تعالو شوفو فكرتي ...للزهبة

اسمحي لي ياأوبرا ،،
أنا مو معك في هذا ، صح على قولك أحيانا تجي فترة التنزيلات فيها أشياء ما تتعوض ، بس ولو الملابس تخرب بالتخزين ، وتضيق عليك , وبعدين بتملين منها , وإذا جاء المولود وطلعت الملابس تحسين إنها قديمة ما تفرحين فيها ( هذا رايي ) يعني لو أشتري لي بلوزة مثلا ولا ألبسها في البداية وأخليها فترة أكثر من شهرين ثلاثة وجيت ألبسها أحس إنها قديمة وما لي نفس فيها أبد ،،
بعدين يقولون ( لكل مقام مقال ) فليش تستعجلن في شراء شي ما تحتاجينة ؟؟:think:

[c]السلام عليكم..

شوفي الغاليه.. يعتمد متى عرسج.. يعني اذا عرسج خلينا نقول مابين 5 شهور الى 6 شهور.. ممكن انج تسوين هالشي.. مراعات انه في مواسك السوق يكون فيها زبالة (مع احترامي) ..

يعني عندج الحين.. السوق.. اعوذ بالله منه.. كل الزبالة تقريبا ميمعه فيه.. (طبعا مب كل مكان بس الاغلبية)

انا بصراحه عرسي في شهر واحد (باذن الله) كل ما اشوف شي يعيبني اشتريه... ريلي يقولي بعده وقت. اقوله بعد فترة ما بحصله وبيتم في خاطريه... (خاصة الملابس الداخلية) وبعدين بالذات الملابس الداخلية ما اطيح موضتهن. ..

لكن الملابس والاشياء الثانيه ممكن.. بس بعد.. لو مصلا مانجو وربعه.. قوم زارا وهالاماكن.. ثيابهم اتم سنه واكثر بعد.. ما اطيح موضتهن... :)

هذا رايي..

مثل ما قتلج.. يعتمج على عرسج متى بيكون..
والسموحه


[/c]

[c]السلام عليكم..

ونسيت اقول.. حق البيبي لا تاخذين شي لانه فال هب زين.. (ع قولة العيايز) اونه لا اتزهب القماط قبل لا ايي الصغيروني... يقولون انه فال هب اوكي.. بعدين البيبي بعده مطوووووووووووووووووووول.. يعني مافي داعي تاخذيله شي من الحين.. :)

عسى ربي يرزقج .. :)


[/c]

هلا أختي

أنا من رايي لا تستعيلين الا اذا كان عرسج خلال هالسنه ....... الاسواق عندنا الحمدلله وايد والبضاعه في الزين وفي الغالي وكل شي موجود..

يعني انا اعرف وحده ربيعتي اتزهبت في اسبوعين وكانت زهبتها روووعه. لأنه ممكن ادشين سنتر واحد بس وتقضين ربع اغراضج على الاقل اذا كنتي من النوع اللي يعرف في السوق والبضاعه الجديده والاسعار.. أما اذا كنتي من النوع اللي يصعب يحصل شي يرضيه ممكن تبدين قبل عرسج بخمس او ست شهور.. بس لا تنسين انتي بتملين اغراضج وبتتبدل الموضه..

بالنسبة للبيبي اعتقد انه سابق اوانه بوايد.. خلي كل شي في وقته حلو يعني ان شاء الله اول ما تحملين والله يرزقج بالمولود بإذن الله اظن ان المتعه اكثر يوم تروحين انتي وريلج في اشهرج الاولى كل مره تاخذون شي يعني ريلج بعد يستانس مب بس انتي. والبضايع الزينه اتي وتروح وترجع مره ثانيه واسواقنا ما تقصر.

الله يباركلج ان شاء الله وتستانسين



وتسلمون

مشكوريين على التفاعل

بس انا ما اشتريت اغراض كثيرو و كديسيتهم

بس اشياء قليلة و بسيطه جدا

حتى للبيبي

و مثل ما قلتو الواحد ما يستعجل لانه كل مناسبه و لها حلاوتها

و باتالي انا بعد ما ابغي افقد الاحساس بحلاوة المناسبة مثل وقت ما ازهب للعرس او للبيبي

و بعدين كل الاشياء الموجوده عندي جديدة و حلوة حتى لو انا ما استخدميتها ( اغراض البيبي ) ممكن احطها هدية لاحدى الاقارب او الصديقات في حال ما مداني اروح و اشتري لها من السوق

المهم مشكورين على التفاعل و التجاوب

مرحبا اختي الغالية:)
بصراحه انا اشوف ماله داعي من الحين تتشرين لأن بصراحه الموضه تتغير ونا من وجهة نظرية اشوف كل شي بوقته حلوووووووووو;)

وموفقه الغاليه بأذن الله

هلا اختي اوبرا

انا من رايي اختي انج تشترين الاشياء اللي ما تنزل الها موضة

مثلا تبدين تشترين العطور ما اظن ان موضتها تروح

والمكياج

بس باقي الزهبة ما ايدج انج تشترينها من الحين

تحياتي لج والله يسعدج انشاء الله ويبارك لج

نبراس الحياة

لا لا لا أنا بصراحة مو معاك أبدا أبدا أولا كم بقى على عرسج وبعدين نفرض أنة مابقى شي نقول كم بقى على الحمال يعني ماتضمنين أولا شنو راح تجيبين وثانيا يمكن يتأخر المولود أو لاسمح اللة يصير شي أنا مومعك أبد وكل شي في وقتة حلو
وأسفة أذا كان ردي مايعجبك

:shy:
السلام عليكم

حتي انا فكرت كذي

شوي شوي

اشتري

علشان

ما أنظعط

بفترة قصيرة

ؤالا افكر

فية

المكياج

والعطور

والملابس الداخلية:

انا رايي من راي مــــــــــــــــــلاك الامارات...

خلاص انا انخطبت و العرس بعد 3 شهور

و الله و الاغراض اللي اشتريتهن الحين نفعني

و بالاخص قمصان النوم بس اشتريت عليهن كمن واحد و بدور بعد موديلات ثانية

:clap:

:clap::clap:مبروك اوبرا فكرة حلوة

[CELL=filter: glow(color=purple,strength=5);][ALIGN=center]
اوبرا انا معاج:up:
في وحده اعرفها كانت كل ماتسافر تاخذ شي واحد فخم وراقي وتيوده حق العرس مره خذت قميص نوم غالي وحلو واااايد حق العرايس من فرنسا كان قصير ولونه احمر والظهر كله اكسات xxومره خذت كفر اومفرش للسرير راااائع من لندن وجذيه لين عرست وجمعت اشياء حلوه ماكانت بتحصلها في وقت تجهيزهاللزهبه ولا الميزانيه بتكفي لها،،،وانا الحين اسوي مثلها ولوان الوقت بعده طويل عالعرس،،مره رحت محل نسيت اسمه هومحل لقمصان النوم كان عنده تنزيلات وهوبصراحه اسعاره نار وكله ماركات المهم استغليت الفرصه وخذت قميص اوسع مني قياسي حبه وهو طويل بس قصته عالجسم جنااااااان وفي حركه بس لللاسف مااعرف اشرحها،،،ولما سافرت مصر طحت على محل في الاسكندريه يبيع طقم فوط رهيييييبه مطرز عليها ورد وكلمات مثل ويلكم وصباح الخير ومبروك الزواج بالانجليزي وفي بالفرنسي بعد المهم خذت لي كم وحده ،،وخذت من معرض الاعراس اللي فات مفرش قطن لكن خياااااالي وهوسعره غااااالي بس كان عليهم تخفيضات اذكر انه قالي ماركة ايطاليه هو مايحتاج الملمس نااااعم وشكله راااقي داير ماداير عليه دانتيل مع تطريز انما ايييه،،،المهم كل الاشياء هاذي كلاسيييك وموضتها ماتنتهي بس اهم شي قمصان النوم اخذي اكبر من مقاسج اذا باقي عالعرس واااايد،،تحياتي..:shy:[/CELL]

[CELL=filter: glow(color=purple,strength=5);][ALIGN=center]
اوبرا لاتنسينا وخبرينا اذا خذتي شي يديد
ويستاهل عشان عرب يستفيدون
اكيد المستفيده انا :D2:D2:D2
بانتظارج تحياتي:smile:[/CELL]

زين ما تسووون لان يمكن يكون خاطرج في شئ وحزت الحزه ما يحصلينه

اولاً الف مبروك يا اوبرا

والله يسعدج دوم

انا معاج في سالفه التجهيز حق العرس والله

انا عرسي شهر واحد وطافت معارض كثير وتنزيلات بس ما خذت شيء واحينه متحسفه والله


وخاصه قمصان النوم والملابس الداخلية مالها موضه تنتهي

وحتى التزهيب حبه حبه بخايج مااتحسين بالميزانية

اما كله مره وحده ربشه وما اتعرفين شو خذت ولا ما خذتي

الله يبارك لج ويسعدج

وعني انا بديت بالشغلان الجاهزة
وملابس البيت والدلع وقمصان النوم والبيجامات
وعقبال كل البنات

انا اقولج لا تلعبين في الفلوس اجهزي لشهر بس ولا تلعبين ولا تاخذين اشياء وايد الوحده من تتزوج يتغير جسمها الموضه تعبتنا كل يوم شي يديد ويمكن تحملين انا هذا رايي

بسم الله الرحمن الرحيم
مرحبا اختي اوبرا ... والف مبرووك .....
بصراحة مابقى شيء على العرس و انتي للحين ما تزهبتي .....
المفروض تتزهبين وتخلصين قبل العرس بشهر علشان تعتنين بنفسج شو ....... لان الجهاز للعرس بخليج تعبانه ومسمرة ..... ويبالج شهر لين مايرد لونج الطبيعي وتستردين عافيتج ....... وبصراحة 3 شهور تكفي ....
شدي حيلج وربي الموفق........


مع خالص تحياتي ....ز
السنونو

انا معاك لاني كيدا كنت اسوي والحين الحمدلله باي ثلاث شهور ومرتاحه