تعبت منه والله تعبت خلاااص!! :( ساعدوني

السلام عليكم

بكل بساطه خطيبي ملعوزني والله وتعبت منه لآخر حد :(

قبل كنت اشوفه دايم يدخل الشات في وحده من هالقنوات وكنت أعرفه من اسلوبه

وكلامه والله يعني صايدته صايدته *_* وأشوفه يتغزل بالبنات وأسكت

ومرات توصل لدرجة أني أعصب وأزعل منه وأرسل له مسج على جواله

ويرد علي ويحلف انه بس كلام شات وخلاص!! وانه ولا مخلوقه تهمه غيري

والحمدلله عدت مرحلة الشات على خيررر :(

المهم هالقناة اللي كان يراسل عليها عندهم منتدى وانا دشيت صدفه

لأني شفت وحده من البنات اللي كنت اسولف ويااها موجوده وسجلت

عشانها والله!!! وصار هالشي شهر واحد وما دشيت المنتدى ألأ كم مره

وطلعت على طول وكان دخولي متقطع وغلطتي اني نسيت اقوله :( لأنه

والله ما همني المنتدى وهو على كثر انشغاله كان يقطعني بالأيام وأقسم

بالله راح عن بالي وما أهتميت!! وصدفه وانا أدوّر فالمنتديات أنفتحت لي صفحة

المنتدى ولقيت نكه موجود وخفت يشوفني بنكي ويعصب لأني ما قلت له من

قبل ورحت أسجل بنك ثاني هو ما يعرفه وقلت بدش وبضحك شوي وبشوف

شاللي يصير!! وأنقطعنا أكث من 3 اسابيع عن المنتدى!! لا هو دش ولا انا

بس من كم يوم شفته داش مسنجر ودخلت اكلمه ولا رد علي :( حقرني

وطنشني وسبحااان الله احساس قووي حسيته وكأنه حد يقول لي فتحي

المنتدى الفلاني وفتحته ولقيته موجود فيه :( والمصيبه قاعد يتنقل بين المواضيع

ولا كأني قاعده أكلمه ع المسنجر :( ودشيت بنكي الثاني اللي سجلته وسلمت

عليه على اساس انه ما يعرفني .. وشكله شاف نكي اللي هو يعرفه موجود فالمنتدى

وعرف اني مسجله وقلت اكيييد انه زعل مني لأني ما قلت له هالشي ولا رد علي

مسن وطوفت السالفه ..

بس اللي صدمني اني لما دشيت المنتدى لقيته قاعد يسولف ويضحك ويتمصخر

ويا البنات عادي ويتغزل فيه ويقول ..

مشكوره على المرور العسل ياعسل ويا حلووو .. وهذا من غير يمدح أهل دولة

البنت ويقسم انه يحب هالدوله وأهلها :(

وربي عصبت منه!! لأنه من أكثر من 10 ايام وانا ما سمعت صوته ولا حتى رساله

وصلتني منه!! ويدش هالمنتدى طول الوقت ودايم اشوف تواجده لحد الفجر الساعه

5 او 6 الصبح :(

وبصراحه أنقهرت والله ودشيت الصبح ودش على ملفي وكتب صباح الخير!! ورديت عليه

وانا استهبل وقام يتغزل ويقول النور نورج يا أحلى عيوون وفي كلام غيره وطبعآ كل كلامه

انا اشوفه لأنه هالمنتدى ما في ألا رسايل زوار ومحد يقدر يضيف شي او يمسح شي!!

ومن العصبيه رديت عليه وقلت تستهبل بعد ادري اني مفضوحه وأقسم بالله زعلانه ومتضايقه

منك!! وطلعت من المنتدى !! طبعآ هو استغرب ردة الفعل وارسل يقول منو انتي وشكلج

غلطانه او انا ضايع بالطوشه *_* وبعدين عرفني لما كتبت له على المسنجر وشفته

بعد المغرب 4 ساعات وهو موجود فالمنتدى وفوق هذا ولا كأنه شي صاير او انا زعلانه

او متضايقه منه .. ورد وكتب لي زين انج عرفتني مع اني كنت متنكر!! يعني قاعد يتطنز

علي لأني كنت داشه بنك ثاني غير اللي هو يعرفه!! وكتب لي ضربي وبكى سبقني

وأشتكى يعني انا كنت مسجله قبله وما قلت له وهو ما سوى شي غير انه سجل!!!

رحت وكتبت له ايميل طويل وقلت له السالفه من البدايه واني ما سجلت ألا لعيوون

بنت وملفي كله جدامه وقلت له شوف لو اني تخطيت الحد ويا اي واحد او اني سولفت

ويا أي شخص موجود!! مالي دخل بحد ومن الأساس ما أدش واااايد وقلت له اني ما

زعلت لأنه سجل!! بس زعلت وتضايقت على اسلوبه ويا البنات!! كأنه يبي يعلق البنات

فيه ويحس انه مرغوب بينهم :(

والحين قلت مارح ادش المنتدى لا بنكي الأصلي ولا الثاني !! بس أنصدمت اني شفته

اليوم موجود من الفجر لحد الساعه 12 ونص :(

ويضحك ويسولف عادي ولا كأنه حبيبته زعلانه منه .. :(

والله العظييييييم حسيت بالضيقه لأني حسيت اني مب هامتنه !! *_*

قولولي شسوي؟؟؟ ادش المنتدى واسولف ويا البنات اللي أعرفهم وأخلي نفسي

ولا كأنه موجود وأكيييييد محترمه نفسي قبل كل شي ولا أتعامل ويا الشباب مثل

ما كنت !! او إني اترك المنتدى ولا ادشه وأخليه هو على كيفه ويحترق قلبي :(

ولا أتركه هو وخلاص أنهي كل اللي بيننا وللأبد :( وربي تعبت منه والله *_*