مشعل والعنود روايه رومانسية طويله

طلعتي خطيرة يا شجون

يالله خليني اقرا اللي مكتوب .. وبعدها بكون متابعة ان شالله

تكفين كملي بليز لاطولين لان بصراحة اذا الواحد صارله اكثر من يومين ماقرائهاا ينسى بعض الاشيااااااااااء بليزززززز كمليهاااااااااااا اذاا عندح الرواية كاملة نزليها كلهاا احسن ...

دخلت خاطري هل رواية حبيبتي يالله بسرعة ننتظرج؟؟

وينج يلا بسرعة

طبعا سكرت وفاء التليفون من جاسم وهي فرحانه لانها متأكده ان راح ايسووي اللي اهي طلبته منه .. ودخلت الحفله بكل ثقه وشموخ وسلمت على خلود وقدمت لها الهدية وهي عبارة عن طقم الماس وحبت انها تعطيها الهدية وتفتحها جدام باقي البنات وبالخصوص جوري ورهف علشان بس تقهرهم ...


نرجع الى بطلتنا العنود طبعاً العنود إنسانة تحب الدراسة وااايد وحلم حياتها اتصير سيده أعمال مثل أبوها ,, العنود في سيارتها متجهه ناحية المكتبة كانت اتدور على بعض الكتب علشان البحوث حق الجامعه ,, وفي نفس الوقت بطلنا مشعل كان متجه للمكتبة ,,إي نسيت أقول لكم إن مشعل والعنود آخر مرة شافوا بعضهم البعض كان قبل 11 سنه لان نادراً لما يزورن بعض بحكم الدراسة عكس اخوانهم الباقيين اللي كانوا على تواصل بشكل يومي وطبعا مشعل بس متواصل مع علاء بحكم انه صديق الطفولة ... المهم دشت العنود المكتبة وراحت اتدور على كتب يتكلمون على الاقتصاد الدولي وأثره وطبعاً دارت المكتبة كلها وهي اتدور عليه وما لقت شي فراحت الى أمينه المكتبة ودار بينهم هالحديث :


العنود: السلام ... اختي لو سمحتي من وين اقدر احصل كتاب الاقتصاد الدولي وأثره على العالم للكاتب الدكتور :سعيد أحمد


أمينة المكتبة : عليكم السلام .. لحظة أختي بجيك لج في الكمبيوتر اهو موجود في أي قسم !!


العنود : اوكي ... إخذي راحتج ..


أمينه المكتبة من بعد ما جيكت في الكمبيوتر أي فسم : أختي موجود في القسم (أ) شعبه إدارة وإقتصاد في آخر جهه من المكتبة


العنود وهي مبتسمة : مشكورة اختي يعطيج العافية


أمينه المكتبة : يعافيج .. واجبنا


وطبعاً اتجهت العنود الى القسم (أ) .. وفي هالاثناء كان مشعل يدور في نفس القسم على كتاب اسمه إدارة المستشفيات وفجأه كانت العنود تمشي ومشعل يمشي ماسك الكتاب ويقرا فيه الا طق جتف العنود جتف مشعل وتوها بترفع راسها وبتقول مسامحه الا ..


مشعل : مسامحه أختي


العنود وهي منزلة راسها في الارض من الفشيله : آنا اللي مسامحه ..


مشعل : لا عادي أفا عليج ..


وطبعاً راحت العنود اتدور الكتاب بس مشعل وقف مكانه وحس بشي غريب يخليه يطالع هالبنية لان ملامحها موب غريبة عليه بس مو متأكد وتم ايطالعها لحد ما اهي حصلت الكتاب وراحت تقعد في قسم الكراسي والطاولات وتقرأ الكتاب ..



طبعاً مشعل ما هدأ له بال وراح يسوي روحه قاعد في الكراسي والطاولات انه يقرأ الكتاب وتم يطالع في العنود لان أثارت فضوله ..


والعنود خبر خير ..


وبعدين مشعل ركز في الملامح وعرف انها العنود بنت عمه لانها فيها ملامح من اخوها علاء على خفيف .. وقال في خاطره ما شاء الله العنود كبرت وصارت ورده من ورود العائلة .. وتم يركز ويطالع فيها وهي ما تدري بشي .. وبعدين قال خلني اجرب اشوف بنت عمي تتذكرني او لاء ؟؟ وقام من الطاولة وراح جريب من طاولة العنود وقال مسامحه أختي ..


العنود: هلا أخوي في شي ؟؟


مشعل : لا بس أختي ممكن اتعرف عليج ؟؟

العنود منصدمه : نعم خير ما سمعت ؟؟

مشعل : لا تفهميني غلط بس شاك في ملامحج انج اتصيرين لي .. واهني الصدمه الثانية لان العنود شافت ملامحه الحين عدل ..





العنود حبت تختبر ولد عمها انه من أي نوع من عقب ما شافت ملامحه عدل ..اسمي مشاعل أحمد


مشعل : مسامحه أختي فكرتج بنت عمي .. عن إذنج !!


العنود: في خاطرها اتقول : ولد عمي رجال وينشد فيه الظهر .. ما ضاع هدر حبي له ... حصل خير أخوي .. وراح عنها .. وهي سوت روحها اتطالع في الكتاب لكن بالها وي مشعل ولد عمها وحب حياتها ..


