ولادة وجاني احساس ان بطوف موعدي خلاااااااااص
الظهر قلت بسوي كم شغلة في الشقة وقعدت انظف وبعدين غديت عيالي وع الساعه 4 وشوي دخلتهم الحمام وسبحتهم وطبعا تعبت وااااااايد من الشغل ولما خلصنا من الحمام وطلعت البسهم ابتديت أحس بشوية آلام خفيفة لكني قلت هذا من التعب ..
بس هالآلام عقب شوي ما شفتها الا تتكرر وكانت خفيفة وابتديت اشك انها ممكن تكون طلق لكني ما ركزت ع الموضوع وايد ..
بعدين اتصل زوجي من الدوام وسألنا اذا حابين نطلع في الليل فقلت له اييي بنطلع بدون ما اخبره اني احس بشوية طلق خخخخخخخخ
وطلعنا ع الساعه 6 ونص بعد ما بخرت الشقة وجهزت العيال وتجهزت وكشخت :094:<< كل هذا والألم يروح ويجي هههههههههههههه
عاد زوجي كان عنده شغلة في البنك قبل وكنا بنطلع عقب ما يكمل شغلته ،، ووصلنا البنك والعيال ناموا في السيارة ونزل زوجي يقضى شغلته وتميت بروحي في السيارة والالم ابتدى يزيد في حدته ويتقارب في وقته وفي هالوقت قلت خلاااااص هذا اكييييد طلق ولادة وشكلي ما بيصير الصبح الا أنا والدة ..
وتأخر زوجي وايد على ما طلع وفي هالاثناء انا كنت تعبانه وايد بس صابرة وساكته ولما رجع زوجي خبرته وخاف مسكين قالي بتروحين المستشفى لكني قلتله ما بروح من الحين بنتظر الين يحمى الطلق اكثر فقال خل نروح البيت وما رضيت بعد قلتله العيال مساكين مستانسين ان بنطلع ومتجهزين خل نطلعهم مكان يستانسون هههههههههههههههه ادري بتقولون مجنونة فيها الطلق ولها نفس تطلع بعد ! :037:
قمنا رحنا اقرب مجمع لنا على اساس بس بنتعشى وبنمشي ونزلنا وانا تعبااااانه ولما وصلنا قلت لزوجي بروح الحمام بشوف يمكن نزل شي لكني لما جيكت كان ما في شي وبعدين طلعت وطلبنا عشا والالم متواصل وجهز العشا وقعدنا بنتعشى لكني ما قدرت اكل شي وعيالي قاعدين يحوسون وانا اقول لهم بسرعة تعشوا بنرجع البيت لاني حسيت روحي مو قادرة اقعد من الالم ..
وكملنا ومشينا ورجعتنا البيت قعدت احس الوقت بين الطلقة والثانية في السيارة وكان الالم يروح ويرد كل 5 دقايق ..
وصلنا البيت وحطيت كل النتاتيش في شنطة المستشفى ووصيت زوجي بكل شي احتاجه لين ولدت وجهزت اغراض لعيالي وبعدين انبطحت شوي علشان اريح لكني ما قدرت اتحمل وعقب نص ساعه قررت ان اقوم اودي عيالي عند اهلي لان شقتي بعييييدة عن بيت اهلي وبيت اهلي بعيييد وااااايد عن المستشفى ويبي لنا فترة علشان نودي اليهال ونرد نروح المستشفى ..
طلعنا من البيت ع ال10 الا ربع تقريبا واتصلت للبيت قلتلهم عندي طلق وبجيب العيال وبروح المستشفى ورحنا وصلناهم وانطلقنا عقب للمستشفى ولما قربنا هناك كنت خلاص فقدت السيطرة على روحي من قوة الالم وقمت اتألم بقوة وحاولت اكتم صراخي علشان ما يرتبك زوجي مسكين هههههههههههههه <<< الالم وقتها صار يجي كل 3 دقايق ..
وصلنا المستشفى وراح زوجي بسرعة جاب ويل جير ونزلني ودخلني ودايركت ودوني داخل وجيكوني طلعت بس مفتوحة 2 سم :091: << صادني احباط قوي وقتها ..
لكن طلعت لي مشاكل وقتها وهو ان حرارتي كانت مرتفعة شوي ( 37.8)
وضغطي بعد مرتفع مادري ليش !!
سووا لي تخطيط وكل شي وانا بموت من الالم وما شاء الله لاحظت اني هالمرة بسرعه قام يتوسع عنق الرحم غير عن المرتين اللي طافوا بعيالي كنت اتأخر شوي ..
بعدين ودوني لغرفة الولادة ولما فحصتني الدكتورة طلعت مفتوحة 5 سم وكانت الساعه 11 ونص تقريبا ..
بعدين الدكتورة قررت لي ابرة تخفف الالم بس بدون فايدة ما حسيت لها مفعول ووقتها كانوا مربطيني بأحزمة التخطيط والاوكسجين والضغط والمصل المغذي وكنت احس كل شوي اني محتاجة الحمام بس ما رضوا ان اروح :040:
المهم
كانت الامور كلها طبيعية الى ان مرة وحدة ما شفتهم الا يقولون ان نبض البيبي تعبان لانه نزل وايد تحت وانا مفتوحة بس 6 سم وضغطي مرتفع وقالت الدكتورة احتمال نلجأ للعملية وانا من كثر الالم والتعب قلتلهم اوكى سووا العملية وفكووووني من هالالم :091:
بس النبض ظل ضعيف والدكتورة قالت خلااااااص ضروري العملية ما نقدر نصبر اكثر لان في خطر عليكم وابتدوا يجهزوني خلااص للعملية وراحوا ينادون زوجي وجابوا لي اوراق اوقع علشان العملية وسلمت امري لله ..
لكن الله سخر لي دكتورة هندية الحمدلله رب العالمين
وقت ما كانوا يجهزوني للعملية دخلت وخبروها عني وقامت وفحصتني من تحت الا تقول 7 -8 سم يالله سوي بوش وانا وقتها كنت بمووووت من الطلق وما عندي طاقة ومستسلمة للعملية قلت ما في فايدة ما بولد طبيعي لكنها اصرت يالله سوي بووووش وحاولت بيأس ان اسوي بوش والحمدلله رب العالمين قدرت اولد بطلعة الروووووح وحسيت بالامل والالم وقت ما حسيته قاعد ينزلق مني ويطلع وبعدين سمعت احلى صرخة في العمر صوت ولدي حبيب قلبي:072:بعدين قعدت اطالعه وانا عيوني بتدمع عاد هم كانوا خايفين عليه ومباشرة قعدوا ينظفونه ويفحصونه حتى ما خبروني شنو هو ولد او بنت خخخخخ وانا عقب سألتهم شلون البيبي قالوا الحمدلله كل شي تمام بعدين سألتهم ولد ولا بنت فقالوا ولد قلت الحمدلله على كل حال ..
بعدين خلصوا من المشيمة الا يقولون بيسوون خياطة لان البيبي سوا لي شق وهو طالع وما بغيت يكملون وافتك ..
اما زوجي مسكين فنادوا عليه ولا خبروه شسالفة ووصل لغرفة الولادة وسمع صراخي وقال بيدخل بس ما خلوه خخخخ وظل واقف يحاتي من غير ما يخبرونه اي شي وطلعت روحه من المحاتاة مسكين وبعدين يقول ما شاف الا 3 دكاترة رجال جايين بسرعة لغرفتي ويخاف اكثر قال اكيد في شي لكن اول ما وصلوا عند باب غرفتي سمعوا صوت البيبي يصرخ ووقفوا عند الباب وبعدين طلعت الدكتورة الا هي تقول طللللع روحنا حسبي الله على بليسه هههههههههههههه <<< تقصد البيبي هههههههههههه
وبعدين خبروا زوجي بالسالفة والتعاقيد اللي صارت وحمد ربه على قومتنا بالسلامة ..
اييي صح
ولدت الساعه 12 و29 دقيقة صباحا بتاريخ 25 \ 2 \ 2010
وخلوني بعدين في غرفة الملاحظة علشان يتطمنون على ضغطي والحمدلله شافوه نزل وصار اوكى والعصر ودوني لغرفتي :02:
وزن البيبي حين الولادة كان 3.320 كجم وهو اقل من اخوانه بشووووي ..
وهذي صورة لاحلى علاوي اول ما ولدته وطلعوه لابوه
<<< بس هو الحين غير عن هالصورة :041: