السلام عليكم ورحمة الله وبركاته
ازيكم يابنات والله انا في محنه وبدعو الله يفرج همى وهم كل مكروب يارب العالمين انا متزوجة من ثلات سنوات ولم ننجب وزوجى دائم السفر للعمل خارج البلاد المهم انى بحبه جدا والمفروض انه هوا كمان بيحبنى في الفترة الاخيرة بدأت الاحظ على ايميله اسماء ناس غريبه وطبعا بالصدفه لما كان في اخر اجازة وسألته وطبعا اتعصب عليا وعمل معايا مشكله وصدقته لانى عمرى ماشكيت فيه بس كانت بتجيله رسايل اوف لاين مسج لاكن اميله كان عادى مفيهوش اسماء المهم انى سافرت معاه واول يوم وصلت فيه فتحت الكمبيوتر بعد مانام واكتشفت انه ليه ايميل انا معرفوش وقام طبعا من النوم مفزوع وجلس بجانبى قلتله ايه ده قالى ده ايميل الشغل فطلبت منه يفتحه رفض وفى الاخر فتحه ولقيت كله بنات واعترفلى انه غلط والغربه هى اللى خلته يعمل كده وصحاب السوء ووعدنى انه ماراح يعمل ده تانى وطلب منى اكنسل الايميل وكنسلته بس عملت نفسي هاديه جدا وقلتله انا هسمحك عشان اول مره لكنى نمت مقهورة ودموعى على خدى وتانى يوم فتحت الملفات المستلمه ولقيت حد بعتله صور طبعا بنات وكليبات كاميرا مش هقدر اوصف كان فيها ايه وكان برا ولما رجع عرف انى عملت كده غضب جدا منى وقالى انتى ليه بتعملى كده المهم انا انهرت وهوا كمان وبكى وقالى سامحينى وانا قلتله سامحتك لكنى مش قادره اسمحه تعبت من كتر التفكير وخصوصا اننا في بلاد منتشر فيها العرى وللاسف انه مابيغض بصره عن اى امرأه يراها تعبت وهموت من التفكير بحاول اذكره بربنا لكنه بعيد تماما عن الالتزام من بعد ماكان الناس بتحسده على التزامه انصحونى يابنات اتصرف ازاى وادعولى الله يحفظنا لبعض وعلى فكره انا مش مقصره معاه في اى شئ ادعولى الله يصبرنى ويصرف عنى شيطانى لانى خلاص بفقد اعصابى وكل شئ جميل بداخلى بدأ يذبل