بليز دخلو شوي

ان شاء الله يكون شي طبيعي من الحمل ، بس شلون ساكته؟
ضروري تروحين تسألين دكتورتج حبيبتي ، تحملي تخلين روحج جذي بس تقعدين تحاتين ولا تدرين شالسالفه هاللون ...
روحي تطمني وطمنينا عليج ويارب مافيج الا العافيه ...

اختي والله ما عندي فكرة يمكن من الحمل لكن مدام الالم استمر فترة افضل تستشيري الدكتورة عشان طمنك

وسلامتك اختي

هذي مو غده يا شوشو
الحليب يالس يتكون عندج

تحسين انه صدرج منتفخ
ولما تحطين ايدج صوب عند صدرج نهايه اباطج
تحسين بشي يابس صح!!
وما تقدرين تنامين عليه من الالم
اذا هالشي اللي تحسينه يعني الحليب يالس يتكون
عندج ..

نفس ماقالت الاخت جود وماعليكي شر ان شاء الله.

عيل اكيد مثل ماقالت جود ، هذي شكله الحليب قاعد يتكون ويبي يطلع حق البيبي ، ربي يسهل عليج ان شاء الله وعلينا ...
سامحيني يمكن خرعتج مساعه ، بس خبرج بجريه مثلج وخوافه هههههههههههه :)

شوشو لا تحاتين نفس ما قالت الاخت جود
وما عليج الا العافيه ان شاء الله
بس احتياطا بعد خبري الدكتوره عشان تطمأنين .

ايه عليكم ماقصرتو والله :)

اقولكم امس رحت المستشفى جان الدكتورة يبين عليها صغيره وخرعتني زياده تقولي الحين مانقدر نسوي لج ولا شي لان انتي في التاسع وتمت اتجيك بيدها قالت فيه غده بس مابنعرف نوعها الاا بالتلفزيون جان اموت من الخوف واطلع بصياحي ومن صوب ثاني امي بغى يغمى عليها من المحاتاه والخوف

جان ارجع البيت وامي تكلم رفيجتها دكتورة متخصصة في هالشي ومسكينة الدكتورة كانت طالعة من عيادتها الساعة 9 في الليل وقالت حق امي الحين بامر عليكم بجيكها وبس يات مسكينة وجاست سدري قالت لي وايد فيج تكتلات لبنية مثل ماقالت جود من تكوين الحليب بس قالت لي السدر الي يعورني فيه وايد بزياده وقالت لي طبيعي لاتحاتين وهالشي يروح اذا داومتي على الرضاعة الطبيعية واذا قطعتي الطبيعي او خففتي منه بيزيد عليج الالم لازم ارضع كل شاعتين على الاقل :)

الحمدلله تطمنت وايد وانه الي خلاني اوسوس في وحده من اهلنا توها عمرها 29 ومب متزوجة توها اكتشفت انه فيها غدد سرطانية في سدرها بعيد الشر ومسكينة سوو لها عملية وشالوه الغدد :(

الحمدلله شوشو وان شاء الله مافيج الا العافيه ، بس عيل عليج بالرضاعه الطبيعيه عيل 5 شهور اجازه بس جذي غذي الياهل زين اما زين :041:

الحمدلله و ان شاء الله حليبج راح يكفي البيبي