نرجع الى الحفله اشوي ..


طبعاً من عقب ما دشت وفاء الحفله وهي فرحانه بتوعدها لهم وبالخطه اللي راح اينفذها جاسم وطبعاً لما دشت كل البنات وافقين مع خلود ومنبهرين من فستانها اللؤلؤي اللون واللي مخليها ملكه جمال وطبعاً من عقبها جوري ورهف لانهم طالعين ناعمين وراقيين في نفس الوقت وحست بالغيرة منهم لان ما في أحد عطاها فيس فحبت انها تلفت الأنظار لها فقالت بصوت عالي اشوي يلا بنات يلا يا حلوين خلونا انغني ونستانس لخلود اليوم يوم فرحتها ... خلود من جهه ثانية : اهلاً وفاء اشلونج الغالية مشكورة عمري على الحضور.. اهلين خلود بخير الغالية دامج بخير .. واجبنا حبيبتي ... وحبت وفاء اتكون هديتها اول هديه لخلود علشان تقهر البنات وخصوصاً رهف وجوري .. فراحت من عقب ما جمعت البنات كلهم يم خلود وقالت يلا يا بنات انغني لخلود ونقدم لها الهدايا وطبعاً تجمعوا البنات حول خلود وبدأ الغناء ..


Happy Birthday to you


Happy Birthday to you


Happy Birthday to you


Happy Birthday to Kholood



وطبعاً خلود استانست وي البنات وطفت الشمع وطبعاً جى دور الهدايا ووفاء بصوت عالي اشوي .. لحظة لحظة بنات آنا أول وحده بقدم هديتي حق خلود .. وعطت وفاء الهدية وأصرت على خلود تفتحها .. انحرجت خلود وفتحت الهدية : وطبعاً كل البنات بصوت واحد :


وااااااااااااااااااااااااااااااااااااااااااااااااااو ... روعه الهدية


وفاء: الروعه للروعه


خلود : تسلمين حبيبتي .. مكلفة على روحج وايد والله يكفيني وجودج بس


وفاء : تستاهلين الدنيا كلها ..


خلود : تسلمين حياتي ..


وفاء : يسلمج قلبي.. وبنبرة إستهزاء يلا جوري ورهف قدموا هدايكم حق خلود خلونا انشوف ..


خلود في قلبها : الله يهديج بس يا وفاء ..


رهف وجوري طبعاً هم عارفين انه وفاء متقصدتهم فحبت رهف انها تسكت وفاء بطريقة تحرجها .. ليش عبالج متخرعين نقعد انفوشر جدام خلق الهل بالهدايا .. وأصلاً إحنا من زمان عطينا الهدايا حق خلود وهي وايد فرحت فيهم لان الهدية بالمعنى والمحبة مو بالفلوس ..


وفي هاللحظة طبعاً البنات ضحوا ضحكه خفيفة لانهم عارفين وفاء واسلوبها المتعالي على البنات ..


حست وفاء بنوع من الإحراج وهي اتقول في قلبها .. الحيوانة .. اراويج بس خلي الحفله اتكمل .. ايه صح لان انتوا جايين قبلي عبالي للحين ما عطيتوها الهدية .. لكن بذمتج احد يعطي هدية قبل ما يغني أغنية العيدميلاد؟؟ صج لو كلاس


رهف عصبت بس سكت علشان خاطر خلود وما حبت اترد عليها .. وجوري اتهدأ فيها واتقول لها عادي طنشي هذه وفاء وهذا اسلوبها ..


رهف: خليني اربيها عديمة التربية .. خليني اوقفها عند حدها ..وطبعاً خلود ما عجبها الوضع وحبت اتغير الجو فقالت يلا بنات حياكم على العشى وحياكم عقبها انقص الكيك ..


الا سارة صديقتها اتقول : أحسن يلا بنات


(سارة هذه صديقة خلود الصدوق واتصير بنت خالتها وعمرها 18 سنه .. وهي يتمية الام فخذتها خالتها (أم خلود وربتها ) فصاروا مثل الخوات وأكثر .. وهي في المدرسة الثانوية وبتتخرج آخر هذه السنة ) وهي بنت حبابة وطيبوبة وتمتاز بطولها واللي يسمونها ممشوقة القوام وشعرهاا الويفي البني المحمر ونقاء بشرتها البيضا وعيونها البنية الناعسه ...

الى اهني بارت صغير لعيونكم إذا عجبكم راح أكمل !!!

والسموحه على تأخري في تنزيل بارت القصة

تيب بس بليززززززززززززززززززززززززززز لاتتااخرين,,,

فين التكمله اختى
ليه ماكملتيها

بـنـاااات تكفووون وووووووووين تكملة الرووايه حرااام م زممان وانا انتظرها

وربـي سجلت ف المنتدى عشاااانه تككفين نزليها >صرت امششي وانا افككر ف الرواايه ارحممي حاااالي.وليييش طووولت ولانزلتها اححد يعرف السبب يفيدنا فديتكم

ممم قصة حلوة كتير يلا ناطرة التكملة ..

تسلمي يا قمر

في انتظار التكمله

الكاااتبه بتنزل الروااايه ولا لأ؟؟