رحلتي مع الطرحه " إبتدت" دعوه عامه للمتزوجات و عرائس

بعد زواجي كنت اسعى اني اكون ( طباخه 100% بمرتبة شيف مبدع اتقن كل الطبخات وبطريقه ممتازه ولو فشلت بطبخه تسود الدنيا بوجهي واتعب نفسيآآ
ولازم يكون لبسي عند زوجي من ارقى واحلى لبس وادقق على التفاصيل الصغيره جدآ وكأني بطلع على خشبة عرض ازياء
كنت ارتب شعري بطريقه لازم تكون فيها التسريحه مضبوطه 100% والا إكتئبت
كنت ابي تكون عطوراتي احلى روائح بالعالم
كنت إذا قلت كلمه زعلت زوجي واحس اني غلطت فيها اتعب نفسيآ
كنت ابي اكون اجمل نساء الارض بعيون زوجي
كنت ابي يكون بيتي احلى واجمل بيت بالعالم
كنت ابي اصير اتقن كل شي بطريقه دقيقه .. كنت ابي اكون ملآك
ابي اكون ربة بيت وزوجه ناجحه 100%

صح الحرص على الحياة الزوجيه ونجاحها .. شي حلو
بس مو بطريقة مبالغه كذأ
كذأ راح تتعبين نفسيآآ
لان مستحيل تكونين ناجحه بكل شي بالحياة وبدرجه الاتقان
وراح توصلين لمرحله تتعبين فيها وتحسين ان الزواج شي مو حلو وانه مسؤليه عظيمه
تسوين طبخه وتنجح بنسبة 70% هذا شي حلو
يكون لبسك حلو بدرجه معقوله ..
تتكلمين مع زوجك بطريقه عاديه ولآتتصنعين المثاليه
تنجحين بزواجك وبحياتك الجديده لكن بطريقه ممتعه
وطبعا كل وحده لها ميزتها الخاصه .. مثلا : وحده تقدر تكون طباخه بمرتية شيف مبدع .. لكن عاديه بالجوانب الثانيه .. فـ تستغل هالموهبه بطريقه حلوه
مثلا غيرها تكون بنوته لهلوبه وذربه بالكلام
غيرها تكون حنونه ورومنسيه .... وكذآ
يعني كل وحده تشوف الميزه اللي عندها وتعززها .. وتهتم بالجوانب الثانيه بطريقه حلوه
وبنفس الوقت تحاولين تتركين صفات فيك ماتحبينها .. مثلا : العصبيه
اذا انتي عصبيه حاولي تمسكين اعصابك وتكونين هاديه شوي .. لان هذا زوجك ماهو ولدك عشان تعصبين عليه
اذا انتي تحبين تطلعين كثير ومشواريك ماتخلص .. حاولي تقللين مشواريك شوي لان عندك بيت وزوج مسؤله عنهم

وكذآ

تحاولين تبدين حياتك الجديده بطريقه عقلانيه وواقعيه .. عشان ماينصدم زوجك بعدين ولآ انتي تكرهين حياتك الجديده
انا مااقول اهملي زوجك وبيتك .. لآ
انا قصدي حاولي تكونين واقعيه وتفكرين بالمور بطريقة صحيحه وتوزنينهآ .. لآنك مانتي ملآك ..

**


اول شي فقدته بعد زواجي ( النوم)
قبل زواجي كنت دااايمااا .. اسهر خصوصاا بعد تخرجي .. مرات كنت اواصل يومين
مرات انام 12 ساعه متواصله من الفراغ والسهرر
لكن الحين ... لا والف لا .. دآآ بعدي
لازم لازم تصحين قبل زوجك ..
يعني تخيلي زوجك صاحي وجالس وانتي بسابع نومه احس المسكين بيحس بإحبااط
تخيلي يرجع زوجك من الدوام وانتي نايمه تو بآآآد
لازم يكون فيه تنظيم شوي لنومك ..
ولازم لازم تعرفين إنه فيه واحد مسؤله عنه انتي الحين << صار ولدي مو زوجي

**



الاهتمام

بإختصار .. عاملي زوجك كأنه ولدك
شفتي الام شلون تخاف على ولدها وتداريه !!
بصراحه انا من هالناحيه احس اني مقصره مع زوجي ( ببداية زواجي) مع اني كنت واعيه كثير وفاهمه امو الزواج كثييييررر ... بس الواقع غير
بقولكم موقف مريت فيه :
طبيعت عمل زوجي .. انه يجي العصر ... اوكي
فكنت اسوي الغدى الساعه 3 .. طوول ايام الاسبوع ... والخميس والجمعه مااسوي شي
لانه يتغدى مع اهله تحت .. لانه وقت الغدا يكون موجود ومو لازم اسوي شي ... اووكي
كان يوم خميس .. وزوجي نايم ... لانه كان سهران ماصحى الا الساعه 3 تقريباا
وطبعاا انا ماسويت لاغدا ولا شي لان اليوم خميس ( مثل ماتعودت)
لكن غاب عن بالي ان الساعه 3 .. واهله تغدوا وخلصوا
والاخت فالله كانت تقلب بقنوات التلفزيون وتتفرج
اول ماقام من نومه ماقال لي شي ... بس كان موده زيرو
بس باليل ... انفجرت القنبله
انتي ماتهتمين فيني
انتي ماتفكرين فيني
الخ الخ الخ

كان المفروض اني افكر بزوجي ... اذا قام وش بياكل ؟!
مااكون زي الآله اسوي واجباتي بالحرف .. من غير تفكير
يمكن تكون غلطتي بسيطه .. بس خربت علي يوم كامل
للمعلوميه يابنات .. ترا نقد الزوج مثل الطعنه بقلب زوجته
احساس غبي .. وان شاء الله ماتمرون فيه مثلي


**


النصايح وماادراك مالنصائح

قبل زواج البنت تلقين النصايح بالهبل من كل جهه
لاتعطينه وجه
لايمشي رايه عليك
عوديه من البدايه
الخ الخ
اغلب خراب هالبيوت من هالنصايح الغبيه
قبل كل شي شوفي حيات اللي نصحتك ؟ هل هي ناجحه مع زوجها ؟؟؟
وبعدين الحياة على ارض الواقع غير غير غير واكبر بكثير من كلام ونصايح
هذآ انسان ارتبطتي فيه .. له طبعه وشخصيته وحياته الخاصه
يعني معقوله تبي تمشينه وتعودينه على اللي تحبين ؟؟
وهو .. وين رغباته ؟ وين رايه ؟
تعاملي مع زوجك بعفويه .. حبيه .. احتويه .. طيعيه
انا مااقولك لاتقولين له لا ابد ولو على حساب نفسك ..
قوليله لا (بأدب) يعني ناقشيه .. فهميه وجهة نظرك ..
واذا مااقتنع .. تنازلي .. وخليه يمشي رايه
لانه لو عندتي بيمشي رايه غصبن عنك
فاحسن انه ينفذ اللي يبيه وانتي راضيه والا غصبن عنك
هو المره الجايه بيحس على دمه وبيجي اليوم اللي هو يتنازل عشان عيونك
بس انتي ابدي اول ولا تعندين


إنتظروني .. واللي بترد بالماوس على خشتهآ

اهل زوجك
ماراح اتكلم كثير بهالموضوع
بإختصار :
اذا اهل زوجك طيبين وحبيتيهم وحسيتيهم مثل اهلك
صيري لهم بنت .. حطيهم بعيونك ..
اما اذا مشاكلهم كثيره وتصرفاتهم غبيه
فنصيحه .. خلي علاقتك معهم سطحيه وبس
اهم شي الاحترام

**
الحساسيه
ببداية زواجي كنت بس آبكـ ــي

اي شي يسويه زوجي افكر مية مرره ليش قال كذا .. ليش سوا كذآ
وافسر تصرفه بشكل غبي وسلبي
مره من المرات كانت امي تعبانه .. الله يخليها لي ويطول بعمرها ياارب بصحه وعافيه وتشوف عيال عيالي (قولوا آمين )
كانت امي تعبانه .. وانا عندها .. كلمني
قلت له .. امي تعبانه وودي انام عندها اليله
فقالي : نامي عندها
انا هنا انصدمت
سكرت السماعه وبكيت
جاني الشيطان يوسوس :


هذا مايبيني
هذا ماصدق على الله
هذا يكرهني
مايشتاق لي

وزوجي المسكين كان قصده عشاني وعشان امي

اكتشفت بالاخير ان زوجي مايقول كلام ويقصد غيره ... وانه عفوي وواضح جدا وماعنده لف ودوران وتلميح( وهالشي باغلب الرجال اذا ماكان كلهم)
وحتى لو يكرهني قالي اكرهك بوجهي
يعني احس انه التلميح والكلام من تحت لتحت يخص معشر النساء فقط
والرجال برئ منها
فـ عشان كذا لا يلعب عليك الشيطان ويقولك ترا قصده كذا ترا يبي كذا ... الخ
اللي يبيه منك زوجك بيقوله بوجهك .. ماراح يلمح لك وماهو مجبور
فـ خلي نيتك صافيه
قبل مايكون عشان زوجك .. فهو عشانك عشان سعادتك



**


الرجل : كآئن حي (مفهي) جدآ

كثير من صديقاتي يشتكوون
زوجي مو رومنسي
زوجي تقل شايب
زوجي ماعنده احساس
زوجي مايقولي احبك ... الخ

اغلب الرجال كذآ صح ؟
للاسف اكتشفت ان الرجل : كآئن حي (مفهي) جدآ
وهذا شي عادي وطبيعي جدآ ..
وياما وياما توقعت من زوجي حاجات وانصدمت
مرره كنت مسافره مع اهلي من دون زوجي
وكان هو بالبيت لحاله
غبت يومين .. وكانت بيننآ اتصالات رومنسيه وحلوه
فقلت بس ياابنت
اكيد مسوي لي بارتي
اكيد مطفي انوار البيت وماليه شموع عشان يستقبلني
وانا بالطريق افكر .. ومتحمسه
وباصمه بالعشر ان اليله غييييرر
بس
يوم دخلت البيت
مغبر وحالته حاله وفاتح النجفات ويفصفص
سلم علي ونزل عند اهله
هو ماسوى هالتصرف عشانه مايحبني لآ
انا متأكده انه يحبني .. وانه فرح برجعتي
اشوف الفرحه بعيونه
لكن : يعبر عن حبه بطريقه غير
عشان كذآ .. لاتكبرين الموضوع وتأزمين الوضع وهو مايستاهل
مع الوقت بيفهمك

**

هذي الاشياء الله حبيت اقولهآ بالنسبه لتعاملك مع زوجك
طبعاا فيه اشيااء ثانيه كثيره ومهمه مثل ( النظافه و اللبس واللباقه والادب ... واشيااء كثييييرر
بس اعتقد ان قوقل صابته تخمه من هالمواضيع ومايحتاج ازيد واعيد بنفس النصايح
اللي مريت فيه وحبيت اقوله .. اختصرته للفائده

لآ حد يرد .. جآيتم

موضوع رائع :)

رااااااائع فعلا تسلمي حبيبتي وتستهلي التقييم

ما شاء الله عليج ..

هذا والصمت عو عنوانج وما ظل شي ما قلتيه.. عجل لو كان الكلام والسوالف عنوانج شبتسوين :037: :037: :037:

تشكرين على هالمجهود .. حتى أنا الي صار لي سنتين متزوجة استفدت منه

ما شالله نصائح مفيدة جداااا
وتجربة رائعه وشاملة

الله يوفقج يارب ولي عودة بعد زواجي ان شالله بعد اشهر

الله يوفقكم يا عرايس

موضوع رائع ومفيد

يعطيج العافية حبيبتي

وربي موضوع روعه


يعطيك العافيه يالغلا

مجهود رااااااااااائع ^_^

اول شي الموضوع رووووووووعه وتوك عروسه بس منظمه ماشاء الله عليكي
نجي لاجوبة الاسئله:-
*الصعوبات اللي واجهتيها ببداية زواجك ..؟ وكيف تغلبتي عليهآ ..؟اممم ماكان فيه صعوبات بس اهله ماكانو متقبلين اني ماابي الخدم ينظفون شقتي ههههههه بس الحين الحمدلله
*مقومات الزواج الناجح .. من وجهة نظرك ..؟الصبر وبعض التنازلات من الزوجين <=لاحظو اني قلت بعض التنازلات مو كثييير
*طريقتك بترتيب بيتك ..؟ اصحي الاخ يدخل يغسل وجه اكون رتبت السرير وعدلت شكلي خخخخ بعد كذا اجهزله فطور خفيف تحت عند اهله لان ماعندي مطبخ :$ عندي زي البار
واممممم بعد كذا تنظيفات شامله غبار,تكنيس, حمام بس مو كل يوم الحمام لا كل يومين تقريبا او لما يكون زوجي مسوي كارثة حلاقه<=يحب يحلق بالبيت خخخخخ
*كيف واجهتي الشبح (الطبخ) ؟! مااطبخ الحمدلله وامه تدري وهي اللي تطبخ ههههههه
*مواقف محرجه مريتي فيها ببداية زواجك .. في الطبخ او اي شي ؟؟مامدا امر بموقف محرج ههههههه
*موقف لاتنسينه ابدآ ..؟ اشياء فقدتيها بعد زواجك ..؟فيه مواقف كثير ماانساها واللي فقدته الجلسه عالنت براحتي وجزء من حياتي الاجتماعيه صديقاتي وكذا خخخخخخخ
*نصيحه لبنات مقبلات على الزواج .. او متزوجات حديثآ ..؟ الصبر ثم الصبر ثم الصبر والاستغفار واحمدي رببببك غيرك عنده العن ونظافتك الشخصيه ونظافة بيتك لانه مرايتك يعني لو طب عليكي احد وبيتك موش ولا بد كأنك انتي اللي مو نظيفه,,وبس شوكرن عالموضوع القميل^_^

وااااااااااايد حلو الموضوع ومفيد
و اسلوبها عجيب ضحكني ههههههههه خصوصاً : هاربيك قال خلطات قال
هههههههههههههههههههههههههههه


مشكووره حبيبتي على النقل الهادف
و الله يعطيج العافيه

و جد محتاجين مواضيع واقعيه و مفيده جذي (:

تستاهلين التقييم

مرررررررررررررررررررره شكرا


الموضوع رووووووووووووووووووووووووعه


تسلمين عالنقل


وياليت المتزوجات جاوبوا عالاسئله

احلى حلوه ياحبيلك ( : ياصديقتي انتي واجاباتك

احلى~حلوه;11488138:
اول شي الموضوع رووووووووعه وتوك عروسه بس منظمه ماشاء الله عليكي
نجي لاجوبة الاسئله:-
*الصعوبات اللي واجهتيها ببداية زواجك ..؟ وكيف تغلبتي عليهآ ..؟اممم ماكان فيه صعوبات بس اهله ماكانو متقبلين اني ماابي الخدم ينظفون شقتي ههههههه بس الحين الحمدلله
*مقومات الزواج الناجح .. من وجهة نظرك ..؟الصبر وبعض التنازلات من الزوجين <=لاحظو اني قلت بعض التنازلات مو كثييير
*طريقتك بترتيب بيتك ..؟ اصحي الاخ يدخل يغسل وجه اكون رتبت السرير وعدلت شكلي خخخخ بعد كذا اجهزله فطور خفيف تحت عند اهله لان ماعندي مطبخ :$ عندي زي البار
واممممم بعد كذا تنظيفات شامله غبار,تكنيس, حمام بس مو كل يوم الحمام لا كل يومين تقريبا او لما يكون زوجي مسوي كارثة حلاقه<=يحب يحلق بالبيت خخخخخ
*كيف واجهتي الشبح (الطبخ) ؟! مااطبخ الحمدلله وامه تدري وهي اللي تطبخ ههههههه
*مواقف محرجه مريتي فيها ببداية زواجك .. في الطبخ او اي شي ؟؟مامدا امر بموقف محرج ههههههه
*موقف لاتنسينه ابدآ ..؟ اشياء فقدتيها بعد زواجك ..؟فيه مواقف كثير ماانساها واللي فقدته الجلسه عالنت براحتي وجزء من حياتي الاجتماعيه صديقاتي وكذا خخخخخخخ
*نصيحه لبنات مقبلات على الزواج .. او متزوجات حديثآ ..؟ الصبر ثم الصبر ثم الصبر والاستغفار واحمدي رببببك غيرك عنده العن ونظافتك الشخصيه ونظافة بيتك لانه مرايتك يعني لو طب عليكي احد وبيتك موش ولا بد كأنك انتي اللي مو نظيفه,,وبس شوكرن عالموضوع القميل^_^

روعه موضوعج ورااح يفيد كل بنت مقبلة للزواج في ميزان حسنااااتج ولج احلى تقييم