ابي مساعدتكم خواتي ابي افكار

اولا اختي قولي ذكرى وليس عيد لان اعياد المسلمين عيد الفطر وعيد الاضحى
ثانيا
العرايس مو مقصرين الركن مليان بافكار رهيبه
ربي يسعدك

هلا اختي بما اني بعد اسبوع وشوي بحتفل بذكرى زواجي الاول حبيت افيدج
طبعا انه الشي المميز ان في اول ذكرى لي عندي كتكوت صغيرون
فوديته الاستيديو وصورته صور فظيعه وزوجي مايدري قلت بحطهم في برواز وبغلفهم
ثاني شي اقتبست فكرة من النت اللي اهيه عبارة عن شهاده تقدير لزوجي بس مابخليها على ورق بخليها على درع مميز وتقدرين تختارين الشكل عندج في قوقل اشكال وارناق
ثالث شي بسوي كيكه بخلي فوقها صورة دبل زواجنه
رابع شي بسوي له مفاجاة غدا او عشا على حسب شفته
خامس شي تدربت على طريقه المساج من موقع يوتيوب وبطبقها عليه ان شاءالله
واخيرا بكبر صورة من البوم زواجنه لغرفة النوم بما اني بنتقل ان شاءالله هالاسبوع
وافكر اسوي له ميدليه فيها صورة حمودي ولدي
وبزين غرفة النوم بورود وشموع يعني جو رومانسي
وبروح الصالون بتكشخ مع لبس يديد
واخر شي بشغل السي دي مال حفلة الزواج عشان نتذكر كل لحظة
::

لو انتي من جده عندي رقم منسقه بس خساره