انا ضاااايقه الدنيا فيني

السلام عليكم رحمة الله وبركاته


بدخل بالموضوع على طول يمكن ماتقدرون تساعدون بس ابي اشكي لاحد

احس روحي بتطلع


انا عمري 19 عندي بنت عمرها سنتين تزوجت ولد خالتي اكبر مني بـ9 سنين طبعا كان عمري 16 ومن تزجت ومشاكل تخيلو عروس توني اسبوعين وطقني اخوه وهو ماتكلم وانا اصبر واقول ولد خالتي ويتيم وانا ساكنه بغرفه صغيييييييير ولله مافيه مكان حتى لسجاده والله يعني مافيه ماجال بالغرفه وغير كذا خواته الاربع كلهم مايحبوني وحتى سلام مايسلمون علي كني عدوه واخوانه بعد وحريم اخوانه طبعا هو يشتغل شهر ويجي اسبوع غير كذا قيل وقال هذه قالت وذيك قال ويطلع كلام علي والله حتى اشرفي طعنو فيه وانا اقول عشن بنتي وابوي يقول هذا ولد خالتك مالي شغل امك تحل الموضوع واذا قلت لامي تقول مابزعل اختي عشانك طبعا امي الثانيه وعندي اخوان من مرت ابوي مايدرو عني وعمامي واله مااعرفهم ولا عمري شفت منهم الا الثنين وعندي 6 عمام و9 عمات والعمات ماعمري شفت الا وحده انا متضايقه قلت له ابي شقه وحاولت بالطيب بالغصب مو راضي يقول يمكن تسوين شي يسود الوجه والله تعباااااااانه ودموعي على خدي ابي ارتاح

اخاف اطلب الطلاق وياخذ بنتي مني مااقدر اخليها والله امووت وامه اللي هي خالتي ماتحبني على اي سبب قالت بزوجه ومدري شنو والله


حريم عيالها الثانيه فوق راسه اذا دخلو قامت باست روسهم وهم مايحبوها ويهاوشوها والله حتى القذف قذفوها وقدام عيالها واذا دخلو قامت حبت راسهم وعنده اخوانه اصغار حوالي 10 سنوات والثاني 7 سنوات والله يقذفون وقدامه مايرد



انا تعباااانه ومالي احد ل صديقات ولا اخوات ولا اخوان ماعندي حد اشكيله والله تعبانه

وكل ماتهاوشنه قال لي انا ادري تبيني اطلقك عشان تتزوجين بس منو ذا اللي بيقبل وحده مثلك انا الله وحده اخاف ربي

وهو واحد شكاك ومو متعلم احيان ارحمه والله مايخلي حد من خواته وخالاتي الا وقاله اي شي يصير بينا


قبل سبوعين كان هو بالعمل طبعا مايكلمني ولا يسأل عني وبنتي تعبانه حيل ورحت مع اخوي نوديها المستشفى وصار لنا حادث واحنا راجعين اخوي الصغير عمره 16 مافي حد يودي بنتي غيره المهم والله تعبت تعب الكل اللي شافني قالي معي الخبيث ضليت اسبوعين دقيت عليه ابي كلمه تطيب خطري مثل اي زوجه تتمنى تسمعه من زوجها والله انه يقول ليش ادق عليك وش لي فيك اذا متي ولا صار لك شي بيدقون علي اجي ادفنك ليش اخسر حالي وادق



تكفوووووووون ساعدوني مالي حد واااااااااالله