الرجاء ساعدوني في مشكلتي مع بنتي..

أختى الكريمة انا هأحكى لك تجربتى مع بنتى

لسه من فترة قريبة جدا

كنت علمت بنتى خلاص إنها تعمل تواليت وحدها

وإستقرت فى الليل والنهار والحمد لله

لغاية ما عملت زيارة لأمى عندى

وبدأت من هنا المشكلة

بنتى بتعمل حركة بشفيفها بتضغ بأسنانها العليا

على جنب شفتها السفلية المهم إنها بدأت تاثر

على شكل شفتها وأسنانها السفلية فجدتها عايزة

مصلحتها بدأت تزعق لها كل ما تشوفها ووصلت

لمرحلة التهديد بالضرب ووضع الشطة فى الفم

طبعا أنا كنت بأحاول امنع امى من التصرفات دى

بس الناس الكبار مش بيقتنعوا بالكلام ده

طبعا بنتى نتيجة الخوف رجعت للتبول على نفسها

أكثر من مرة فى اليوم وبالليل كمان

لما نبهت والدتى لنتيجة تصرفاتها وقفتها وسبحان

الله بعدها رجعت إستقرت تانى وتحكمت فى

عملية التبول

الخلاصة إن الطفل فى الموضوع ده بالذات بيتأثر

بنفسيته لو شعر بالخوف والتهديد ما يقدر يمسك

نفسه أيا كان نوع الخوف او التهديد حتى لو كان

الخوف ده من إن طفل أخر يحتل مكانته عن أهله

ويكون نصيبه الاهمال

راجعى تصرفاتك مع بنتك وإن شاء الله تلاقى

السبب فى مشكلتها وتحليه ربنا يحفظها لك

ويهديها لك

أختك فى الله أم سلمى