انا حامل مدري افرح ولا ابكي

والله نعمة من عند ربي ، اشكري الله عليها .

مبروك أخت قلبي الحمل هذة هديه من ربج لازم تشكرى وتحمدي ربج وبعدين بيكبرو مع بعض و الله بيفرح قلبج فيهم

عادي سنةو 8 شهور سن مناسب

اكيد تفرحي

رزق وربنا باعتهولك .احمدي ربنا وان شاء الله ربنا بيعينك عيهم

أم راشــــد;11498601:
الف الف مبرروك حبيبتي وهذا رزق من رب العالمين فديتج
وانا بنتي الله يحفظها عمرها سنة و اربع شهور واتمنى من رب العالمين وادعيه انه يرزقني بالذرية الصالحة المعافاه
وانتي بعد لا تنسين تدعيلي :087:

ربي ينولك الي بالك وربي يرزقك بذريه الصالحه الي ترفع راسكشكرا حبيبتي:016:

ربي ينول كل وحده ردت ع الي بالها والله انكم رفعتو معنوياتي ربي يرزقكم جنة الفردوس يارب أجمعين وكل من في منتدى عروس

افرحي اكيد ..هذي نعمة الكل يتمناها ..وبنتك مو صغيرة مرة ..يعني لين يجي البيبي الجديد حتكون سنتين ونص ..عمرها حلوو ..


الله يتمم لك على خير ..

والله حبوبه عادي الحمد الله انا بنتي عمرها سنه والحين حامل الله يتمم علينااا يارب

بلعكس يلعب معهاا وبعدين مني لين تولدين بنتك بتكون عمرها سنتين يعني مره


والله يرزقني ويرزقج بالولد الصالح يارب

الله يتمم لكم على خير وانا بعد حملت على بنتي وعمرها 10 شهور وهاذيه الحين عمرها سنه ونص
وقريب اولد ادعو لي الله يسهل علي

صحيح في البدايه زعلت كثير لاني كنت حاسبه اظل اربع سنوات عالاقل بس الحين متشوقه اشوف النونو حبيبي
والكل طمني انو بالعكس اسهل في التربية وهاذي ارادة الله وقدرة الحمدلله على كل شي

حمدي ربك علاقل انتي بنتك اكبر من بنتي يعني ارتحتي من الولادة شوي مو انا ولا عمري توه صغير بس يلا احسن عشان انزوجهم واحنا شباب خخخخخخ

تقبلي مروري

تسلمون ياقلبي واشكر كل وحده ع مروره وربي ينولك الي بالك

انا مريت نفسج حالتي لا انا فرحانه ولا زعلانه حملت على ولدي عمرة سنه و5 شهور تقريبا والحمد للة ولدت وفرحانه بولدي ربي يخلية لي

اختي ....

البشرية معظمها جات بالغلط شتسوين انا حملت على بنتي و هي عمرها سنة و نص بالغلط و من غير تخطيط بالعكس كنت مخططة اني ما احمل عليها الا لما تكمل الثلاث او السنتين و النص على الاقل و كنت مسوية رجيم و مبسوطة ع الاخر و مستانسة و على غلطة مرة مع اني كان عندي مشاكل تبويض يوم الله اراد حملت و قعدت اصيح عند الطبيبة و زوجي كل صحت استانس بعدين خرعوني اني لازم ما اصيح و اعترض على ارادة الله و سبحان الله , الله عطاني احلى هدية من عنده ولد حبيبي اولدي اموت عليه يحبني و دايما يتدلع علي ... و طبعا مت من التعب لان بنتي في عز الحركة كانت و لما ولدت في عز الغيرة و مازالت تغار منه و تكفخة بس هدي الحياة و حلاوتها

والله يستر اطلبوا لي تجيني الدورة الشهرية متأخرة علي و ميته من الخوف ... ما ابي احمل ابي اربيهم و اكبرهم بنتي ناقصة حنان وولدي صغير و ضعيف يحتاجون رعاية و خايفة اسوي تحليل وانصدم

دعواتكم لي ان السنة الياية احمل مو هالشهر بادن الله

لاتتضايقين خيووو

اني حملت على ولدي وعمره 10 شهوور وبالغلط من غير تخطيط وقعدت اصيح أمبي اطيحه

وجبت ليه أخو وياه يلعب .. هو صدق تعب اثنين على بعض بس الحمدلله

بتش مو صغيرة واجد .. عجل شنقول أحنا الا حملنا على أولدانا وهم بالشهوور

مبرووووووووووووووووووووووووووك

الف مبروك الحمل
لا تحاتين واجد ان شاء الله ربي بيسهل عليج
و بيقدرج على تربية بنوتج و اللي في بطنج احسن تربية

أنا بعد حملت على ولدي و عمره 10 أشهر
ولين بولد بيكمل سنة ونص

حزنت و صحت علشان ولدي بعده صغير
و منت حاطة في بالي إني ما أحمل إلا لما يدخل الروضة على الاقل

لكن شسوي هذا قضاء الله وقدره
و إن شاء الله لين أولد باخذ لي حبوب منع الحمل

تدرين إني شفت ناس عكسنا يبون يحملون و جهالهم توهم صغار ما كملوا حتى 3 سنوات
و يتعالجون وما ادري شنو بس علشان يحملون

يعني لازم نحمد ربنا على هذي النعمة و ان شاء الله يصير عندج ولدين يستانسون ويا بعض ولا يتربون ويا بعض

الف مبروك اختي لا تزعلي قل لن يصيبنا الا ما كتبه الله لنا انا لما حملت بابني كان عمر بتني تسع ششهور وبكييت بكى نشفت دموعي بس ربك بيسر اهم اشي انك اتنضفي بنتك من البامبرز عشان ما تتغلبي بكرة لما تلدي والله يتمملك على خير

امممممممممممم انا نفسج بس انا من نفسي ابي احمل بس بعد الحمل صرت افكر الف تفكير وكل شوي اقوول حق زوجي مو كانها صغيره وحملت عليها. انا حملت وهي سنه و6 شهوور.. بس كله بيتيسر ان شاء الله وهذي نعمه والحمدلله ع النعمه الله يثبته ويتمم حملج ع خير يارب..

ربي يتمم لك على خير يا رب لا تحزني اختي يوم بتربين بنتك بيكون عمرها سنتين و نص و ربي بيسهل ان شاء الله فرق حلو و ان شاء الله ربي بيساعدك على تربيتهم

ماشااء الله بنتج كبيرة وان شاااء الله لما يجي البيبي الثاني يكون عمرها احلى بعد وحبيتي الحمل يصير في وقت مناسب لان الله سبحانة وتعالى هو اللي كاتب الوقت والتاريخ والساعة يعني الوقت مناسب والله يقويج ويتمم لج على خير

وافرحي وخليهم ذخر لج يارب