اختكم nuorahفي ورطه

هلا اختي

الله يتمم لج على خير وييسر لج كل امورج

بخصوص موضوعج

اولا : البسي احلى شي عندج الي تشوفينه كشخه ويطلع جسمج حلو ومرتب وفي نفس
الوقت يكون ساتر لليد والصدر و يفضل يكون طويل احلى واذرب

ثانيا : تمكيجي يعني حددي عيونج و حطي اي شدو بس مب غامق مثل الاسود وربعه و حطي روج
يفضل يكون مشمشي او وردي شوفي الي يليق عليج و طبعا خلي شعرك مفتوح لا ترفعينه

ثالثا : لين جاو اهل خطيبك اتفقي مع امك او احد من اهلك ان يناديك قدامهم او مثلا امك تقول لاختك قومي نادي ( فلانه ) الي هي انتي على اساس ان ما بتدخلين الا اذا نادوك .

رابعا : ادخلي وانتي مستحيه حيل و حد يمشي جمبك حتى يعرفوا زين انك مستحيه ومب قادره تدخلين

خامسا : سلمي على الكل ويفضل انك تبوسين راس ام المعرس

سادسا اقعدي شوي ولا تسولفين تبسمي في حياء خخخ تقريبا ربع ساعه الى 20 دقيقه وبعدها قومي اطلعي من المجلس ... وبس


اتمنى اكون افدتج

الله يوفقك ياقلبي ويكتب الخير ..

اذا بيجو اهل المعرس يشوفوكي ..

البسي حاجه حلوه هااادية ونعومة ولا فيها اي تكلف زايد .. عشان مايقولو انك فرحانه .. وماكذبتي خبر ..

الحاجه الثانية .. يكون مكياجك نعوووووووم روج فاتح وردي او مشمشي .. وتحطي بلاشر مرره خفيف ويكون طبيعي ..

اما الكحل .. يفضل يكون داخلي وهادي والشدو خفيف .. ولو ماحطيتي احسن لك ..

والماسكارا خفيفة ..

لو ام المعرس بتجي لحالها .. يفضل انو امك هي اللي تكون معاها لوحدهم ..

يعني ماله لزمه دخول اخواتك .. ( مالهم دخل بالسالفة والموضوع خاص حبتين )

اتفقي مع امك انك تدخلي بعد 10 دقايق من الوصول ..

والله يوفقك الهي ..