وأخــــــيـــــراَ طلع لـي خــطـــيــــن

السلام عليكم ورحمه الله وبركاته

شلونكم ياعرايس ان شاء الله طيبين ..

.
.

عندي لكم بشاااااااارة حلووووووووووووووة واكيد راح تفرحون لي :040:

امس حللت الظهر وطلع لي خطييييييييييييييييين واطير من الفرحه

وادق على زوجي واقول له انا تعبانه تعال لي واحسن شئ بالموضوع ان بيتي وراء دوام زوجي

دقيقتين وهو عندي والله كسر خاطري شكله كان خاايف علي وانا لما شفته قعدت ابتسم

ماعرفت شلون ابشر زوجي وقلت له انا طيبه ومافيني الا العافيه بس ابيك تحكم على شئ.؟؟


هو طبعا مافهم واطلع الشريط حق الحمل كان فيه خط غاااااامج والخط الثااني فاااتح ..

قلت له شرايك ؟؟ فيه حمـــل ؟؟

قعد يقووول شنو هذا ؟؟ من وين لك شريط حمل ؟؟ منو جابه لك ؟؟

هههههههههههههه هو بوادي وانا بوادي


قلت له اختي أطلبت زوجها يشتري لي <= كنت متفائله بالحمل وحابه أفاجئ زوجي

قال لي لا لا لا تفرحين يمكن هذي من تأثير الابرة التفجيريه الي اخذتها من أسبوعين

قلت له لاااااا مالها اي علاقه بالتحليل وبأذن الله انا حاامل وهالفترة زوجي مو مصدق

ويدق على دكتوري الي متابع حالتي وسأله قال الدكتور احتمال يكون حمل بس لازم تنتظرون

أو تسوون تحليل دم عشان تتأكدون وأروح ادق على صديقه اختي (( دكتورة نساء ))

وأسالها والحمدالله طمنتني وقال (( اذا فيه خطين واحد غامج والثاني فاتح بأذن الله

فيه حمل )) وكان وقتها وقت الدووورة مع ان دورتي مو منتظمه بس حسبتلها بموعد الدورة

الي طافت واقوول حق زوجي بروح للمستشفى ((خاص ))عشاان أتاكد ويقول لي بعدين

لانهم مسكرين نروح للعصر ...


زوجي لما أستوعب ان فيه أحتمال حمل قعد يقوووول لي والله لاسوي لك حفله

واجيب لك هديه ههههههههههههههههههه عشان عيد ميلادي الاسبوع الجاي وعشان الحمل

والله يابنات ان زوجي طلع من عندي وراح لدوام وهو مو متاكد باني حامل

وانا تطمنت من كلام الدكتوة وانتظر متى يطلع زوجي من الدوام وتجي ساعه 2 ونص ويجي

زوجي ويقول لي لاتفرحين يمكن ماتطلعين حااااامل واقووول له ابي افرح في هاللحظة لاني


من زمااااان ماطلعت لي هالنتيجه صار لي سنه و7 شهور من يوم سقطت وكل ماسويت

تحليل يطلع لي ساااااااااالب :(


بس الحمدالله رحنا للمستشفى وسويت التحليل وطلعت حــــــامــــــل :03:


وعلى طوووووووووووول دقيت على أمـي :053: أبشرهاااااااا وبشرت خواتي

ودقيت على عمتي (( ام زوجي )) أبشرها وأفرحت لي وقلت لها تبشر عمي

وقلت لها ادعوا لي بصلاااتكم والله ماقصرت قعدت تدعي لي ..

ونبهتهم ان هالخبر ماينتشر لاني توني في بدايه الحمل ..

وبأذن الله راح أبلش بالمراجعات بعد سبوعين وأبلش بالمثبتات والرااحه التاامه


لاني تعلمت من حملي الي طااف لاني سقطت في بدايه شهري السادس واحتررررررق

قلبي على ولدي الي خسرته بأهماااالي :(

والحمدالله ربي رزقنا هالشهر من بعد ثلاثه شهور علاج بالكلوميد وأبره تفجيريه ..

ولاتقولون ليه ماتعالجتي عقب ماسقطتي طول هالمدة والله انشغلنا بظروفنا وسفرنا

والحمدالله صـبـرنـا ونـلـنـا :072:

ومن امس كله زوجي يناديني أم فـهـد هههههههههههههه ياحلوهااا هالكلمه

الله لايحرمكم منهاااا ياااااااااااااااااااارب ..


بنات الدكتور يقول لزوجي لما ادخل الشهر الثالث راح يسوي لي ربــط ..!!

وبصراحه انا خاايفه فيه احد منكم قد سواه او يعرف احد سواه ..؟؟

ياليت تفيدوني هل له اعراض سلبيه او ياثر على البيبي ؟؟

<== خااايفه من البنج الكااااااااااااااااااااااامــــل ..


وبالاخير ..

اللهم ثبت حملي وأتممه على خير وأجعله من الذريه الصالحه ..

والله يرزق كل محرومـــــــــــــــه ويجعلها تذوووق طعم الفرررررحه والأمومه يااااااارب ..


واسمحولي يابنات والله اكتب لكم وانا مستعجله مابي اطول على النت عشان

ابي افرد ظهري على السرير واريح نفسي اول بأول <= انقرصت من حملها الأول ..



عسى ربي يوفقكم :025: