خيبة امل عرووس

السلام عليكم ورحمه الله
اخواتي هذي اول مشاركه لي كنت اتنمى يكون موضوع مميز ومفيد لكن الجايات افضل باذن الله


انا يا اخواتي عروس بعد 4شهور
وافكر بالطلاق تعبت معاه من ثاني يوم طفشني كرهني بعيشتي وبعمري ومن كلامه عرفت شخصيته واسلوبه وعرفت اني راح اتعب معاه كثير وهذي هي الحياه مافيه راحه ودوام الحال من المحال

مشكلتي اصبت بخيبه امل عروس ماكملت اسبوع من ملكتها الاوطايح فيها تهزززئئئئ
اعتذربعدها الرجال وعذرته لانه اعتذر بس كان بامكانه يمسك اعصابه
تحطمت وحاولت اكابر كان الكل يبارك لي وفرحان كانت ردت فعلي انزل راسي واحس بموت من القهر احس الي يباركلي يتشمت فيني وعرفوا كلامه معاي
المصيبه الحين مع المكالمات الي كنت دايم اعارضها واوضح له اضرارها وكنت اسايره وارضيه فيها
سار يناديني بغير اسمي ...اول مره مشيتها وكاني ماسمعت وقلت يمكن انسانه كان يفكر فيها لكن ماحصل بينهم نصيب
وتكرر الاسم مره ثانيه وسالته وزعلت و سويت سالفه ووووعشان يدري اني بنت ناس والي سواه ما هوسهل

تكرر الاسم اربع مرات خصوصا اذا كنا منسجمين بالكلام ومتحمسين وشكل الاسم يجي غصب عنه
كل هذا مايهمني --اقصد اذا له علاقات قبل الزواج والله مايهمني عساه بحريقه--نسيت اقولكم عمله مختلط
انا الحين احس اني غبيه اذا استمريت معاه وان مالي كرامه واني انا الي اهنت نفسي
انا اكرهه كره ماتتصورونه اكرهه ويهون علي
طاح من عيني ماله اي اهميه او احترام عندي
نفسي اعيش مع انسان اشوفه كل شي حلو فالحياه عشان احب الحياه معاه
--الحق ينقال الرجال محترم جدا ((معاي)) وطيب ومتفهم وصابر على عنادي احيانا
واذا غلط يعترف بغلطته ويعتذر وهذا على قولة اختي مافيه مثله يعرف غلطته ويعتذر ويقدر العاده الرجال يغلطون ويطلبون العذر

انا الحين يفترض اجهز عشان اخلص قبل اختباراتي نفسيتي دمااار دموعي احرقت عيني
همومي مو مثل كل البنات
خجل حيا خوف فرح تجهز وتتفنن في جهازها وتبدع فيه لانها عروس
انا العكس هموممي غير البنات الخجل والحيا ودعته سارت عيني قويه حزينه مايمر يوم ماتدمع عيني فيه جهاز ما بديت ولاحتى فكرت والكل يسالني ويشير علي وينصحني
توقعت اكون فرحانه وخايفه وحالي مثل حال كل عروس

افكر فالطلاق لكن عواقبه وخيييمه علي وعلى اهلي
*******نفسي افرح****
كتبت لكم مستعجله ومارتبت حتى الكلام وماذكرت اشيا كثيره