ابي اضعف عشان عرسي/ برنامج حمية للي تبي تضعف وياي

وعليكم السلام والرحمه

الاخبار تمام ..

يالله معج بس انا متزوجه بس ادخل واتشجع معج

احب اشوف البنات يسووون واتشجع معهم :$

ربي يسعدج ويعطيج مرادج

موووووفقه وأهم شيء تكون ارادتك قووووية وماتضعفي وتستسلمي وع فكرة الشغلة سهله بس يبغالها صبر صديقتي كانت 100والحين ماشاء كانها موديل جسمها حلوووووووو ومشدود لانها دخلت نادي رياضي وأنا أنصحك بالنادي وتحت اشراف مدربه لان هالشيء بيساعدك ويقوي ارادتك .والف مبروك حبيبتي وبشرينا ع وزنك وع فكرة كم وزنك أذا ماعليك احراج,,,,,,,,بالتوفيق

خلوني أكتب برنامجي لهالأسبوع ~ :032:

بس قبل كل شي أبي اوضح شي ..
البرنامج يمكن يكون قاسي ~ أهم شي الإرادة ترآ ..
أول ثلاث أيام يمكن صعبة .. مب لأنه بنحس بالجوع .. لا .. لأنه بنمنع اعمارنا من أكلات نحبها ..
بس عقب بنحس انه تعودنا .. ~:08:
مثل ما يقول ابوي .. بالرجيم .. لازم نبتعد عن شيئين .. السكر و الدهن ..
هالشيئين من أكثر الأشيا اللي تسبب السمنة .. و الابتعاد عنها مفيد للصحة + ينشط الشخص و ينزل الوزن ..
بالنسبة للسكر .. انا اقصد السكر الأبيض .. و طبعا عندنا بدائل عشان ما ينحرم الجسم وقت الرجيم ..
و طبعا .. الرياضة شي مهم .. حتى لو مشي نص ساعة .. حتى لو ربع ساعة .. حتى لو عشر دقايق للكسولات جدا .. بس نبي شوية حركة .. عشان ننزل الوزن ..

يلا نبدا ..
هالرجيم لأسبوع واحد ..

اليوم الأول و الثالث و الخامس:
الفطور :
خبز أسمر + ملعقة عسل وياهم شاي أخضر ( بدون سكر ) ..

( نقدر نستبدل العسل بالجبن قليل الدسم و الشاي الأخضر بكوب حليب خالي الدسم )

الغدا : فول ( نقدر نطبخه مع سلطه .. نقطع خيار و طماطم و نحطه بالقدر مع الفول .. و نسخنهم و ناكلهم بدون خبز طبعا ) و اللي ما يحب .. بس يسخنه و ياكله ( احذروا من الملح تراه يزيد الوزن .. بس ما عليه نحط منه شوي ) ..
سلطه ..
كوب لبن اكتيفيا .. ( مفيد جدا و لذيذ جدا )

العشاء : شوربة ملفوف بالطريقة اللي تحبونها بس مع مراعاة عدم وضع دهن + التقليل من الملح و البهارات
او الشوربة الحارقة للدهون
مع سلطة

( انتبهوا : العشاء لا تأخروه لبعد الساعة 8 .. )

وقت الجوع ناكل تفاحة او جريب فروت او زبادي قليل الدسم او سلطة خضرا ..
و تقدرون تاكلون ثلاث حبات تمر في اليوم تراها تكفي و توفي بالنسبة للسكر ..

شرب كميات كبيرة من الماي .. ترا الماي المنكه بعد حلو .. بس الماي العادي أحلى .. خل عندج غرشة ماي صغيرة .. كل ما خلصت عبيها مرة ثانية و اشربي .. بتلاحظين طبعا انج بتسيرين الحمام - أكرمكم الله - وايد .. طبعا قاعدين نطلع السموم ..
و الشاي الأخضر أكثرررررر من مفيد .. اشربوه بدون سكر .. اللي ما تحب المر تخليه خفيييييييف اول ما تشربه و تزيد النسبة مع الوقت .. بتحسون أنه لذيذ الصراحة ..

اليوم الثاني و الرابع و السادس

الفطور : بيضة مسلوقة + زيادي قليل الدسم + خبز أسمر مع كوب حليب ( أو شاي أخضر ) ..

الغداء : برجر قليل الدسم ..
طريقة الصنع : كباب فوري او ستيك .. نحط عليه بهارات و نحطه بالروب ( نغطيه بالألمونيوم و نحطيه بالفرن لين يستوي ) ..
بعد ما ينطبخ .. نحضر قطعتين خبز مربع اسمر .. و نحط الستيك بالوسط مع الجبن و الخس ..
انا مرات احط حمص اخلطه مع روب قليل الدسم .. و النتيجة روعة ) ..

و معاه عصير برتقال طازج او لبن أكتيفيا
و سلطة
( نقدر نستبدل الاستيك باللحم او السمك .. بس يكون بالفرن او مشوي بدووووون دهن ) ..

العشاء : طبق من الفول مع سلطة خضرا او بدون

( الاكثار من الماء و الشاي الأخضر و السلطة الخضرا ) ..

اليوم السابع :
يوم مفتوح مع المرااعاة .. يعني الأكل بحذر مو تخربون كل التعب اللي سويتوه ..


مهم جدا : الرياضة ثم الرياضة ثم الرياضة .. بدونها احس ما في فايدة من الرجيم .. تراها تشد الجسم و تعطيه رونق و لمعة .. الله يسامح هالسمنة اللي مضيعة لمعة جسمنا ..

و اخيرا .. ان شاء الله يوفقنا ربنا و نقدر نتبع الرجيم بحذافيره .. و نييب نتايج حلوة ..

:072:

صحيح نسيت أخبركم .. وزني :085: << تضحك :094:

طولي : 155 سم ..
الوزن : 101 ( تذكرت مئة مرقش و مرقش :094: ) ..

و هدفي لين يوم الأحد الياي اني انزل على الأقل 3 كيلوات ..

حلم مخملي :
ادري انه سهل :033: .. ترا سويت رجيم لأسبوع .. بدون غش .. و نزلت 7 كيلو فيه .. بس وقفت عقب .. الله يسامحني :032:

ربي يوفقها ربيعتج و يهنيها بوزنها اليديد .. و ان شاء الله اضعف مثلها انا بعد و اصير موديل و ما اشرد الزوج المسكين :094:
و الله يا اختي خاااااطري ادش نادي .. بس صعبة لأنه ما عندي مواصلات توصلني و اتييبني يوميا .. :091: .. بس ان شاء الله بجتهد و بحصل نتيجة حلوة ..
تسلمين قلبي ع المرور اللي ونسني .. لا هانج ربي غلاية :072:

دق القلب :
تسلمين و الله غلاية .. و بارك الله فيج ع المرور ..
آميييين .. و لج المثل قلبي ..
لا هانج الرب :072:

السلام عليكم ورحمة الله وبركاته :032:


< توها واصله من النادي :02:


أخبارك ؟ :032: وأخبار فترة الخطوبة معاج ؟ عساها حلوة ؟ :040:

نصيحة من اخت ل اخت :087:

( اهم شي الرياضه إذا ماكنتي قادرة تروحين نادي اشترى لك جهاز الاوربت تراك والسير الكهربائي )

امشي على السير الكهربائي 15 دقيقة وفوق الين 30 دقيقة / وامشي برا في حوش بيتكم ساعتين / والاوربت تراك 15 دقيقة :032:

والتخفيف في الاكل ( رآح تحسين بالمتعه والاستفاده ورآح ينزل وزنج بإذن الله الواحد الاحد ) :032:

والاهم من هالاشياء كلها ( التوكل على الله ) :032:

وان شاء الله راح يجي عرسك وانتي ملكة جالسه على الكوشه يااااارب :032:

الله يوفقك ويسعدك في حياتك الزوجيه / وشدي الهمه خصوصا وان وراك هدف زوج وعرس وفستان وناس يعني هدف قوي :040:

كان ودي اكون معاج بس انا فاتحة قروب / الله يسعدك ياشيخه وراح اتابع يومياتك :ok:

وإذا محتاج اي خدمة انا موجودة / الله يعطيك العافيه وتنحفيف من غير شر يااارب :032:

مع السلامة :f:

:ok:

حبيبتي روح انثى ~ :025:
تسلمين ع الرد الرووعة ~
بالنسبة لجهاز السير .. عندي واحد بالبيت .. و امشي عليه ساعة كاملة عادي + اني ارقص رقص عبيط :094: .. بس ينفع لأني احس بعد الرقص الدنيا حررررررر .. ~
المشي حوالين البيت لساعتين :047: << طلعت عيونها ههههه ..
خلاص من اليوم بحاول امشي ساعتين .. و بشوف النتيجة ..

و ترا مرات العب تنس و جي .. يعني الرياضة تمام ..

هيه و الله وراي عرس و هالشي مخيفني لأني بعدني مو مسوية شي ..
تسلمين حبيبتي عالتشجيع .. و ان شاء الله قبل العرس اصير رشييقة ( ما في شي مستحيل مع الارادة ) :03: ..

لا هانج الرب عزيزتي ع المرور الكريم .. دمتي بود :032:

ابغي اضيف كم معلومة لك ومن خبرة خخخخخخخخخ :037:

اول حاجة نصيحتي لك تهتمين بجسمك اثناء الرجيم . يعني كيف ؟ :049:

يعني لاتخلين جسمك جااااااااااف ابداااااااااااااا :087:

دايم خليه في رطوبه ( يعني استخدمي اللوشن وهالكريمات وهالسوالف ) :ok:

عندك زبدة الكاكاو اللي من بودي شوب يقولون لك مرة خطير اثناء الرجيم علشان لم تنحفين مايطلع لك خطوط بيضاء :032:

لان انا سويت واهملت هالنقطة ولا في احد قال لي عن هالشي جسمي صار مليان خطوط :033:

والى الان مو قادرة اشوف حل للخطوط البيضا :033:

ايضا نصيحتي لك : :032:

وانتي تسوين رياضه بم انك في البيت راح تسوينها :040::02:

اخلطي لك خل التفاح مع زيت الزيتون مع بعض بشرط ( مهم ) يكون زيت الزيتون اكثر من خل التفاح :032:

واستخدمي خل التفاح اللي من العطار لاتستخدمين الخل اللي من السوبر ماركت لا اوكي ؟ :057:

وحطيه على جسمك والعبي رياضه ! وبعد ماتخلصين رياضه اجلسي ساعه واخذي لك شاور دافء :032:

ان شاء الله اكون افدتك اختي الغاليه :f:

وايضا لاتنسين تهتمين بنفسك اكثر يعني الاقدام والايدي والرقبة والوجة والمناطق الحساسه :032:

يعني فرصتك الحين عندج 3 اشهر تقريبا / يعني يمديك تهتمين بنفسك اكثر واكثر :032:

وان كنتي محتاجة خلطات ووصفات لايردك الا الكيبورد :032::040::02:

مع السلامة :f:

روح أنثى ~
يآآ قلبي انتي و الله .. :032:

من بآآجر ان شااء الله بسير اشتري زبدة الكاكاو :013:..
هيه هالخطوط البيضآ مسوية لي أزمة ~ :091: !!
و غير السواد بالجسم تقولين تضاريس خريطة الكرة الأرضية :094: !!

حطيت ببالي أضعف بالأول و عقب ابدا اهتم .. بس مثل ما قلتي .. ما في وقت ابد ابد ..
عشان جي مثل ما تقول اختي .. ابدي كل شي مع بعض عشان تنبهرين بالنتيجة ~ :08:

المشكلة عندي في الوقت و الله .. و الكلية .. هااااذي اكبر مشكلة .. يوم اسيرها احس نظامي يخترب .. عشان جي قررت ما اودي فلوس معاي .. و اشل خيار و هالسوالف من عندي .. عشان اذا يعت آكل و ما اخرب النظام ~ :095:
بس المشكله اتكاسل اسوي رياضة وقت الدوام .. هذا اللي يقهرني .. افففف من الكسل :039:

قلت اليوم ببدا بشعري .. صاير يطيح وايد .. مع انه كان ناعم و حلو .. بس صاير متقصف .. فقلت ازيته من زمان ما اهتميت به ~ :083:

و ان شاء الله عاد اتوفق .. و اذا عندج خلطات حلوة لا تبخلين علي :032: :037: ~

انزين سؤال .. عندي كريم الزنجبيل .. يقولون زين يحرق الدهون .. و يخفف السيلولايت << ما ادري اذا اسمه صح ولا :037: ..
قد سمعتي عنه و لا ؟!

تسلمين حبيبتي مرة ثانية ع المرور و الكلام اللي يشجعني و يسعدني !!:032:

لا هانج الرب ولا عدمج و حقق لج اللي ببالج ~ !!

مساء الخير اخبارك ياعسل والله يتمم لك
اقول خلي عنك الكسل <<ويله اتشجعي وخلينا ننحف
انا نحفت من سنه والحين بديت ارجع اللي نحفته ومانفعني الا الرجيم والرياضه واهم شيء العزيمه وماتسمعين الا اللي يشجعونك والباقي <<طنشيهم
واللحين ابي ارجع للرجيم بس ماقدرت او اوهمت نفسي اني ما اقدر


اوكي انا ابتشجع واكون معك ومن هالحظه ماراح اكل شيء بس راح اشرب شاي وماااااااااااااااء فقط
وابحاول امشي


انتي شدي حيلك ولاتضعفين وخلي عندك هدف انك تتغلبين على جسمك وتتحدينه انك راح تلبسين فستان ابيض حلو على جسمك
انا كنت انخطب وبعدين مايتم نصيب <<واتوقع علشان الوزن مع اني الحمدالله نزلت من نمره من الارقام <<خخخ
اول كنت 86 والحين 76 وطولي 158-159 <<مدري وش الاكيد<<هع هع

بس حتى في هالزمن الكل يدورون اللي جسمها حلو <<وبعدين لصحتنا ولمظهر حلو اغلب الملابس فيهاموديلات
ما احب البسها علشان الجسم <<وخاصه عندي كررررررررش مسويلي قلق <<

وبالنسبه لكريم الزنجبيل <<سمعت عنه كثير وفيه كثير يمدحونه بس والله ماجربت


انا الاسبوع اللي راح مخففه وعشاء احيانا"اكل <<وزني ثابت
وان شاء الله راح اشد حيلي من اليوم

شوق الذكرى ..
و الله انا شراتج .. ما ابي البس شي حلو أبد .. عشان الوزن ..
و يا ريت لو احصل شي بقياسي .. مرة بالسنة أحصل شي حلو ..
كله لابسة ثياب واسعة و جلابيات .. ما اقدر اكشخ بالمناسبات نفس بقية البنات ..

و بيوم خطوبتي ما حصلت شي حلو البسه .. لبست اي كلام عشان الوزن :091: !!
بس اللي مريحني أنه خطيبي يعرف اني دبة .. و مب ممانع .. بس ادري انه الرياييل يفضلون الرشيقة :094: ..

و انتي بعد ان شاء الله توصلين للوزن اللي تبينه :03: ..
انا من شوي كلت لي حبة جريب فروت .. طعمه فظييييييييييييييييع :033: .. بس كلته كله ..
و عقبه تفاح .. لأني ما قدرت اتحمل طعم الجريب فروت ~

و بسوي رياضة عقب شوي ان شاء الله ..

ان شاء الله عاد أنقص عاد .. و ان شاء الله تنقصين وياي و نعيش كلنا بسعادة :094:

هلاااااوغلااا حبيبتي باذن الله من بكره انا معااااااااااااااااااااااااااااااااااااااااااااااك

دروووب السعادة حبيبتي حياااااااااااااااج ويااااناااا ..



يوم الاثنين الثامن من مارس 2010

نشيت الفير للصلاة .. و حسيت باليوع :037: فـ كلت لي تفاحة ..

عقبها بساعات كلت ريوقي .. 2 خبز توست اسمر ..
جبن قليل الدسم .. ملعقة عسل و شاي أخضر

و بعد شوي بسير أسوي تماارين :03: ..

دلوووعة بس .. تسلمين و الله حبيبتي ..

تشجيعكم لي يعني لي الكثير ~!!

لا هنتي يالغلا ~

اولا الف مبروك على الخطوبه و الله يتمم على خير يا رب

و ثاني شي انا بعد بديت ريجيم الأحد :)

انا مسوتلي موضوع اكتب فيه يومياتي

فعلا كلنا محتاجين تشيجيع :(

بس الحمد الله انا بديت بدايه قويه :)

راح ادخل واشعج على طووووول ان شاء الله

وانتي بعد لا تبخلين علي و شجعيني بوضوعي :)

الله يوفقنا و يقوي ارادتنا و يوصلنا للي نبيه يااااااااااااااااااااااااااااااااااا رب

مرحبا
ممكن تقبلوني معاكم
أنا عندي كمان شهرين عرس لازم أكون نازله وكمان نازله عند أهلي بشهر &#1637;
وزني &#1639;&#1637; طولي &#1633;&#1639;&#1632; الهدف &#1638;&#1637; من بكره انشالله بنزل يومياتي

انا بعد معاااكم في هالتجمع وخلوونا نجمع النصاايح كلهاا وانا مستعده ارتبها لكم في جدول
وبالنسبه لج انا اقولج لان وزنج كبير تقدرين تنزلين 10 كيلو كل شهر لو التزمتي

ومن اليوووووووم ورايح مانبي خربطه
ووومادري دخلتي قلبي خاصه ان احنا نفس العمررر بالضبط
بس انا مواليد شهر 7 يووم 6 لوول فحسيتج نفسي

وانا بعد طالبه فالجامعه فخلينا نتساااعد ونجمع النصايح وبالنسبه للخلطات والسووالف هذي امرري وتدللي
انا عندي خلطات وااااااااااايد للجسم والشعر والوجه

خلينا نتشارك الخبرات واخر شي بكتب جدول للعنايه نمشي عليه شرايكم؟ وكل وحده ممكن تطبعه ويوميا تحط صح عند الشي الي سوته

اعذروني حبيباتي ع التأخير في الرد .. صارت لخبطة بالنت و سالفة .. :091:

السلام عليكم مجددا << تو الناس :094:

aml jaded ..

الله يباآرك فيج قلبي ~ :032:
خلاص إن شاء الله نشجع بعض .. و نوصل للوزن المطلوب مع الهمة .. بإذن الله
و ان شاء الله بعد ما ارد هنيه بدش يومياتج على طول اتفسح :037: ~
سلمتي على المرور قلبي .. لا هانج الرب ~ :065:

noot

هلا و غلا غلاية ~ :032:
مبروووك فديتج .. و ان شاء الله تتهنين بالعرس ..
و تكونين تخلصتي من الوزن الزايد بهالفترة ..
بس محتاجة همه فقط .. و لا الوزن بينزل بإذن الله ~ :08:
و ننتظر يوميااتج بفاارغ الصبر ..~
لا هنتي ع المرور قلبي :065:

دلوعه قطريه

سبحان الله :037: .. انا مواليد شهر 6 يوم 7 :049:
و الله ردج شجعني .. هيه وزني كبير .. فإن شاء الله انقص 10 كل شهر .. ( على الأقل :091:) ..
و ان شاء الله بالهمة العالية و المثابرة بوصل للهدف ~ .. بس مشكلتي و الله أني أمل بسرعة .. و ما احب هالشي .. :091:
و الجامعة بعد ماخذه أغلب وقتي .. و هناك عاد اتتتعب و ايووووع ..
بس قررت أودي وياي مؤنة :03: .. عشان لا يعت ما اسير الكافتيريا و ألخبط الرجيم ~
و هيه و الله يبالنا نحطي جدول للشعر و الجسم .. بس انا كلللش مو متحمسة بسبة وزني .. :091:
بس ببدا إن شاء الله .. و لا ما بلحق .. و اخاف اندم وقت العرس ليش ما اهتميت قبل ..
تسلمين حبيبتي عالمرور و التشجيع .. و روووووعة فكرة الجدول و الله .. و على استعداااد أني أنفذه .. عشان اطلع حلوة بيوم عرسي :040:
لا هانج الرب قلبي عالمرور الحلو :032: .. دمتي بود :065:

اليوم تاريخ 10 مارس 2010

وقفت ع الميزان و كان وزني 99.9 :047:
يعني الوزن قاعد ينزل .. لأني بديت الرجيم ووزني 101 فاصلة ما ادري كم :037:

اليوم بالفطور كلت صمون ( خبز اسمر ) مع جبن قليل الدسم ..
و كلت لي بيض ..

بعدني ما تغديت .. بس بسير اسوي لي الحين تونا ( اللي بالماي ) .. طبعا بطبخها بدون زيت
مع سطلة ..

و بسوي لي عصير جريب فروت فريش ..

و بعدها بسوي رياضة ..:015:<< قال رياضة :037:

( قبل الرياضة أحط لوشن الزنجبيل .. و بالفعل من أول استخدام لاحظت انه السيليولايت بدا يخف .. و ان كان بمستوى بسيط .. بس ممتاز بما انه كان اول استعمال .. و بواظب عليه ان شاء الله .. بس عاد ما ادري من وين اشتريه بالامارات .. هذا يابه ابوي من ماليزيا كتجربه بس .. اشترى حبتين .. و طالعة فنااانه ) :032: !!