ماخاب من استشار..مشورتكم يا أهل الخير:(

حسـاسه;11507723:
السلام عليكم أعضاء منتدانا الغالي
دائما يعجبني الترابط الي في المنتدى وخوف البنات على بعض
وكل حده تبي تساعد وتخفف عن العضوة الثانية..

بقولكم سالفتي باختصار واتمنى كل وحده تحط نفسها مكاني قبل تجاوب..

أنا باختصار محتارة .. ضايعة .. خايفة
وابي المشورة في الامر،،

دايم كنت ادعي ربي يرزقني الرجال الصالح الحنون الي يسعدني
وكل بنت تتمنى هالشي اكيد
وبعد مده تقدم لي واحد وبعد السؤال والتقصي من الأهل
عرفنا ان اخلاق هالانسان والتزامه كويس الحمدلله
حالته المادية متوسطه(لكن اكيد مو مثل حالتي ببيت اهلي وضعنا أفضل بكثير)
مايدخن<<وهي نقطة مهة جداااا عندي ورفضت ناس كثير بسببها قبله

يعي بادئ الامر صفاته كويسه ،،
تحدد موعد الشوفه ومن ذاك اليوم انا خايفه ومتردده ،
صارت الشوفه كنت مرتاحه للشخص من الصفات الي سمعتها عنه
لكن الشكل ماركزت زين
كانت سريعه يعني مجرد لمحه..

أخذنا مهلة للتفكير والاستخارة
صراحه ماحسيت بشي للحين يعني لا رفض ولا قبول وهم يبون الرد..

أستشرت أهلي أمي أبوي أخواني وصراحه فاجئوني
قالولي تراه مو حلو أسفه عاللفظ (شين)
وانتي الي بتعيشين معه العمر كله عيالك ومدري ايش

أنا ماكنت مركزه زين وقت الشوفه كنت مشوشه مرررره
بس ماتوقعت اهلي بيكون هذا رايهم
هل ارفضه عشان هالسبب على العلم اني انا الحمدلله جدا جميله
ويمكن عشان كذا اهلي قارنوا بيننا

بس انا خايفه مادري ايش القرار استخرت واستخرت واستخرت
وللحين متردده،،

أخاف ما أوافق يكون انسان كويس اخسره،،
وأخاف أوافق ويقعدون أهلي يلوموني بعدين..

وأمي كانت تذكرني بقصة وحده من قريباتنا
تقدم لها شخص نفس كذا ماكان حلو قالت امها لا تاخذينه
وهي عاندت اهلها وخذته والحين عيالها طلعوا عليه
وكل مره تقولها امها شفتي قلت لك وكل يوم يلومونها

ساعدوني انا محتاره والناس يبون الرد انا أكبر بنت في البيت
وماعندنا سوابق في الخطب والزواج وانا عديتكم خواتي وابي شوركم...