شوي متأخره بس حبيت اكتب لكم قصة ولادتي ..

مساء الخير على احلى عرايس وحوامل ..
انا صار لي فتره والده يعني تقريبا ست شهور ..كنت حابه اكتب قصة ولادتي على طول بس اولادي الله يحفظهم ماخدين كل وقتي يعني يا دوب بدخل شوي على القسم كل يوم وبطلع ... المهم ما رح اطول عليكم اليوم حسيت عندي وقت فراغ وقررت احكيلكم قصتي ..<<<<<

انا متل ما كتير بيعرفوا تأخرت بحملي التاني كتيييييير وبعد خمس سنين محاولات حملت بفضل الله واخيرا وحملت بتوأم ولله الحمد .:086:
حملي ما شاء الله كان كتير لذيذ ولطيف وما تغلبت من مره مع انه كان لازم اخد مثبتات ومميع للدم طول حملي.. بس وزني ما زاد كتير واللي كان يشوفني ما كان يتخيل اني حامل بتوأم ..لانه وزني زاد بس 8 كيلو طول فترة حملي ..
اكتر غلبه كانت بالشهر التامن والاخير بالنسبه الي ..لأنه بديت احس بتقل كتيييير وصابتني حكه فظيعه هلكتني ..
الكل كان يقولي من الحمل وطبيعي ..بس بزيارتي الاخيره للدكتور حكيت له عن الحكه ..وهون كانت القصه .. بعد الفحوصات بين انه عندي ارتفاع بأنزيم الكيد وهاد اللي بيسبب لي الحكه وهاد شي خطير وممكن يعمل تسمم حمل ..
على طول حولني على المستشفى كنت بالأسبوع ال 34 ويومين ..دخلت المستشفى وما ضل ولا فحص الا عملته.
قرروا يعطوني طلق صناعي عشان اولد بس انا رفضت واصريت الا اعمل عمليه قيصريه كنت خايفه كتير من الولاده طبيعي لأنهم توأم ..حاولوا يقنعوني ورفضت ..ضليت بالمستشفى تلات ايام كلها فحوصات اخر يوم قالولي لازم طلق صناعي استسلمت ورضيت لأني زهقت من قعدة المستشفى ..
جهزوني وحطوني بغرفة الولاده وبدوا يعطوني الطلق الصناعي بس بكميه خفيفه كتير لأنهم كانوا خايفين يصير عندي تسمم حمل ..(طبعا انا بحكي عن مجموعة اطباء وممرضين كانوا مشرفين على حالتي طول فتره حملي لأني تأخلات بالحمل ..
كل نص ساعه كانوا يعملولي فحص دم عشان يراقبوا تسمم الحمل ..وللأسف هاد اللي صار ..صار تسمم حمل وعلى طول قرروا يوقفوا الطلق الصناعي واخدوني على غرفة العمليات عشان اولد بعمليه قيصريه ..
كان زوجي وامي روحوا على البيت قبل بربع ساعه بس ..دخلت الغرفه وهناك بديت ارتجف من كتر البرد حاله مو طبيعيه ..اعطوني ابرة الضهر وغطوا من عند بطني بستاره محل ما رح يعملوا العمليه عشان ما اشوف ..
بس والله كل حركه كان يعملها الدكتور كنت حاسه فيها من اول ما شق بطني كنت ابكي واصيح من الالم وطبيب التخدير اللي فوق راسي يزيد جرعة التخدير شوي لحد ما طلعت بنتي اول شي خلاني اشوفها وبعد هيك طلع الولد ..كان وزن البنت 2كيلو وشوي والولد 1950 غرام يعني اقل من 2 كيلو ..
زوجي وامي كانوا بيستنوا برا على الباب طلعت من الغرفه بعد نص ساعه تقريبا وجسمي كله بيرتجف من البرد او من ابرة الضهر ما بعرف ..
والحمدلله ضليت بالمستشفى خمس ايام بعدها ونزلت للأسف بدون ابني ولا بنتي ..بعد بيومين نزلت بنوتي وابني ضل بالحاضنه كمان عشر ايام على ما صار وزنه 2 كيلو .
وهلأ الحمدلله ما شاء الله اولادي صاروا ست شهور منورين حياتي ..
ادعولي الله يحفظهم ويحميهم من كل شر ..
طولت عليكم سامحوني ..:072: