توافه الامور اللي ممكن تطلعني من الجو اللي انا فيه يبغون يحرموني منه !! تصدقون هالشي؟

السلام عليكم


اخواتي انتو خير من يسمعني دائما والدليل على هذا وقوفكم معي بكل مواضيعي والله الشاهد من بعد الحافز اللي عطيتوه لي من تشجيعكم ونصائحكم الله يجزاكم خير قررت اني اتخذ خطوات اجابيه بحياتي واني اغير من وضعي بنفسي وان شاء الله .. الله يساعدني ويسهلي الامور يارب ..



ولكن تخيلو مع اصراري على التغير دائما تجي مواقف تحطمني حتى لو هي صغيره ولكنها تأثر على نفسيتي واحس أني مو عايشه مع ناس فاهمه او ناس تحبني .. كثير احس انهم يكرهوني بتصرفاتهم السلبيه معاي مدري ليه ؟؟


المهم انا بقول الموقف اللي صار معي أمس بس عشان اطلع اللي بخاطري وارتاح وانتو احكمو بعدين هل انا الغلطانه ولا هم ؟؟



الموقف هو ان واحد من العيله بيتزوج الاسبوع هذا المهم انهم ارسلو لنا بطاقات دعوه شخصيه وبحكم انهم عارفين ان امي ماتروح فماجابو لها دعوه ولكنهم جابولي انا وبطاقات الدعوه يكون الاسم مكتوب من أصل البطاقه مع الطباعه نفسها يعني مو باليد يعني اسمي مكتوب على البطاقه ومكتوب دعوه شخصيه وطبعا هم ماجابو دعوه الا لي ولزوجة اخوي ..


المهم جا امس ولد اخوي وجلس يقلي ان امه عندها عرس او بتروح للفندق الفلاني فيسألني يقولي عمتي انتي بتروحين انا استغربت امه اولا ماقالت لي اذا هي بتروح وفوق هذا كيف اروح من غير دعوه لان البطاقه حقتي اصلا كانت عندهم ومابعد يجيبونها لي وهو ماقالي ان فيه بطاقة دعوه لي فجلس يسألني بشكل عام وطبيعي اني جاوبته وقلتله لا ماراح اروح وش اسوي اروح انا .. وجوابي هذا كان لاني انا مستحيل اروح زواج ناس حتى لو من اهلي وهم ماعزموني اصلا هذا علاوةً على اني نادر جداً لو اروح زواجات ولازم لو بروح اما مع وحده من زوجات اخواني ولا مع امي وهذا ان راحت بعد المهم اتاري الولد وش قصده من سؤالي بهالأسلوب قصده يستدرجني عشان اقوله لا وليه لأن أخته انقهرت لما جابو لأمها ولي وهي ماجابو لها فقالت انا باخذ بطاقة عمتي لاني واثقه انها مش رايحه طبعا هو ماجا قالي ان اختي تقول تبي بطاقتك لا جا وسألني بشكل عام ان امه بتروح زواج وهل انتي بتروحين معاها عشان اذا قلتله لا يروح يقول لأبوه ان عمتي قالت لا مش رايحه عشان بعدين ياخذون البطاقه لبنتهم .. وتصير مشكله لو انا قلت لخوي بروح لانه بظن اني لما عرفت ان بنته بتروح غيرت رأي وقلت بروح عناد .. هذا طبعا من زود تربية اهلهم لهم والمثاليه اللي امهم عايشتها في تربيتهم ...


المهم فجاني ولد اخوي الثاني وقالي ان ولد اخوي هذا قاله ان عمتي تقول مو رايحه الزواج واني وريتها البطاقه وقالت انها مو رايحه ونا طبعا ماكنت ادري ان فيه بطاقه ولازواج ولاوراني حاجه .. المهم الان هو قال لأبوه ان البطاقه عمتي ماتبيها والبنت خلاص حطت امل انها بتروح ببطاقتي اللي ماوصلتني الا بآخر الليل وشفتها عند اخوي مع العلم انا ابي اروح للزواج لان مافيه مانع يمنعني من الروحه المهم ان يوم بعدين اتصلت على زوجة اخوي وقلت لها جابولي بطاقه للزواج بتروحين طبعا هي اساسا قايله بتروح لعيالها وهم اللي قالولي فأنا قلت لها اذا انتي بتروحين اجل بروح معاك فقامت وش قالت .. قالت لا اصلا انا بروح مع خواتي وهي اساسا ماراح تروح مع خواتها بس ماتبيني اروح عشان تاخذ البطاقه لبنتها فقلت لها انا خلاص اجل اذا انتي بتروحين بيت اهلك وبعدين بتروحين مع خواتك اجل مقدر اروح انا فقالت لي اصلا السياره ماراح تكفي قلت لها اجل خلاص ماراح اروح قالت اجل جيبي البطاقه عشان تروح فيها بنتي .. شفتو كيف مرخصين علي حتى اتفه الامور اللي ممكن تخليني انبسط .. مع العلم هي وبنتها على كل وقت يطلعون وتوديها معاها افراح وبكل مكان بعكسي انا اللي اغلب وقتي بالبيت ..


عاد ياليتها رايحه عشان واجب رايحه بس عشان تبي تشوف الفندق لانه من الفنادق الكبيره والفخمه ولسى جديد وهذا اول زواج من العيله بكون فيه إضافةً لهذا والله اقول فشيله عليها تودي بنتها ببطاقه مطبوعه بأسمي ياليتها بعد بخط يد كان محو اسمي وكتبو اسمها فوق هذا هم يعرفون بالضبط من دعو يعني فشيله تودي بنتها ببطاقتي ونا واثقه والف بلألف انها بتقولهم عمتها ماقدرت تجي فقالت خلي بنتك تروح بدلاً عني لاني أعرفها واعرف اسلوبها زين ..


وبس هذا اللي كنت بقوله واسفه على الاطاله وعارفه ان الموضوع يمكن مو مهم بالنسبه لكم بس ارتحت لما كتبته وطلعت اللي بخاطري كله ... وسامحوني لو كنت غثيتكم بمواضيعي اللي يمكن ماتشكل اهميه بالنسبه لكم ... ولكنها مهمه بالنسبه لي لاني أعيش ألمها بشكل يومي .. وشكراً لكم واعذروني ..