وااااااااااصله حدي ....

ش

شمعة محبة

عروس برونزية

28-02-2010 | 08:10 PM

السلام عليكم ورحمة الله وبركاته
شحالكم ؟؟؟
أبغي أقولكم مشكلتي وياريت ألقى حل ...
طبعا الاتكال الاول والاخير على الله سبحانه وتعالى ....
أنا ذكرت لكم مشكله هني فالمنتدى يمكن من اسبوعين ...وهذيك كانت مشكلة من مشاكلي ...
http://forums.3roos.com/showthread.php?t=513903
المهم أنا تزوجت من 4 سنين ونص ... ومن تزوجت كل مشاكل الحمدلله رب العالمين ...
نطلع من مشكله وندخل في مشكله ثانيه ...
يبت أول بنت وتوفت بعد سنه ونص ...
وبعدها زوجي خطب وكان بيتزوج علي ...
من غير هذا صارت مشكله بيني وبين أهل زوجي ومن هذاك اليوم وأنا مب مرتاحه وأدعي الليل والنهار اني أطلع وأسكن بروحي ...
وفوق هذا زوجي مب النوع اللي يفهم ويسمع ... وكل ضدي ...
يعني الحمدلله رب العالمين كل مشاكل ... أنا ما أقولكم ان مشاكلي أسوء المشاكل في العالم .. بس أنا مليت خلاص وطفرت ...

المهم اللي أبغي أقوله ان بسبة هالمشاكل وهالظروف ... صرت انسانه وايد عصبيه كل معصبه وما أتحمل شي ... ولا أتحمل حتى بنتي ... ساعات بس تصيح على راسي أضربها أو أصرخ فيها ....
وااااااااااااااااااايد طفراااااااااانه من كل شي ...
يمكن بتقولولي اطلعي وروحي وتعالي ...
وبقولكم ان حالة زوجي الماديه وايد صعبة .. وأنا كم مره أقوله زيد مصروفي لانه يالله يالله يكفيني ...
ومن زمااااان وأنا أقوله أبغي أتعلم سواقة عشان أطلع وأرجع براحتي ... بس الماده ما تسمح ..
يعني باختصار أنا واااااااااايد كئيييبه و عصبية وطفرانه و و و و و و ....
والماده ما تسمح اني أسوي شي ... يعني من طلعه أو طلعتين خلاص يخلص مصروفي ..
حتى رصيد موبايلي يخلص وأتم أتسلف من أمي وخواتي ....

الحين مفكره اني أشتغل لان أبغي أطلع ببيت بروحي ...
و زوجي الله يهداه قبل كم شهر عشمني ان خلاص بنطلع و رحنا شفنا بيوت إيجار وعلى أساس ان خلاص فتره بسيطه وبنطلع ...
بس بعدها صدمني وقالي ما أقدر على الصرف ... عشان جذيه قلت بشتغل ...
عشان أساعده وفي نفس الوقت أشتري سعادتي ...
و واااايد انصدمت منه ... ليش يعشمني ... وبعدها يقولي ما أقدر ...
و واااااااااايد زعلت ونفسيتي تدهورت وفي يومين نزلت كيلويين ... وتميت أصيح وقلتله من تزوجنا ... لا سفرتني شهر عسل .... و ولا مره سفرتني سفره سياحه ... وسافرت مع ربعك مرتين ولا قلتلك شي ..
و يوم زادوا راتبك قلتلك زيد مصروفي و وعدتني انك بتزيده ... ويوم يت الزياده رحت واشتريتلك سياره من أغلى السيارات اللي ما تقدر على صرفها لانها غاليه وقطع غيارها غاليه وما زدتلي مصروفي وسكتت ...
وقلتله بعد ولا مره كلفتك فوق طاقتك ... ليش تسوي جذيه ؟؟؟؟ ليش تعشمني وعقبها تصدمني ؟؟؟ ودايما أسألك انا متعبتنك في المصروف تقولي لا انتي ما تصرفين وايد ...
انزين أنا ما أستاهل انك تسوي شي عشان خاطري ...
لا وبعد مره كانوا بينزلوله فلوس من الدوام يمكن 70 ألف درهم ...
وقلتله خل نسافر لو شي من دول الخليج ... و وعدني .. ويوم يت الفلوس صرفها كلها على السياره وما عطاني إلا مبلغ قليل جدا بالنسبه للمبلغ ....

أحس خلاص طفح فيني الكيل ... اليوم وايد طفرانه وأحس اني مب متحمله نفسي ولا متحمله بنتي ...
ماعرف شو أسوي ... أنا أستغفر وأقوم الليل وكثر ما أقدر أحاول اني أواظب على القيام ...
والله لو عندي سياره جان طلعت وخذت بنتي وورحت أي مكان ...

واااااااااااااااايد ملانه وطفرانه وكارهه حياتي ...
ومن يومين بنتي مرضت وزوجي عق السالفه كلها علي كأني أنا السبب في مرضها ..
والله حسيت بضيق ... حاولت أصيح لكن ما قدرت دموعي ما نزلت ...
وبعدها قلتله أنا وايد مضايقه منك و وااااصله حدي منك ...

ومن شهر ونص صارت مشكله عند أهلي وتعبت وايد ... مرينا بظرف وايد صعب بس الحمدلله عدت على خير والله يفرجها يارب ...
بس يوم رحت المستشفى قالولي انتي نفسيتج تعبانه حتى أمي تقولي انتي نفسيتج تعبانه ...
مادري شو أسوي ...
وااااااااااااااااااااااااااااااااااااااااااااااااااااااااااااااصله حدييييييييييييييييييييييييي
عالآآآآآآآآآآآآآآآآآآآآآآآآآآآآآآآآآآآآآآآآآآآخر .....

أختكم أم مريم ...

ب

بنت القمر وأحلى قمر

عروس ماسية

28-02-2010 | 08:24 PM

والله يااختي مااقول الا الله يصبرك ويرزقك خير الدني والاخره ويهديلك زوجك ويتحققلك كل ماتتمنييه ياااااارب عاجلا غير اجل

ح

حكايه المطر

عروس فضية

28-02-2010 | 08:37 PM

الله يفرج همك عاجلا غير اجل ويفرح قلبك ويسخر لك زوجك
وتذكري دائما حبيبتي انها ماتضيق الا ماتنفرج باذن الله ودوام الحــــــــــال من المحـــــــال هذا دائما عزائي والزمي الاستغفار...
تحيـــــــــــــاتي@_@

د

در مكنون

عروس رائعة

28-02-2010 | 08:37 PM

هونيها وتهون

أنا صرت اؤمن أن اي مشكلة مهما كبرت ما تعتبر مشكلة إذا ما عاملناها على هذا الأساس !!!! تعلمت لما يضايقني اي شيء كبر أو صغر أفكر بشيء اسوأ منه يمر فيه غيري

أبدأ أبداً ما اطالع إلا اعلى مني لما اكون في حالة أسى أو حزن أو أمر بمشكلة اطالع الأنزل .. مو تهاون وتكاسل عن محاولة الارتقاء لا .... لكن لما الانسان يبدأ يحس انه أقل مرتبة ويطالع ويحزن على حاله تفتر همته والعكس صحيح احساسه أنه في مرتبة جيده يعطيه حافز ... نفس لما طالب مستواه جيد جدا في فصل كلهم امتياز ممكن رغبته في المنافسه تدفعه للتطور وممكن في حالات كثيرة لأن يحس أن المسافة كبيرة يتهاون ويحس باليأس عكس طالب نفس المستوى في فصل كلهم جيد ممكن احساسه بالتفوق والثناء اللي يحصله يرفعان معنوياته ويتطور ادائه لارتياحه نفسياً

في ذكرش لمشكلتش قلتِ ان زوجك خطب وكان بيتزوج بس شكله ما تزوج مو ؟؟؟ الحمدلله هذي نعمة

وقلتِ أن فقدت طفلة بس هم ذكرتِ أن الله عوضك بطفلة ثانية الحمدلله حمداً كثيراً وهاي نعمة ثانية من أكبر النعم

زوجك وعدك يطلعك بيت وما طلعك ... يمكن شيء يضايق بس خلص الأمر صار واقع فعلاً فليش نستذكره ونلوم عليه ونعاتب

جربنا هالطريق وما نجح ... جربنا نعصب ونلوم ونترفز ووو " واعرف أن هذا شيء خارج عن الإرادة " ليش ما نجرب شيء بإرادتنا
نكون أهدأ مهما كنا داخلياً منزعجين ... ننسى الماضي وما نلوم أو نذكر فيه لحظة ... ورغم الظروف السيئة نضحك ونسوي مفاجآت وحركات بسيطة لتغيير الروتين ... المشاكل موجودة موجودة ... والبيت المستقل مؤجل حالياً والــ 70 ألف انصرفت خلاص ... وإذا تمينا نفكر فيها ونستذكرها ما نراح نكسب غير التعب النفسي

شو المانع أن نلجأ لسياسة جديدة وإن كانت صعبة ... وفكرة العمل ممكن تسهل هالأمر كثير فغير الأمان المادي ممكن يفيدك الابتعاد عن جو المنزل وقت الدوام ... حولي الفكرة لواقع ودوري شغل مريح وحاولي تغيري نفسيتك

والله يوفقك إن شاء الله

e

eng.meme

عروس مشاركة

28-02-2010 | 08:41 PM

السلام عليكم اختي اتمنى متزعلين من كلامي بس على راي المثل صغرهه بتصغر وكبرهه بتكبر
يعني اختي مشاكلج عاديه وبسيطه وطبيعيه لان الحياة الي مبيهه مشاكل حياة خياليه ومموجوده والظاهر انتي قبل لتتزوجين كنتي عايشه مدلله ببيت اهلج لان الواضح من كلامج انو انتي تحبين الطلعات وتحبين الحياة المترفه وهذا ياحبيبتي مو بمشكله كبيره لان انتي لازم تصبرين على بيتج وزوجج
ومسالة انو انتي كلما تعصبي تروحي تفشين خلقج ببنتج فهذا ياحبيبتي حراااااااااام لان انتي دتظلميهه وهي طفله وانتي متعجبه لان زوجج ديظلمج وانت كبيره وتتحملين الظلم
ميصير يااختي لازم تبرين وتتكيفين مع حياتج الزوجيه لان دوام الحال من المحال وهاي اني كدامج مخطوبه وبعدني ممزوجه وخطيبي مطلع عيني وميخليني اطلع من باب البيت ومع ذلك صابره واكول يجي يوم وتتعدل الامور ان شاء الله ومااكبر الامور واسويهه مشاكل لان كثرت المشاكل تحطم الحب وتؤدي للمل
وانتي تكولين انو زوجج يقبل انو انتي تشتغلين فاشتغلي ياحبيبتي لان الشغل ونسه وحياة جديده وعلاقات وصداقات وكل شي حلو بالشغل بالاظافه الى المنفعه الماديه
طولت عليج حبيبتي بس حبيت اكولج هونهيهه تهون وابتعدي عن المشااااااكل
وان شاء الله ترتاحين يارب[/SIZE]

ش

شمعة محبة

عروس برونزية

28-02-2010 | 08:58 PM

مشكورين خواتي على الردود ....
أنا مب أي مشكله تصيرلي أطلع حرتي في بنتي لا ....
صح أعصب وووو لكن ما أطلع حرتي فيها ....

حبيبتي
eng.meme
أنا تضايقت من كلامج ... يمكن كلامج صح ... لكن حبيبتي انتي مب متزوجه ...
وصدقيني يوم بتتزوجين بتعرفين أنا شو أقصد ...
ما أتمنالج المشاكل ... بالعكس الله يسعدج ويفرحج ....
لكن حبيبتي يمكن انتي ما فهمتيني عدل ....

وأنا مقدمه أوراقي للشغل صارلي مدة ... والحين أتريا ...
وأتمنى أتوظف ...

حبيباتي أي وحده قبل لا ترد علي ...
تحط نفسها في مكاني ....
أنا أساس مشكلتي اني واااايد صايره عصبية وملوله ... وهذا بسبة ظروف مرت غصبا عني ...
أدري بتقولون هونيها .... لكن أنا على هالحال من أكثر من سنه ونص ... ولو كان في يدي شي اني أقلل من عصبيتي جان سويته من زمان وما اضطريت اني أكتب مشكلتي ....

أ

أناناس & فرولة

عروس فضية

28-02-2010 | 09:06 PM

الله يصبرك حبيبتي ويفرج كربتك لا تفقدي الامل بالله سبحانه وتعاى ومافي ضيقه الا وبعدها فرج

د

دلع انثى :)

عروس مشاركة

28-02-2010 | 09:07 PM

لا حول ولا قوة إلا بالله
الله يفرج همك ويشرح صدرك ويسعد قلبك ويسخر لك زوجك
بإذن الله بأذكرك في دعائي ولا تنسيني من دعائك

أ

أميرة في قلب حبيبي

مشرفة سابقة

01-03-2010 | 12:31 AM

الله يفرج همك يارب

t

thequeen rose

عروس مشرقة

01-03-2010 | 12:59 AM

ربك يفرجها عليك

ن

نور مجان

عروس رائعة

01-03-2010 | 02:22 AM

الحل بأيدك لا تعكري حالك

ودام عارفه ان زوجك ماديا ما يقدر يوفر لج فلا تعبي نفسك في التفكير

ابدأي من اليوم ودوري على وظايف عسى تحصلي وظيفه وبعدها بتستانسي انتي وبنتك

ربي يسعدك

O

Om Ayman

عروس برونزية

01-03-2010 | 03:01 AM

حبيبتي الله يفرج همك ان شاء الله تلاقين شغل و دوري على بيت و استقلي بنفسك هدا هو الحل عشان تخلصي من المشاكل و تسترجعي هدوئك و استقرارك

n

noouf

عروس مشاركة

01-03-2010 | 03:40 AM

اللهم يهدى زوجك و يسخره لك ويرزقك بوظيفة

ل

لكبريائي-روايه

عروس رائعة

01-03-2010 | 03:54 AM

الله يشرح صدرك ويفرج همك ويارب مايجي أسبوع إلاوإنتي بأحسسسسن حال وربي دعيتلك من قلبي

&

јǿđ

عروس ماسية

01-03-2010 | 05:01 AM

اذا الله احب عبده ابتلاه
امتحان صبر

المستوى المادي اللي انتي تعيشينه نفس ما انا اعيشه
وتفكير ريلج نفس تفكير زوجي
سبحان الله احس بيننا اشياء مشتركة

عن الوظيفه حاولي تدورين .. حتى لو ماعندج سيارة
بعد الوظيفه مشي حالج بأي سيارة لين ما يعتدل الحال
وخلي قيمه البيت نص من راتبج ونص من راتبه

شوفي يا الغلا .. لازم تصبرين
روحي غيري جو مع بيتكم
خلي اختج تمر عليج

عن السفر شتقولين علي انا 3 سنوات ما سافرت
وشهر العسل كان بمكه لا ومع اخته وعيال اخوانه
يعني حتى شهر العسل مو بروحي
يلا الله كريم

شوفي فديتج الريال نفس الياهل
انتي تقدرين تعلمينه \ تفهمينه طبعا بسياسه مو عصبيه وهواش وغيره

راتب زوجي تقريبا 2100 درهم
تخيلي يعطيني بس 300
وهو مصروفه الشخصي 1000
احيانا اتضاااايق حيل
اقوله بويهه .. 300 شنو تسوي الحين! ولاشي
قلت له يزيدني 100 قال ما اقدر بس 50
بس تصدقين على مصروفي الا اني اشتري له احيانا هديه منه
ولو هو مو معبرني االا احيانا
بس كله اقول معليه

انتي سوي نفسي
الاشياء اللي تضايقج ابتعدي عنها قد ما تقدرين لا تخلينها تسيطر على حياتج
اشتركي بمنتديات تعرفي على صديقات
خلي صديقاتج يمرون عليج \ خواتج \ حتى لو تروحون تيلسون في كافيه
المهم انج تغيرين جو

ولا تضربين بنتج او تصارخين عليها .. ادري مو منج
بس لازم تسيطرين على نفسج

عيل شتقولين لو عشتي نفس عيشتي! عادي تتطلقين
بس انا صابره وهو عاااارف هالشي
حتى دوم يقول لي لا تخليني بروحي
لأنه عارف محد بيتحمله كثري

انا ملابس ما اشتري الا بس بالاعياد اذا توفرت الفلوس شريت
واشياااء واااايد بس الشكوى لغير الله مذله
واسرار البيت لازم ما تطلع عند حد
حتى بيتكم لازم ما يعرفون
عشان ما ياخذون فكرة سيئه عن ريلج

تصبري يا الغلا والله بيفرجها عليج ان شاء الله
حاولي تحبين ريلج اكثر .. حبيه بعيوبه وبتعيشين
هذاني انا عايشه الحمدلله
صج اتضايق واحيانا اصيح بس الحمدلله

( ان الله مع الصابرين )
استغفري دوم ..

ا

الأم الحنونة

عروس رائعة

01-03-2010 | 08:20 AM

الله يعينج ويصبرج

l

lemo!!

عروس مبدعة

01-03-2010 | 10:25 AM

ماالي غير ادعي لك

الله يفرج اهمك ويفرح قلبك

يااارب

ج

جونسون

عروس برونزية

01-03-2010 | 10:47 AM

الله يسعدك ويبدل حالك للاحسن اصبري واحتسبي عند الله الاجر
حاول تروحي لاهلك كثير اذا طلع من البيت روحي ولمن يرجع ارجعي
ونصيحه بنتك لا تعقدينها هي مالها ذنب
والله يخليها لك ويحفظها

ض

ضئ القمر

عروس ماسية

01-03-2010 | 10:54 AM

والله يااختي مااقول الا الله يصبرك

ر

رٍوٍـــآنٍ

عروس رائعة

01-03-2010 | 01:01 PM

الله يفرج همج ياارب