قصة ولادتي ببنتي البكر (غلا)

:032::032:اليوم بكتبلكم قصة ولادتي ببنتي البكر (غلا)...... أنا موعد ولادتي المتوقع على حسب الدوره كان تاريخ 4-1-2010 اما على حسب السونار كان تاريخ 12-1-2010

المهم يوم دخلت الشهر التاسع دب الخوف في قلبي وتميت احاتي وخايفه من كثر ما اسمع عن الولاده والمها واقر قصص الولاده وغيره,,, وكنت يوميا اسير امشي ويا ريلي في الممشى على اساس تتسهل ولادتي ...المهم عدا الشهر التاسع ووصل تاريخ 4 ولا كان في بوادر ولاده ولا شي سرت المستشفى عشان يفحصوني نشت الدكتوره وسوتلي توسعه والصراحه هلكتني من الالام وقالتلي الحين انتي مفتوحه 2 سانتي ولازم نعظسج موعد حق طلق صناعي انا ما رضيت ادخل عشان الطلق الصناعي لانه عارفه انه بيبهدلوني وقلت بتريا على موعد السونار وعقبها يصير خير وخاصه اني بكر واكثر البكريات يطوفون موعدهم .....المهم طاف موعد السونار الي هو 12 ونفس الشي ماشي بوادر ولاده :01: تاريخ 13 تغدينا انا وريلي فالبيت وعقبها قلنا بنسير بيت امي بنسلم عليهم وبنضيع وقت عشان ما اتم افكر وايد واحنا في الدرب قلت حق ريلي حاسه بالم خفيف بس انشالله يزيد مب مثل كل يوم الم شوي ويروح قال انشالله ..,وصلنا بيت امي وشربنا شاي شوي الا احس بعمري تعبانه وبدا عندي الالام واشوفه كل ما ياه يزيد وانا اتحسب انه بطني يعورني لانه ابى اسير الحمام عزكم الله وسرت الحمام مرتين والالام يزيد خبرت اختي الصغيره بس وكنت خايفه
ما ابغي اقول لحد واختي تقول خلينا نخبرهم قلت لا وحسيت بعمري اني خلاص يعني هذا الالام اول مره احسبه اكيد ولاده وكانت الساعه 7 ونص المغرب يت اختي العوده تقول شو فيه ويهج متغير قتلها ماشي واحاول اخش الالالم بس خلاص عرفوا شافوني هلكانه قالوا انتي بتولدين وساكته وتميت اقاوم الالام وعيني عالساعه واستوت 8 ونص سرت الصاله وحضن ريلي وتميت اصارخ وابويي يقوله ما عليك منها هاب بكر ما بتربي اليوم يمكن باجر وصارت 9 ونص والالام ذبحني واختي تقولي لا لا هاي بدايته قتلها بس بين كل الم والم اقل عن 5 دقايق وحسبي لي ريلي وفعلا المده كانت وايد بسيطه 3 دقايق يمكن وشلينا امي واختي الصغيره وطيران على المستشفى وطول الدرب وانا اصارخ اميييييييي يا الله يا الله واقولهم ودوني بيتي ما ابى اسير المستشفى وامي تقول حق ريلي لا ودها المستشفى وصلنا المستشفى 10 ونص واقول حق ريلي قولهم ابى ابرة الظهر ودخلوني عشان يفحصوني واهلي يتريون برع اول ما خشت الدكتوره ايدها الا تصررررررررررررررررررررررررخ 9 سانتي ولااااااااااااااااااااده ووتقولي وين كنتي كل هالوقت لو ولدتي بالسياره الحين ويركضون النيرسات والدكاتره طيران على غرفة الولاده واهلي متصروعين يركضون وراهم وريلي يترجاهم عطوها ابرة الظهر ويقولوله اي ابرة الظهر الحين خلاص ولاده ولاده ....المهم دخلوني غرفة الولاده وامي وزوجي ما رضوا يدخلون ويايه من الخوف شويه الا توصل اختي العوده وبنتها ودخلوا ويايه وتموا يقرون سورة مريم والزلزله عليي وانا عيني على الساعه والدكاتره يقولولي يالله بوش بوش وانا بوش واصرخ يالله يالله وكل شوي اقولهم ابى اشرب ماي وما اذكر كم مره سويت بوش لانه وايد الصراحه بس شجعوني يوم قالولي هذوا نشوف شعرها قلتهلهم والله فيها شعر وضحكوا عليي قالوا هيه هنيه حسيت خلاص اني ابى اشوفها سويت بووووووووووووووووش طويل وطلعت بنتي غلا الساعه 12 وربع تاريخ 14-1-2010 وحطوها على صدري وصحت وريلي دخل وتم يبوسني على راسي ويصيح وانا اصيح وياه فرحانين بشوفة بنتنا الي تريناها 3 سنوات ....وبعدها اشوف الدكاتره يتصاصرون ونادوا ريلي الا يقولوله زوجتك عندها تمزق من الدرجه الثالثه يعني الجرح وايد غزير وما يتخيط الا ببنج كامل وغرفة عمليات ودخلوني العمليات الساعه 12 ونص والله انها تخوف غرفة العمليات مت من الخوف وما صحيت الا الساعه 2 ونص مطلعيني منها وودوني حجرتي عند بنتي واهلي الساعه 3 فليل والحمدلله رب العالمين ربي سهلها عليي ويبت اخلى بنوته ربي يخليها... أدعولي انه ربي يحفظها لي :072: ونسيت اقولكم ترا الي سهل ولادتي اولا سورة مريم والزلزله وادعية تسهل الولاده كنت اقراهم يوميا ....وثانيا المشي بنات عليكم بالمشي انا مشيت من الشهر الثامن وانا امشي ...وثالثا اخر يومين قبل الولاده كنت اشرب شاي زعتر وايد حمى الطلق عندي ولانه كان مفتوح عندي 2 سانتي 10 ايام قبل الولاده من اثر التوسعه والحمدلله رب العالمين له الفضل والمنه في كل شي ..