بعد طول غياب قصة ولادتي وصلت

مرحبا شلونكم شخباركم يا حوامل وامهات
حبيت اول شي اسلم على امهات شهر اغسطس 2009 ايام كانت حلوه معاهم واستفدنا وايد اخص بالذكر ام نمير و بجعه وريما وسحابة وفيض الحب وعذاب وسونيا وسامحوني اذا نسيت احد:040:

الحين قصتي كان المفروض موعد ولادتي بتاريخ 14 اغسطس على الدورة وبالسونار 16 اغسطس يوم 14 صادف الجمعة وانه كنت انتظر الالم اييني ولا ياني خبركم بكريه ولا تدري شنو بصير لها هههههههههه وانه موعدي في المستشفى كل يوم احد من كل اسبوع وصادف اخر موعد كان تاريخ 16 يوم الاحد رحت موعدي ودشيت على الدكتورة من شافتني اتقول للحين ما ولدتي قلت لها مب راضي يطلع عاجبه الوضع دخل بطني هههههه فتحت الفايل وجافت انه المفروض موعدي الجمعه وقالت لي ما اقدر اعطيج موعد لللاسبوع الياي بتكونين كملتي عشر ايام واكثر وبتتأخرين على فكرة انه اراجع مواعيدي في المركز تبع المنطقة قالت لي الدكتور بحولج على السلمانيه واهم اقررون يعطونج مهله او طلق صناعي عطتني الفايل ورحت مستشفى السلمانيه من طلعت من المركز مريت على زوجي في الشغل وخذته ويايي رحنا ودخلت عالدكتورة هناك قالت لي بسوي لج الترا ساوند بجوف جم حجم البيبي وعلى اساسه بقرر سوت لي الا اتجوف حجم البيبي 3 كيلو و 900 غرام انه اهني انصدمت خفت تكتب لي قيصريه لانها سألتني جم طولج انه مب مقصيرة وايد طولي اوكي لانه الي قصيرة اخافون اكون حجم الحوض صغير والياهل ما يقدر امر منه المهم الا اتقول الحين البيبي تقريبا بصير 4 كيلو حجه كبير واخاف اخليج اكثر واصير شي الا اتقولي روحي طوارىء الحوامل وعطيهم لورقه علشان ترقيد واهم الدكاتره بقررون شيسوون رقدوني تاريخ 16 نفس اليوم ويات لي الدكتورة يوم ثاني وقالت لي بحط لج نص تحميله طلق صناعي وبنجوف اذا ما ياج طلق بكره بنكمل وبتولدين واذا ياج تسهلت الامور المهم حطو الطلق وانه انتظر الالم ولا ياني هههههه وتاريخ 18 حطت لي تحميله كامله طلق صناعي وابتدى الم خفيف مثل الم الدورة الظهر والعصر ياتني الدكتورة المناوبة وقاست اتقول للحين ما توسعتي اتقولي دام في الم ما بحط لج تحميله ثانيه بوسع لج وياريتها ما وسعت ذبحتني تميت اصيح وريلي وياي ميود يدي وانه الم مب قادرة وتميت من العصر الالم الى الليل وانه بس سانتين ليلتها ما قدرت حتى انام وتميت الى يوم ثاني يات الدكتورة الصبح على 9 وقاست جافت 4 سانتي قالت يلا ولادة انه اهني ارتحت اشوي وقلت هانت يومين اطلق وتم الالم اصير اقرب من قبل وقبل لا اولد حسيته ورى بعض ريلي كان ويايي اروح وايي مب عارف يقعد كل دقيقة ايون دكاترة وممرضات لي الغرفه على اساس انه بغ بيبي وكل دكتورة اتقول ما قالو لج قيصريه قلت لهم وانه ميته من الالم ما قالو عقب هالالم وما بقى شي واولد بقررون لي قيصريه مابي وعقب ياو اقيسون وجافو صرت 8 قامو اجهزون وتلايمو كلهم عندي بالغرفه خايفين اصير شي والياهل ما يقدر يطلع ولما وصلت 10 قامو اقولون لي بش بش وانه اعصر اتقولين اشجعون فريق كره قدم وعلى الساعه 4 الا عشر يبت احلى عبدالله بالدنيا الحمدالله الحين عمره 6 شهور الله يحفظه ادعو له بالهدايه والصلاح
ولما جافو وزنه كان 3 اتقولي الدكتورة الي ولدتني من الي سوى لج الترا ساوند وقالج 4 ما اعرفون اقولها عندكم بالمستشفى هههههههههههههههه

نصيحتي للبكريات وكل الحوامل اقرو سورة مريم على طول فترة الحمل ولا تشربون شي من نصايح امهاتنا ويداتنا مثل الزعفران والقرفه وهالسوالف الا لما اييكم طلق عدل لانه انه الي اتعبني وخلاني اطول بالطلق اني شربت زعفران قبل لا اييني الالم علشان جذي الرحم ما فتح بسرعه طولت عليكم وايد سامحوني والله اسهل عليكم كلكم ويرزق كل محروم:072: