سااااااعدوا ربيعتي بلييييز

السلااااام عليكم رحمة الله وبركاته

اول مرة ادخل هالقسم وهو عشان خاطر صديقتي عندها مشكلة عوييييصة على راي أهلنا المصريين

المووهم

المشكلة بدأت من زمااان من وهي طفلة هما بس بنتين والبنت الثانية كانت جميلة وهيا جمالها عادي لكن الفرق بينهم الصغيرة اللي جمالها عادي اللي هي ربيعتي اخلاقها ماااااااااااشاء الله عالية جدا والكل يشهد لها وعائلتها غير محافظة...حافظة من القرآن كثييير وكانت كل ما تسمع عن التفرقة اللي بينها وبين اختها تسكت ومن هي صف اول ابتدائي وتقول انا بثبت نفسي بشخصيتي واخلاقي...كانت اختها من المراهقات اللي عاشوا مرحلة المراهقة...لكن هي لاااااء ادخرت سنوات المراهقة في الدراسة وحفظ القرآن...وتحجبت وعمرها صغير وكانت اختها الكبيرة بالجامعة وهي مو محجبة..

عدت السنين والبنت تزداد تقرب من الله عزوجل صارت تسمع محاضرات وتمعن وتفسير واحاديث الى إن جاء يوم قبل 3 سنين وقالت انا لازم التزم بالعباية السودا...وما كذبت خبر ظلت تلبسها الى يومنا هذا وطبعا مع معارضة الام وداااااااااااايما لازم تسمعها كلام والبنت مرة باللين انه يا يما اريح لي..ومرة تقول يمة هذا دينا ومرة ليه اخلي الشباب يتمعون وينظرون فيني..

الى ان جاء من فترة خطيب يخطب البنت والبنت ارتاحت له واستخارت وسألت عنه وسمعت كلام وايد واقتنعت فيه تماما وجه اليوم اللي حددوا فيه المهر والبنت حددت والاهل وافقوا لكن بعدين راجعوا وضعهم وقالو انه عالي شوي والبنت عااادي بتنزل ما عندها اي مانع لكن الام معارضة جدااا وقالت لو هم رجال كان ما وافقوا من الاول والان البنت صار موضوعها متكلمين فيه من سنة وتعرفون البنت اذا صار موضوع مثل هذا تبدا بخيالها تسرح وتدور وتجهز نفسيا والام معااارضة الفكرة تماما وتقول انتو الاثنين معقدين كيف بتكون حياتكم؟؟؟ وللعلم معقدين عندها انه هو ملتزم بالصلاة بالمسجد ويربي لحية والبنت تلبس عباية وما ترضى اذا شافت شي او بنت تدخن انها ما تنصح...لاااااا...هالبنت ما تسكت عن نصيحة وامها تشوف انه هذا ينفر الناس منها وهي مالها شغل لو شافت غلط المهم هي مو غلطانة...

واليوم صارت خناقة بين البنت والام..البنت اللي صارت تحس انها خلاص ودها تكتفي من كلام اللبس وخناقات المقارنة مع اللي بعمرها من امها وانها منها عايشة سنها بلبسها للعباية وتبي الولد من خاطرها ...وغير انها خلاص تعلقت بالانسان من كلام الناس وعيلته وانه تفكيره مثل تفكيرها وصعب الحين تتأقلم انه خلاص ما في شي وغير انه تخاف ما يجيها الي يخاف ربه مثل هالانسان خصوصي انه والد البنت ما يصلي والمسكينة ضايعة بين الام والاب..وحلفت الام اليوم انها تنهي الموضوع وتقول لابوها انه انت مو مضطر تنزل من نفسك وتغير المهر...

بليييز بنااااات وقفوا مع ربيعتي وساعدووها والله تكسر الخاطر وصارت نفسيتها زفت غير ان قلبها صار يوجعها من الكبت اللي تكبته داخلها...