مشكلتي !! انا عيون الظبي

دلوعة قلبها;11420833:
هلا اختي قولي لا اله الا الله وهدي من نفسج
اولا هاي الفتره اساسا عشان كل واحد يعرف عن الثاني وتتعرفون اكثر على بعض ولكن انتي اكتشفتي المر وهو علاقاته وانه مطلق وعنده ولد يعني هذا شكل عندج صدمه اول شي بتفكرين بالطلاق هذا طبيعي ،،
بس انتي اتخذي عده خطوات قبل اول شي كلمي اخوج القريب منج او ابوج وخبريه بكللللل السالفه خلي اهلج حولج وحواليج عشان يعرف انه وراج اهل ،، اذا ما نفع كلميه بالجد وقوليله انا ما ارضى استمر معاك وانته لك علاقات ووين تبا الله يوفقنا فحياتنا اذا جيه وقربيه من ربه بس اخروا موعد العرس اذا ماصار حبيبتي انتي بعدج صغيره مب ملزومه فيه اهم شي راحتج انتي وخلي سالفة نحن ما عندنا بنات يطلقن الطلاق اهون اللحين والا بعدين بعد العيال خلي موقفج جاد مع اهلج وريلج مافيها مجاملات السالفه والله يسهل امورج ويرشدج للصواب..

om_salma;11420907:

أختى الكريمة

أتمنى أن توضحى بعض الامور

هل موضوع زواجه السابق لم يخبركم به أم اخبر

اهلك وهم لم يخبروكى

ماهى الطباع والأراء اللى حاسة إنها بتختلف معك

إيه هى بالظبط العلاقات اللى اكتشفتى إنه يقيمها

وكم استمرت تلك العلاقات وهل انتهت أم لا

أنتظر إجابتك

أختك فى الله أم سلمى

بيانسيهq8;11421358:
مشكلتنا بالدول العربيه و الخليجيه بالاخص
ان البنت ما تتعرف على خطيبها الا بعد الملجه .. شالفايده ؟؟؟

الحل واضح وضوح الشمس حبيبتي

مافي اي ايجابيه وحده تخليج تظلين معاه !
و بعدج اصلاً صغيره على الزواج و مسؤولياته
وهالانسان فاسد و كذاب وما يحترمج ولا يقدرج ولا بينكم اي تفاهم وحب

ضغطي على اهلج و وسطي انسان ثقه وكبير بالعايله بينج و بين اهلج
عشان يقنعهم و يفهمهم..
هذي حياتج مو من حق احد انه يهدملج اياها .. و يقرر بدالج
ضغطي عليهم .. واستمري لا تضعفين عشان لا تندمين العمر كله .. وادعي ربج
و اقري سورة البقره كل يوم ..عشان الله يحل لج اياها وتتسهل امورج يارب


و قولي حق خطيبج .. مثل ما دخلنا بالمعروف نطلع بالمعروف انا ما اصلح لك

و الله يعينج و يسهل امورج ويهدي خطيبج

جونسون;11421614:

حاولي تفهمي امك الموضوع كاااااااااااامل واكيد

رح تفهمك ان شاء الله

الله يسعدك

* كسر بخاطري *;11422586:
اختي من ترك شيء لله عوضه الله بأحسن منه

عيون وليد;11422674:
معقوله عند ولد ولا يقولك

انا لو مكانك دامني على البر اتطلق منه بصراحه كذاب وكل الرجال كذابين بس كذب عن كذب يفرق

موب لدرجة انه يكون متزوج قبلك ومخلف ولا يعلمك

بصراحه قويه

استخيري الله اختي

Soft Touch female;11422790:
اختتتي فعلا غرييب يعني اهللك ماسالو عنه ولا عرفو انه متزوج وجايب وللد كماان ..اختي داااامه مو ريااال ومو عند كللمته وراعي بنااات تركييه مو لازم تخبريين اهلج انج تبيين الطلاااق بيينج وبييينه اتفقتين وطلقتيين وبعديين خبري بييتكم وربي يوفققج

نور_الهدى18;11427382:
الله يعينك

أريج الأقحوان;11428253:
أهلا أختي الغالية.

البنات الله يجزاهمخير عطوك الحلول,وإن كان كلامك الي قلتيه عنه كله صحيح-وما أشك في صدقك- يحق لك أنك تطلقين منه,لأن صفاته منفرة,وشي أكيد ن طليقته الأولى ماقدرت تصبر على حركاته!!!


والفلوس ماهي كل شي,المرة تحتاج للرجل يكون بجنبها ما تحتاج لفلوسه!!


استخيري وتوكلي على ربك,ولو أهلك خاصموك قولي لهم: إنك ما بتتزوجين فلوسه!

وقولي:أنا اللي بعيش معه؟وأنااللي بتحمل العذاب!! وأنتم على كذا ماتحبوني همكم الدنيا وأغراض زايلة وأنا بظل بالعذاب!!
وظلي ثابتة على رأيك,مهما صار العمرقدامك,,الله يعوضك .