من زمان ما كتبت موضوع... كتبت هالمووضوع تعقيبا على موضوعي هذا:
http://forums.3roos.com/showthread.php?t=287169
ذكرت تجاربي الناجحة و الفاشلة مع مختلف الماركات و المنتجات.. للعلم بشرتي مختلطة و لوني حنطاوي فاتح...
التجارب اللي ذكرتها شخصية .. يعني ما أبي وحدة تجيني و تقولي أنا اشتريت منتج على مدحج و ما ناسبني..
اللي ناسبني مو شرط يناسب غيري.. لازم تجربين المنتجات على بشرتج سواء بالمحل أو باخذ عينات..
اللي بترد علي هالردود.. تعذرني لأني ما راح أرد عليها...أو أعلق عليها..
نبدأ باسم الله...
أولا البيس:
بيس من By Terry..
البيس حلو و يتجانس بشكل رائع مع البشرة و يعطيها اشراقة حلوة حتى بدون أساس.. مشكلته الوحيدة ريحته.. مو وايد حلوة..
بيس من غرلاين
يعطي ثبات و لون مشرق رهيب...
خاصة لو استخدم مع أساسات غرلاين..
&&&&&&&&&&&&&&&&&&&&&&&&&&&&&&
ثانيا الكونسيلرات:
ذكرت بالموضوع السابق كونسيلر بوبي براون... بس اللي ما ذكرته هو أن التغطية ما تكتمل بدون الكوركتور هذا ..
التفاصيل في الموضوع هذا:
http://forums.3roos.com/showthread.php?t=471589
الكونسيلر الثاني هو من بينيفت و اسمه Erase Paste
الكونسيلر هذا روعة.. استخدمه بشكل يومي .. تغطيته أقل من مل بوبي براون.. بس ثباته عالي و ما يتكتل و سعره حلو على الكمية الموجوده
&&&&&&&&&&&&&&&&&&&&&&&&&&&&&&&&&&&&&&&&&&&
ثالثا الفونديشن:
فونديشن By Terry
الفونديشن هذا روعة خاصة مع البيس اللي ذكرته من نفس الماركة .. يتجانس بشكل حلو و طبيعي... نفس مشكلتة البيس .. الريحة مو واااو
فونديشن الستيك من بوبي براون...
بعدني ما جربته بس هو من أكثر الأساسات الستيك اللي ماخذة جوائز..
متحمسة كلش لتجربته
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
الفونديشن البودر
فونديشن من كانيبو
البودر هذا بودرتي المفضلة .. بديل روعة لبودرة غرلاين الذهبية اللي قطعوها
تغطيه روعة و طبيعية و ثبات حلو... و أكيد راح اشتري منه لما يخلص..
بودرة Bare Minerals
بودرة معدنية المفروض أنها مفيدة للبشرة لأنها تزودها بالمعادن
تغطيتها حلوة و تعطي رونق حلو للبشرة
&&&&&&&&&&&&&&&&&&&&&&&&&&&&&&&&&&&&&&&&&&&
البودرة الحرة:
بودرة بوبي براون الحرة... تثبت الفونديشن و تمنعها من التكتل.. و تطول من عمر الفونديشن على البشرة
&&&&&&&&&&&&&&&&&&&&&&&&&&&&&&&&&&&&&&&&&&&
البلاشرات:
بلاشر انجلوت
ألوانهم حلوة و قوية و لا اللمعة شي بصراحة غير أن أسعارهم حلوة...
بلاشر بينيفت
البلاشر الوحيد عندي من هالماركة.. بس اللون وايد حلو و ثابت.. الأوان الثانية أحسها باهته و تناسب اللي بشرتهم وايد بيضا
بلاشر شانيل..
In love.. لون رهيب و لمعة خبال
&&&&&&&&&&&&&&&&&&&&&&&&&&&&&&&&&&&&&&&&&&&
الظلال:
ظل seashell من بوبي براون
نفس الشي مثل الأساس ما جربته..متحمسة له
&&&&&&&&&&&&&&&&&&&&&&&&&&&&&&&&&&&&&&&&&&&&&&&
قلم عيون من Makeup for ever
الكحل هذا وايد لونه مميز و قوي و ما يسيح من العين .. على فكرة مقاوم للماي... ناوية ان شاء الله على ألوان ثانية
&&&&&&&&&&&&&&&&&&&&&&&&&&&&&&&&&&&&&&&&&&&&&&
ماسكارا الحلوة من كانيبو
الماسكرا عقدتي .. و ما أحب أستخدم الماسكرا الا في المناسبات لأنهم يضعفون رموشي..
ما أحب الماسكارا اللي تعطي رموش للسما و جنها تركيب.. أحب اللي تكثف و تقوس بشكل طبيعي..
و هاي الماسكارا تعطينا هالنتيجه و مو لازم تشيلنها بمزيل المكياج .. ممكن تنشال بالماي
&&&&&&&&&&&&&&&&&&&&&&&&&&&&&&&&&&&&&&&&&&&&&&
قلم الحواجب من سيفور
تعيس و ما أنصح حد فيه .. اللون باهت و بالزور يطلع اللون
&&&&&&&&&&&&&&&&&&&&&&&&&&&&&&&&&&&&&&&&&&&&&
الأرواج:
Bobbi Brown
غرامي يا ناس هالماركة..هالأرواج كريمية مطفية بس شنو نعومة و شنو ثبات.. مناسب للصبح لأن مطفي و ثابت لفترة و ما يحتاج تعيدي عليه كل شوي.. أهم شي عندي بالروج الترطيب.. و هالروج قمة...
Swatches from left to right (Dark chocolate & Heather Buff)
ماك
غني عن التعريف .. الألوان روعة و الترطيب هم روعة لكن الثبات... تعيس مقارنه ببوبي براون
Kanebo
أول مرة أجرب أرواجهم بس الترطيب و الثبات روعة.. بس أعتقد أني ما توفقت باللون ..طلع وايد باهت علي
بس لا يأس مع منتهى الأناقة.. حطيت فوقه غلوس من باي تيري موجود مع الغلوسات.. و طلع رهيب اللون و فيه لمعة .. حبيته
Swatch Hanatachibana LT07
ديور السيروم
Swatch Coral 730
الروج السائل من Make up for ever
ترطيب انما ايه .. و لون ثابت انما ايه
Swatch number 9
الروج السائل من شانيل
Dragon (75)
Swatch
باليته الأرواج من Make up for ever
ألوانها متنوعة و مطفية و حلوة .. عملية للشنطة و السفر.. و ثبات و ترطيب ما يحتاج أقول.. بعد ماركة محترفين
&&&&&&&&&&&&&&&&&&&&&&&&&&&&&&&&&&&&&&&&&&&&
الغلوسات:
باي تيري
الغلوس هذا لون عجيب .. هو اللي خلطته مع روج كانيبو .. ثباته و ترطيبه عالي بس مشكلته مثل كل منتجات باي تيري الريحة
بس ما لي خص .. بشتري الغلوس مرة ثانية..
Swatch
ايف سان لوران number 18
غرلاين كيس كيس (number 866)
غرلاين روعة ف كل شي .. هالغلوس لونه رهييييب.. عنابي يمي
و ترطيب و ثابت طبعا
Swatches
&&&&&&&&&&&&&&&&&&&&&&&&&&&&&&&&&&&&&&&&&&&
الفرش و الأدوات :
مشط الجواجب من سيفورا
حلو و ما ينعاب
عدة الأظافر من سيفورا
استخدمت منهم المقص و الملقط و حلوين بصراحة مع الشنطة مالته
عدة الأظافر من مكياجي
حلوة و متكاملة و أوديها معاي الصالون..
فرشاة كريولاين
حلوة و معاها غطا حتى لا توسخ الشنطة
فرش بوبي براون
أعشق كل شي بالماركة.. الفرش أحلى فرش شفتها .. العصا نصنوعة من خشب قوي و تعيش معاج الفرشاة فترة طويلة ,, و الشعر ناعم و التوزيع محترف..:03:
فرشاة Bare Essential
شوي خشنة ..استخدمها للفونديشن البودر مال نفس الماركة..
منظف الفرش من ماك
قبله كنت استخدم منظف الفرش من انجلوت.. هذا تنظيفه أحسن من انجلوت:087:
الأيسيل من ميكب فور ايفر
يحول الشدو لايلينر و يطول من عمر الفونديشن على البشرة
بس مشكلته انه ينشف بسرعة .. ما حبيته و ناوية أجرب الدريولاين من انجلوت..:039:
&&&&&&&&&&&&&&&&&&&&&&&&&&&&&&&&&&&&&&&&&&&&&&
بالنهاية أبي دعواتكم و استفادتكم..:086:
