**أحلى ليــله بحــــــــرية لنووور عيني**

السلام عليكم ورحمة الله وبركاته
أول شي اقول شكرا ً وجزاج الله خير لكل وحدة فادتنا
بخبرتها وعطتنا من أفكارها

بخااااطري أكسر الروتين وأسوي شي مميز لأبو الشباب
وفكرت وفكرت وقعدت أتأمل بالغرفة
آخر شي قررت أني أسوي ليله بحرية :)

أول شي كتبت قايمة بالأشياء اللي احتاجها
1) شيفونات أزرق بحري وسماوي وأبيض
2) قطع حرير أزرق بحري وسماوي وأبيض
3) صور أسماك
4) ورق أزرق وجلاد أبيض
5) كفر السرير أزرق
6)خلفية بحرية ( شاشة متحركة للكمبيوتر)
7)صوت أمواج
8)محار
9)عشا بحري
10)كيكة وعصير
11) الدش الحراري
12) لعبة من الألعاب الزوجية (لعبة الخط الساخن)

أول شي الحمام
غيرت واجهة البانيو وجلدتها بجلاد أبيض

قبل

بعد

آ آ آ ه ه ه تعبت وأنا أجلد وكرشي قدامي بس يهوووون لعيون الغالي :016:
وبعدين لصقت صور الأسماك بعد ما لونتهم بروحي ورسمت الأعشاب

لمبة الحمام بيضه بغيت أحط عليها ورقة زرقا راح تعطي إضائة زرقا طبعا ً ما قدرت أطولها :040:
فحطيت على اللمبة اللي فوق المغسل وأدت الغرض

فرشت أرضية الحمام بشيفون بيج تقريبا أكثر منه أبيض ونثرت حصا ومحار ولولو ع الأطراف

وطبعا ً حطيت حوالين البانيو محار وأصداف وغيرت الرشاش لرشاش المائي
وعبيت البانيو وحطيت صابون على شكل ورد جوري أزرق
سمحولي ارتبشت وما قدرت أصور لأنه ريلي كان على وصول

أروح للغرفة

فرشت الأرضية بالحرير

علقت الشيفونات حوالين الغرفة وعلى الكرفاية

حطيت طاولة بالنص وغطيتها بحرير أبيض للعشا وطاولة صغيرة على طرف غطيتها بعد بحرير أبيض وحطيت عليها الكيكة

وآخر شي شغلت الداتا شو استعرته من أخوي :095:

وشغلت شاشة التوقف البحرية مع صوت الأمواج وصكيت الليتات طلع الجو جنااااااااان

لبست فستان خفيف بحري اللي شافت موضوع حفلة تخرجي كان من بين الهدايا

وحطيت عدسات أنا أول مرة أحط عدسات أزرق على رمادي وتكحلت من داخل أزرق ومسكرة زرقا وروج فوشي وبلاشر وفتحت شعري طلع شكلي غييير :040: الحمدلله لك يااارب

وآخر شي الكيكة
طبعا ً هذي صورة من اليوم الثاني ما قدرنا ناكلها بعد العشا ههههه

وجي خلصت الليلة :083:
إن شاء الله عجبتكم

بنااااات الله يخليكم الموضوع حصري لعروس أتمنى ما ألاقيه في منتديات ثااانية
لا أحلل نقل موووووضوعي

دعواااتكم الله ايسر ولادتي ويرزقني الذرية الصالحة ويجمعني وزوجي في الجنة ياااااارب

إن شاااء الله استفدتوا من الموضوع :083: