وجبات طفلي بالصور حياكم

ربيعيه;11508683:
ولدي عمره 6 اشهر وابتديت معاه في الاكل وكل يوم احتار شو اطبخ له وحابه يكون طعامه منوع ومفيد في نفس الوقت علشان تقوى مناعته


وقلت اكيد كل الامهات مثلي فحبيت نفتح موضوع والكل يستفيد وكل وحده تصور اطباق طفلها



وتسدحهم بالموضوع كده بيكون الموضوع مفيد للجميع :083:



اول طبق الفواكه







نقطعه الى قطع صغيره ونطبخه على البخار






وبعد مايبرد اشوي نخلطه بالخلاط مع عصير البرتقال









وهني بعد ماخلطناه وخلصنا طعمه لذيذ

ربيعيه;11511113:
مشكورات اخواتي على المشاركه والردود المشجعه على التواصل



والحين نجي الى الخضار



شوربه خضار



خضار مقطعه جزر وبطاطا وكوسا حسب الرغبه خخخخخخ



اقصد للصغار هاااااااااه نخليه بالمشخاله علشان ينضج بالبخار علشان القيمه الغدائيه ماتقل





اما في القدر نخلي ماء وشوفان قليل








وبيكون شكله في القدر كده







وبعد مايبرد اشوي نضربه في الخلاط هيييييييييييك






وهاي شكله النهائي

ربيعيه;11513451:
بنت الاصايل وصفاتك رائعه وننتظر المزيد


الحين نجي الى الرز


مقدار ملعقتين رز وبطاطا صغيرونه وقليل يقطين حنا نسميه قرع


نطبخهم مع بعض وبعد السلق







نضربهم في الخلاط مع المويه المتبقيه في السلق وهذا الشكل النهائي واذا صار غليظ ممكن اضافة الماء للتخفيف

ربيعيه;11516005:
مشكورات اخواتي


مغربيه اصيله كلامك صحيح واول ابتديت مع ولدي الخضار وكل صنف على حده وبعدين خلطتهم


ام سمسومه وصفتك شكلها شهي يعطيك العافيه




ابتديت اول بالخضار وبعدين فواكه وبعدهم الرز والشوفان



الحين جا دور الكورن فلكس مفيد جدا والطبيبه نصحتني فيه الى طفلي طريقته سهله لكن مايمنع نضيف صور كورن فلكس مع حليب الطفل مع ماي مغلي حار


وبعد مايدوب اذا كان الطفل يبلع بسهوله ياكله افضل اما اذا اكل السائل اسهل

اضربيه بالخلاط

أحلى شوق;11520525:
تسلمين ربيعية وعليه بالعافية ولدج ويعطيج الف عافية

انا ولدي الحين كبر وياكل ويانا بس ما يضر اني بعض المرات اسوي له غدا والا عشا خاص اذا ماكان يناسبه أكلنا

هذي الصور يمكن تذكرونهم لطبق شاركت فيه بمسابقة طفلي صحتك في غذائك وفزت فيه وقتها :)

حبيت انزل الصور والطريقة عشان تستفيد منها الأمهات ولو كان مر عليها وقت

الطبق عبارة عن رز بالخضار ويصلح من عمر 8 شهور وفوق

المقادير:

ملعقة زبدة

نصف جزرة مبشورة

عودين بصل أخضر

بقدونس مفروم

ملعقتين أكل من حبات الذرة

بيضة مقلية

رز مطبوخ مسبقاً








الطريقة:

بعد تسخين الزبدة يضاف البصل ويحرك قليلا حتى يذبل




نضيف الجزر على البصل ونتركه لبضعة دقائق حتى يبدأ بالذبول



نضيف الذرة على البصل والجزر ونتركه قليلا على نار هادئة



ثم نضيف البقدونس



نغطي القدر أو المقلاة قليلاً وفي هذه الأثناء نقلي البيضة بقليل من الزبدة



وبعد استواء البيض جيدا نضيفه على كل المقادير



وبعدها نضيف الرز ونخلط المقادير جيداً



ويصبح لدينا الطبق بهذه الصورة



وهذه صورة مقربة تبين مقادير الطبق وصورته من قرب



وبعد تجهيزه بهذه الصورة يترك على نار هادئة جداً لمدة ربع ساعة تقريباً ويصبح بهذا الشكل وقدر اكتسب الرز لون وطعم الخضار وبالأخص الجزر




ملاحظة : بالإمكان إضافة القليل من الملح ورشت بهار خفيفة فقط لتحسين الطعم كما ويمكن استبدال الزبدة بزيت الزيتون او اي زيت آخر على حسب رغبة الأم

وألف صحة وعافية:)

ربيعيه;11521065:
كنت مستعجله فسويت له رز ابيض ونخليه يصير ليييييين مره مع روب قليل الدسم








وفي الليل عملت له مهلبيه كاسترد


ملعقه كاسترد





مع حليب الطفل ملعقه






مع كوب كبير ماي وللتحليه بدل السكر اضفت سكر نبات وهاي صورته وطبعا اذا كان طفلك اقل من 8 اشهر الافضل سكر نبات او تحليه بالتمر منزوع النواه لكن اذا قبل جربتي مع ولدك اسكر وما اثر عليه عاذي





وبعدين نخليه على النار ونحركه باستمرار لين يصير ثخين غليظ







وهاي شكله النهائي

أكبر قلب;11554501:
شجعتني ربيعية قمت اخترعت الى بنتي اكلة طبخت اول شي الشوفان واليقطين والبطاطا الحلوة وبعدها خلطتهم في الخلاط مع ملعقة حليب اطفال واضفت لهم قطعة بسكويت فارليز وصارت لذيذة بغيت اكلها عن بنتي وهذا شكلها النهائي..........

ربيعيه;11555687:
مشكوره اختي على المشاركه وننتظر منك المزيد ولك احلى تقيم:083:

نوتيلا *;11573861:
حلو الموضوع ومفيد

ولدي الصغنن الحين كمل السنة وخمس شهور ونص و ما اسوي له وايد أكل خاص

أكثر شي ياكل من أكلنا الا اذا غذانا ربيان أو عشانا من برا اسوي له خضار + رز

بس استغربت من طبخاتكم غريبة علي شوي رز مع جبن مع حليب ! فواكه على البخار !

ما سويت لعيالي هالوصفات

اللي اسويه كوكتيل فواكه مهروسة بلا اضافات ولا ماي

وخضار مع ارز بس ما اضيف حليب ولا جبن

اصلا ما اعطي عيالي الجبن الا اذا كبرو فوق السنتين تقريبا بس يشربون حليب

استغل صغر سنهم واعطيهم خضار وفواكه قد ما أقدر بس يكبرون ما يحبون الخضار وما ياكلون الفواكه وايد

والحليب كفاية ما اعطيهم منتجاته الا الروب بعد السنة ومو كل يوم

بالنسبة لوصفة الخضار والرز :

كل أنواع الخضار : ( جزر + بطاطا + كوسا + قرع + البوبر الا هو اليقطين + طماط + بقدونس + بطاطا حلوة )

وقليل من الرز

الطريقة : اقطع الخضار صغار واضيفه للرز واضيف ماي وايد نسبيا

واخلي على النار لين يغلي وانزل على النار لين ينشف الماي تقريبا

بس الطمام والبقدونس اضيفهم بالاخير واخليه يطبخ معاهم شوي

وفي البداية اذا كان البيبي اقل من السنة ما اضيف لا ملح ولا بهارات للين يكمل السنة اخلي شوية ملح وبهارات

وهذي صورة مصورتها قبل لهالوصفة :




ان شاءالله أكون افتدتكم بالموضوع الروعة

شكرا ربيعية الله يعطيج العافية حبيبتي ;)

ربيعيه;11597303:
وهاي التفاح المهروس بعد السلق بالبخار نخلطه بالخلاط وممكن تعطيه طفلك بالعصريه تحليه لذيذ

ربيعيه;11597347:
هاي شوفان


ماي مع شوفان وطماطم وجزره وكوسا وبطاطا وقطعة دجاج


وبعد السلق خلطتهم بالخلاط

ربيعيه;11622649:
مشكوره اختي سما العاشقين



وهاي طبق لذيذ وريحته مثل بان الكيك وان شاء الله يعجب اطفالكم









مكون من ملعقتين سيريلاك بالعسل ومهروس التفاح مع عصير برتقال وقليل ماي

بعد سلق التفاح نضع جميع المقادير في الخلاط ويكون بهاي الشكل

.❤. I R A Q I A .❤.;11623504:
هذا الطبق سويته قبل كم يوم لابني وعجبه

وهو مكون من لحم مقطع صغار و 4 ملاعق رز
الكمية تكفي 4 وجبات تقريبا .. خليته بعلب صغيرة بالفريز
وتقدرون تضيفون حليب الطفل قبل التقديم ..

هذا اللحم منزوع الشحم بعد ما استوه




وهذا الرز استخدم نوع يصير مضغوط مثل الشوفان
الحلو بيه بسرعه يستوي مياخذ وقت ..




حطيت اللحم والرز عالنار وضفت عليه ماي ورشة ملح

وهذا شكله بعد ما نضج وضربته بالخلاط اليدوي







وهنا جاهز للتقديم

أساير الروح;11638982:

اشرايكم في عشى ولدي توني مسويته

3 تمرات+ كوب حليب+ ملعقتين شوفان

اللي سوتها ربيعيه

ربيعيه;11653987:
اليوم كان عشاء ولدي مكرونه ولي اول مره اعطيه وياها

مكون من مكرونه وخضروات حسب رغبة الطفل اني اضفت بطاطا وجزر وكوسا نسلقهم مع بعض


وبعد الانتهاء من السلق ورفعته من النار اضفت شريحة جبن وخلطتهم معاهم





وبعدين وضعتهم بالخلاط







وكان شكلهم النهائي هكذا








صحتين وهناء على الحلوين ان شاء الله

ربيعيه;11655483:
اأكل الطفل الرضيع المسموح والممنوع





لحليب البقري غير مسموح به للطفل قبل عمر سنه. أولا لأنه صعب الهضم وثانيا لأنه لا يحتوي على كمية كبيرة من المعادن .
الزبادي :

مع إن الحليب البقري ممنوع, ممكن نعطي الطفل بعد عمر 7 أو 8 شهور زبادي بشرط يكون بدون إضافات ولا بد أن يكون الزبادي كامل الدسم.
فمن الخطأ إعطاء الطفل زبادي قليل الدسم ،لا يعطى الطفل قبل عمر سنتين حليب أو أي شي من مشتقاته قليل أو منزوع الدسم .
السكر والملح :

لايضاف السكر او الملح أبدا لأكل الطفل , بعض الأمهات تضيف السكر حتى يتقبل الطفل الأكل وهذا خطأ كبير تقع فيه الأم .
العسل :

وهذا أخطر شيء، لا تعطي الطفل العسل قبل إتمام العام الأول لوجود أحياء دقيقة تسبب تسممات غذائية خطيرة للأطفال .
البيض :

لا تعطي البيض للطفل قبل عمر سنة. ولكن ممكن تعطي الطفل صفار البيض من بداية عمر7 أو 8 شهور ولكن بياض البيض لا تعطيه للطفل الرضيع قبل عمر سنه لأنه قد يسبب حساسية للطفل الرضيع .
الجزر :

الكثير يفضل تجنب الجزر والسبانخ للأطفال إلى بعد عمر7او 8 شهور لوجود النترات فيه.
العصائر :

يجب أن تكون طبيعية 100% ولاتتجاوز ال 100 مل في اليوم ، لأن العصائر تشبع الطفل الرضيع سريعا وفائدتها أقل من الفاكهة الصحيحة .

أكل الطفل الرضيع المسموح

من بداية الشهر الخامس :

السيريلاك بالأرز ، التفاح ، الموز ، الكمثرى ، المشمش ، الخوخ ، أفوكادو ، بطاطا حلوة ، القرع ، الكوسة.

ربيعيه;11817303:

هاي المقادير واضحه بالصور

لكن هنا اني غلطت اضفت ساق الدجاج لكن انتو اضيفو قطعه من الصدر لان نسبة الدهون فيه اقل ويحتوي على الياف اكثر

بعدما نضج اضفت قطعة زبده صغيره

وهنا بعد ما خلطته بالخلاط اليدوي

عذرا التصوير مو واضح و انتظرو انزل بقية الصور

ربيعيه;11833483:
المقادير


شوفان مطحون

ملعقة نشا

قطعة دجاج

كزبره


الطريقه


بعد طحن الشوفان يضاف له الماء ويترك على النار مع قطعة دجاج سبق ان سلقتيها

وقطعتيها على شكل خيوط


واذا قربت على الاستواء نضيف النشا والكزبره وتترك على النار لمدة دقيقتين


وبعدها بالهناء والعافيه

ربيعيه;11852340:

طبق افطار مفيد

خبز مقطع مع مح البيض مسلوقه

مع كوب حليب الطفل يكون ساخن اشوي




وبعدين وضعته في الخلاط

وهذا شكله النهائي

ربيعيه;11861849:

هاي اكواب الكاسترد

المقادير

كاس ماء

ملعقتين كاسترد

ملعقتين حليب الطفل

موز او فواكه مضروبه في الخلاط حسب الرغبه

ملعقة سكر

قليل جدا زبده

ويوضع النار ثم يحرك الى ان يصبح المخلوط غليظ ويصب في الاكواب

ربيعيه;11893511:
المقادير :
4 حبة شرائح بسكويت اصابع
نصف كوب حليب سائل
ملعقة كبيرة سيريلاك
2 ملعقة كبيرة ماء

الطريقة :
يتم تسخين الحليب
ومن ثم تقطع شرائح البسكويت وتهرس جيدا مع الحليب وتضاف ملعقتين السيريلاك ويخفف بالماء

.❤. I R A Q I A .❤.;11896418:
السلام عليكم
شلووونكم

غبت عن الموضوع فترة
ورجعتلكم بطبق مثل الي سوته ربوعه لولدها :ok:

المكونات

صدر دجاج
جزر
بطاطا
قرنبيط





وهذا شكله بعد ما نضج وانهرس

ربيعيه;11909783:
اخواتي هاي المقادير ممكن تعملي فيها اكثر من صنف





اول طبق شوفان مع تفاحه وماء تخلطيهم بالخلاط الكهربائي ثم تطبخيهم وتقدميهم بالهناء


الطبق الثاني تفاحه مع ملعقتين شوفان وملعقة نشاء وماء

بعد خلطهم بالخلاط نطبخهم


الطبق الثالث نفس الطبق الثاني لكن نضيف تمر منزوع النواه 3 تمرات وهني وعافيه على الحلوين

ربيعيه;11960142:

هاي طبق الخضار

بعد سلق الخضار

نقوم بخلطها بالخلاط

مع اضافة قليل جدا من الملح والزبده