فزعتكم يـاهل البحـــرين

شوفي عن الاسعار ما اقدر وايد افيدج اتصلي وسالي افضل لان ماشاء الله الاسعار قاعد تتغير اذكر سوينه لملجه اختي وعقبها بسنه طلبنا من نفس المطعم والاسعار كلش تغيرت المهم
عندج مطعم الونيس احتمال اسعارهم تبدأ من 3 دنانير لان قبل كان بديناريين للشخص وبوفيهم زين لا بأس فيه
وعندج بعد مطعم الابراج وبعد بوفيهم زين لابأس فيه
وبعد عندج كرامي يمكن سعر الشخص ب4 دنانير يعني نفس بوعلي تقريبا اسعاره واعتبر بوفيهم ممتاز يعجبني اكلهم

وبس اتمنى اكون فدتج

المطعم اللبناني اكله ممتاز ..كان عندي المنيو بس للاسف ضيعته..
ومثل ما قالت الاخت بعد كرامي تماااام اكلهم..
وفي مطبخ اسمه مطبخ السادة جربت البوفيه شي عجيــــــب وجدا جدا مرتب ونظيف شغلهم اسعارهم حلوة واذا تبين الرقم خبريني بالخاص..

بالنسبة للصالونات ما عرف في ذيك المنطقة بس اسمع عن ظفاير وما شفته..

الفساتين عندش شارع بو كوراة وشارع جد علي والاسعار تحصلينها متفاوتة

اها

اوكي

مشكورين بنات ،،

بس وين باقي البنات شدعوه ؟

المطعم اللبناني

كرامي

المطعم اللبناني اكله لذييذ

و سمرقند بعد حلوووو

وجم مره نطلبهم اذا نسوي عزيمه او مناسبه في البيت

سمر قند ممتازة انا في زواجي البوفية من عندهم

جيكت سمرقند وطلبت نفس الطلب اللي طلبته من بوعلي


قالوا لي السعر 140 دينار


يعني في فرق في الاسعار

جيكت المطعم اللبناني بعد

وقالي خمسين شخص ب 200 دينار

لانه للشخص الواحد جنه 4 او 5 دينار !!

صالون ظفاير اني جربته شغله حلو

جيكي اختي مطعم قيصر روعه ..
تقريبا 5 اصناف رئيسية غير المقبلات بـ 4 دينار الشخص

اختي اذا تبين أرخص شي
مالج الا بوعلي، وهو عنده جم منيو يبتدي من دينارين ورايح

باقي المطاعم يبتدون من 3 دينار للشخص غير السرفس والمشروبات
وكرامي واللبناني ب4 اعتقد، وأنا جربت كرامي بس والبوفيه وايد حلو

وفي بعد بعض المطابخ مثل الساده ومعيوف ومادري وين، بس بعد اسعارهم ب3 وفوق على حسب الأطباق اللي تبينها انتي

واذا انتي تبين لحفله بسيطه وخمسين شخص بس، اشتروا كل شي بروحكم وسووا بوفيه صغيرون بيطلع لكم أوفر ترى

وبعدين اذا انتي تبين تعزمين 50 اخذي بوفيه حق 35 او 40 والمطعم يزيد أكل من عنده، هاذي سستم المطاعم كها ترى
يعني حسبي مثلا اذا قلنا ب3 دينار للشخص فبيصير = 3 * 40 = 120 + كارتونين بيبسي خخخخخ وماي
قولي بيطلع ب130

وفي بعد محل اسمه البوفيه الملكي
وهو تابع لسمرقند بس انواع اكله سي فود وجذي

مشكورين خواتي على مساعدتكم الطيبه لي

بخصوص صالون ظفاير المكياج عندهم زين ولا لا ؟

احد مجرب يعني ؟ لاني ابي اروح مكان واسوي الشعر والمكياج في نفس المكان بس ابي وحده شغلها سريع ومرتب

****

وبخصوص المطاعم ، مشكورين خواتي على اقتراحاتكم

ومشكورة اختي انا الشوق على اقتراحاتك الطيبه ،،

وشكلي باخذ من مطعم بوعلي ..

بس الحين تعبت وانا ادور فستان ..

ابي ادور احد ياجر ،، لانه الفستان اللي ابيه لازم لونه اخضر ..