صباح الخير يا حلوييييين
اخباركم
اليوم ارسلوا لي مسج وزارة العمل عن التقييم في معهد البحرين يوم السبت ..
في احد قدم هذا التقييم من قبل ؟؟ظ
اللي قدمت اتمنى تفيدنا بخبرتها شنو نوعية الامتحان ؟
ووش عطوكم بالتفصيل ؟؟
ولكم شكري وامتناني
شنهو تقصدين تقييم وانتي شنهو دراستك
حبوبه انا دارسه علم نفس
والتقييم اللي من صوب برنامج ولي العهد لتوظيف الجامعيين
عن طريق وزارة العمل
معقوله محد يعرف ؟؟؟؟؟؟؟؟؟؟؟؟؟؟؟؟؟؟
هلا أختي
ما شاء الله للحين في ناس ما قدمت هالامتحان بعد
على العموم الامتحان تقدمينه كله على الكمبيوتر ويتكون من أربعة أقسام
الأول الانكليزي منوع قواعد وريدنج يعني فقرات وعليها أسئلة تقريبا 50 سؤال
الثاني أسئلة الآيتي يعني تبع الكمبيوتر وعلى فكرة اسئلة صعبة وتخصصية بحتة اللهم كم سؤال عادي 50 سؤال بعد
الثالث أسئلة القدرات الشخصية أشكال ورسومات وما أدري ويش
الرابع الرياضيات 25 سؤال بعض الأسئلة عادية وبعضها تخصصية صعبة
وبسسسسسس
مدة الامتحان ثلاث ساعات وربع بس تخلصينه قبل الوقت
الله يعينكم ويعينا ويرزقنا الوظيفة المناسبة
مشكوره حبيبتي راحة بال كفيتي ووفيتي
والله يستر لاني نسيت كل شي صار لي 4 سنوات متخرجه واول مره بقدم امتحان
هلا أختي لا شكر على واجب
ترى الامتحان ما له علاقة انش متى تخرجتين لأنه الامتحان عام وما يبليه مراجعة
انتين وشطارش
..احنا قدمنا هالامتحان من 3 شهور..
وكان بس 3 اقسام.. مو أربعة
آي تي + انقليش+ وقدرات
الاسئلة يبي لها شوي وقت وتفكير
وبناءا على النتيجة يعطونش دورات تأهيلية
يعني اذا نجحتين فيهم كلهم مايحتاج الدورة.. واي مادة ماتجيبين فيها زين يعطونش بعدها دورة
احنا الحين ناخذ دورة في معهد البحرين آي تي.. وقالوا لا ان فيه دفعات عندهم أنقليش وآي تي..
وكل بين فترة وفترة يطرشون على عدد معين.. لأن الاعداد كبيرة
ومدة الدورة 3 شهور.. ويعطون كل شهر 200 دينار
وموفقين ان شاء الله